Ról an bhreithimh

Eolas

Go hiondúil bíonn an breitheamh ina shuí/ina suí ar ardán ardaithe ag barr na cúirte agus caitheann sé bónaí bána, róba dúbh agus peiriúic.

Mura bhfuil giúiré i gcás, is é an breitheamh a shocraíonn cén pháirtí a bhainfidh nó a chaillfidh an cás. Éisteann sé no sí le fianaise an dá pháirtí agus leis na haighneachtaí a chuireann na habhcóidí (nó na haturnaetha) faoina bhráid/faoina bráid. Is féidir le breitheamh ceist a chur ar aon fhinné agus ar na habhcóidí (nó ar na haturnaetha).

Is féidir le breitheamh an breithiúnas a thabhairt sa chás ag deireadh na trialach nó is féidir leis/léi an breithiúnas a fhorchoimeád. Nuair a fhorchoimeádtar an breithiúnas, déanfaidh an breitheamh machnamh ar an gcás agus ansin tabharfaidh sé/sí an breithiúnas níos deireanaí.

Má tá giúiré i gcás is é an giúiré a shocraíonn toradh an cháis. Ní dhéanann an breitheamh ach treoir a thabhairt don ghiúiré agus a chinntiú go bhfeidhmíonn an trial go ceart. Tá sé mar fheidhm an-tábhachtach ag giúiré i dtriail choiriúil a shocrú cé acu a bhfuil nó nach bhfuil an cúisí ciontach sa chion.