Abhcóidí

Eolas

Cineál dlíodóra is ea abhcóide ar speisialtóir é in abhcóideacht chúirte agus i gcomhairle dlíthiúil.

Chun bheith i do abhcóide ní mór duit éirí leat i scrúduithe de chuid Kings Inns, caithfidh tú bheith "glaoite chun an Bharra" agus bliain a chaitheamh ag oibriú mar chúntóir d'abhcóide, ar cineál printíseachta é.

Ní mór do abhcóidí bónaí bána agus róba dubh a chaitheamh i bhformhór na gcúirteanna. Ní mór dóibh peiriúic a chaitheamh chomh maith. I gcúirteanna áirithe, mar shampla a i gcúirteanna dlí teaghlaigh, ní chaitheann abhcóidí peiriúic nó róbaí.

In Éirinn ní ligtear do abhcóidí seomraí nó comhpháirtíochtaí a bhunú. Tá gach abhcóide féin-fhostaithe agus oibríonn sé mar dhuine aonair.

Má tá tú páirteach i gcás dlí d'fhéadfá bualach le abhcóidí sóisir agus sinsir.

Feidhmeanna abhcóide

Tá réimse leathan feidhmeanna an ag abhcóidí:

• Dréachtaíonn abhcóidí comhairle dhlíthiúil. Mar shampla, d'fhéadfadh abhcóide comhairle dhlíthiúil a thabhairt duit faoi cibé and bhfuil nó nach bhfuil cás maith agat i gcoinne duine a bhfuil díospóid agat leis.
• Déanfaidh an abhcóide ansin na doiciméid dhlithiúla a scríobh (eascairí nó pleadálacha) a chaithfear a chomhdú sa chás.
• Nuair a thagann an cás chun trialach is é an abhcóide a fheidhmeoidh agus a labhróidh ar do shon, agus a chuirfidh do cás faoi bhráid an bhreithimh.
• D'fhéadfadh do abhcóide socraíocht do cháis a idirbheartú in ionad ligean dó a dhul chun trialach.

Abhcóide a fhostú

Ní féidir teagmháil a dhéanamh go díreach le abhcóide - déanann aturnaetha iad a fhostú chun obair ar chás. Nuair a theann tú i dteagmháil le aturnae ag lorg comhairle dlithiúla, d'fhéadfadh do aturnae moladh duit go ndéanfaí abhcóide a fhostú chun seirbhísí a sholáthar.

Má shocraíonn tú agus do aturnae ar abhcóide a úsáid i do chás, cuirfidh an aturnae mionteagasc chuig an abhcóide leis an eolas ábhartha agus na doiciméid uilig chun cabhrú leis nó léi an cás a chur i láthair.