Cúirt na n-Éileamh Beag

Rialacha

Is féidir na cineálacha éilimh seo a leanas a láimhseáil faoi nós imeachta na nÉileamh Beag:

• Éilimh ó thomhaltóirí i leith earraí lochtacha nó droch-shaoirseacht, mar shampla. Ní mór duit na hearraí nó an tseirbhís a bheith ceannaithe agat i gcomhair úsáid phríobháideach ó dhuine a dhíolann iad mar chuid dá ngnó.
• Is féidir éilimh a dhéanamh freisin i leith mion-dhamáiste ar do mhaoin.
• Éilimh i gcomhair éarlais cíosa le haghaidh cineálacha áirithe maoine, cosúil le teach saoire nó árasán in áitreabh ina bhfuil cónaí ar an tiarna talún freisin, nár tugadh ar ais. Láimhseálann an Bord um Thionóntachtaí Cónaithe Príobháideacha éileamh den chineál seo don earnáil tithíochta príobháidí príomhshrutha.

Ní féidir éilimh a dhéanamh i gCúirt na nÉileamh Beag i gcomhair fiacha, díobhálacha pearsanta nó sárú comhaontuithe léasaithe nó fhruilcheannaigh. Tá an nós imeachta seo deartha chun éilimh thomhaltóirí suas le €2,000 a láimhseáil.

Is féidir achoimhre a dhéanamh ar an gcóras mar seo a leanas:

• Líonann an t- éilitheoir an fhoirm iarratais isteach agus seoltar ar aghaidh í chuig an gCláraitheoir leis an táille cheart.
• Cláraíonn an Cláraitheoir an t-iarratas.
• Cuireann an Cláraitheoir cóip den éileamh agus Fógra an Éilimh ar aghaidh chuig an bhfreagróir.

Tá cúpla rogha ag an bhfreagróir anois

• Is féidir an t-éileamh a admháil
• Is féidir díospóid an t-éileamh
• Is féidir frithéileamh a dhéanamh
• Is féidir gan aon aird a thabhairt don éileamh.

Nuair a aontaíonn an freagróir leis an éileamh

Tá 15 lá tugtha don fhreagróir comhfhreagras a dhéanamh. Nuair a aontaíonn an freagróir leis an éileamh, líonann sé/sí isteach foirm Fógra Admhála ag glacadh Freagrachta agus cuireann é ar aghaidh chuig an gCláraitheoir.

Tá 3 rogha ag an bhfreagróir:

1. Aontaíonn an freagróir, an suim atá a lorg a íoc. Anseo tá an freagróir sásta tú a íoc láithreach. Déantar an íocaíocht trí seic, ordú poist nó ordú airgid, bíonn sé in ainm an éilitheora ach é curtha ar aghaidh chuig an gCláraitheoir. Má tá coinníollacha ag baint leis an íocaíocht mar shampla, go gcaithfear na hearraí a thabhairt ar ais, caithfidh an Cláraitheoir aontú a fháil ón éilitheoir.
2. Aontaíonn an freagróir le breith. Anseo íocfaidh an freagróir tú nuair atá breith déanta in Oifig Chúirte na n-Éileamh Beag. Ní chaithfidh tú freastal a dhéanamh ar an gcúirt. Mionaíonn an t-éilitheoir Fiacha Mionnscríbhinne agus déanann sé/sí iarratas do Bhreith agus Forógra. Tabharfaidh an Cláraitheoir cúnamh don éilitheoir leis an gcóras seo. Cuirfidh an Cláraitheoir an freagróir ar an eolas faoin mbreith. Tá 28 lá tugtha don fhreagróir leis an mbreith a chomhlíonadh.
3. Tá an freagróir sásta an t-éileamh a íoc ar ghlasíocaíocht. Caithfidh an cláraitheoir, an t-éilitheoir a chur ar an eolas faoi agus cead a fháil glacadh leis na téarmaí atá molta.

Nuair a dhíospóideann an freagróir an t-éileamh

Tá 15 lá ag an bhfreagróir le scríobh ar ais chuig an gCláraitheoir leis an bhFógra Aighnis. Seolann an Cláraitheoir cóip den Fhógra Aighnis chuig an éilitheoir agus déanann sé/sí iarracht an t-aighneas a réiteach. Téann an cás ar aghaidh chuig éisteacht cúirte muna dtagann siad ar réiteach.

Nuair a dhéanann an freagróir frithéileamh

Déanann an freagróir cur síos ar an bhfrithéileamh, ar an bhFógra Aighnis agus seolann sé/sí ar aghaidh an táille chuí chuig an gCláraitheoir. Cuireann an Cláraitheoir cóip den Fhógra Aighnis agus an Frithéileamh ar aghaidh chuig an éilitheoir.

Nuair nach bhfreagraíonn an freagróir an t-éileamh

Tá 15 lá tugtha don fhreagróir le comhfhreagras a dhéanamh. Muna bhfuil freagra faighte ón bhfreagróir, tá sé glactha go bhfuil sé/sí ag admháil don éileamh. Tá sé mar a bheadh sé/sí ag glacadh le breith. Mionaíonn an t-éilitheoir Fiacha Mhionnscríbhinne agus déanann sé/sí iarratas ar Bhreith agus Forógra. Tabharfaidh an Cláraitheoir cúnamh don éilitheoir leis an gcóras seo. Tabharfaidh an cláraitheoir an t-eolas don bhfreagróir faoin Bhreith. Tá 28 lá tugtha don Fhreagróir géilleadh don bhreith.

Teacht i láthair cúirte

Má tá do chás curtha ar aghaidh le haghaidh éisteacht cúirte, gheobhaidh tú litir ó Oifig na n-Éileamh Beag ag tabhairt sonraí duit faoin dáta, am éisteacht na cúirte agus seoladh na cúirte.

Má tá aon deacracht agat freastal a dhéanamh ar an gcúirt ar an dáta atá luaite, tabhair le fios d'Oifig na n-Éileamh Beag agus don fhreagróir chomh luath agus is féidir. Freisin, is féidir leat an dáta a chur siar go dtí dáta eile. Is é an breitheamh amháin gur féidir leis an t-ordú seo a dhéanamh agus caithfidh tú cúis mhaith a bheith agat gan a bheith in ann freastal a dhéanamh ar an dáta a bhí socraithe. Muna bhfuil tú in ann freastal a dhéanamh ar an éisteacht cúirte tú féin, is féidir leat ionadaí a chuir i d'áit le iarratas a dhéanamh ar do shon sa chúirt.

Nuair a fhaigheann na finnéithe uilig deis cainte san éisteacht cúirte, tabharfaidh an breitheamh a bhreith nó cinneadh ansin láithreach. Má tá an breitheamh ar do thaobh, déanfaidh sé ordú nó Forógra. Go hiondúil s'éard atá i gceist le seo ná go mbeidh ar an bhfreagróir méid airgid a íoc leat ach is féidir leis an mbreitheamh aon ordú a dhéanamh a fheiceann sé atá óiriúnach. Mar shampla, is féidir leis an mbreitheamh an t-ordú a thabhairt go mbeidh an obair críochnaithe nó na hearraí deisithe. Braitheann an t-ordú a thugann sé ar an gcás atá i gceist.

Má dhéanann an chúirt Forógra go gcaithfear suim airgid a íoc leat, tá 28 lá ag an bhfreagróir an t-airgead sin a íoc leat. Go hiondúil, má dhéantar aon chineál Forógra eile, beidh teorainn leis an méid ama a thabharfar leis an obair a chríochnú.

Muna sheasann an breitheamh leis an éileamh atá á dhéanamh agat, scaoilfear le do chás, ciallaíonn sé seo nach ndéanfar aon ordú nó Forógra i do fhabhar.

Féach ‘Tuilleadh eolais’ thíos ar ullmhú le haghaidh chúirte agus ar an éisteacht chúirte.

D'fhorfheidhmiú breithuínais

Nuair atá breith tugtha agus forógra faighte agat, tá seans ann nach nglacfaidh an freagróir leis an ordú cúirte. Sa chás seo caithfidh tú an bhreith a bhrú. Is é an gnáth bhealach chuige sin ná an Foróga a thabhairt don Sirriam nó don Chláraitheoir Contae do fhorghníomhú.

Beidh ort iarratas a chur chuig an gCláraitheoir um Éilimh Bheaga ar an Foraithne a sheoladh chuig tú. Ní bheidh an Cláraitheoir sheoladh go huathoibríoch tú an Foraithne maidir fhorghníomhú ar an mbealach seo. Tar éis a thabhairt duit an Foraithne chuig an Sirriam nó Cláraitheoir Contae, téann sé/sí ar aghaidh chuig an bhfreagróir agus glacann sé/sí seilbh ar earraí nó airgead atá ar an luach céanna leis an méid atá luaite san fhorógra.

Beidh táille a bheith iníoctha leis an Sirriam nó Cláraitheoir Contae. Má éiríonn leis an Sirriam nó Cláraitheoir Contae an bhreith a chomhlíonadh, gheobhaidh tú an táille ar ais.

Tá faisnéis agus cúnamh maidir le nósanna imeachta forfheidhmiúcháin ar fáil ón gCláraitheoir um Éilimh Bheaga

Achomharc in aghaidh breithe

Muna bhfuil tú sásta leis an gcinneadh a rinneadh i gCúirt na n-Éileamh Beag, is féidir leat achomharc a dhéanamh chuig an gCúirt Chuardach. Ba cheart machnamh ceart a dhéanamh roimh an cinneadh seo a dhéanamh. Ba cheart duit breathnú siar ar do chás go bhfeicfidh tú cén fáth nár éirigh leis agus machnamh ar tuige a gceapann tú go n-éireoidh leis i gcúirt eile. Muna n-éiríonn leis an achomharc, tá seans ann go mbeidh tú freagrach as costais an fhreagróra. Freisin, má dhéanann tú an cinneadh achomharc a dhéanamh chuig an gCúirt Chuardach, b'fhéidir go mbeidh comhairle nó cúnamh uait ó aturnae de bharr gur cúirt níos airde agus níos foirmeálta atá i gceist. Caithfidh tú iarratas ar achomharc a dhéanamh lastigh de 14 lá ó éisteacht na cúirte.

Tá an ceart ag an bhfreagróir achomharc a chur chuig an gCúirt Chuardach. Caithfidh siadsan freisin é seo a dhéanamh lastigh de 14 lá ón éisteacht chúirte. Má tharlaíonn sé seo gheobhaidh tú fógra ó oifig na cúirte.