Cinéalacha Éileamh
Eolas
Tógtar go leor cásanna sibhialta de bharr timpistí bóithre, timpistí ag an láthair oibre agus sleamhnú nó titim i siopa, ar an mbóthar nó in áit phoiblí.
Is féidir freisin éileamh a bhunú ar shárú conartha nó ar an mbealach ina bhfuil comharsa ag cur isteach ort sásamh a bhaint as do mhaoin - éilimh "chrá".
I measc na gcineálacha eile éileamh tá éileamh ar dhamáistí de bharr clúmhillte, i.e., nuair a dhéantar damáiste d'ainm nó clú duine de bharr bréaga a chur i gcló ar bhealach buan (mar shampla, i nuachtán). Tarlaíonn béadchaint nuair a dhéantar damáiste d'ainm nó clú duine de bharr bréaga a fhoilsiú ar bhealach nach bhfuil buan (mar shampla, i gcomhrá).
D'fhéadfadh sé go mbeadh éileamh agat i dtaobh úinéireachta talún nó go mbeadh ort dul i muinín na cúirte le ceisteanna a bhaineann le briseadh síos pósta a shocrú.
Teanga
Ábhar Gaolmhar
- Treoracha a Thabhairt do Dhlíodóir
Tá cur síos sa cháipéis seo ar cén chaoi le treoracha a thabhairt do dhlíodóir. - Soilsiú rothar in Éirinn
Ní foláir do gach rothar as a mbaintear leas in Éirinn soilsiú áirithe a bheith feistithe orthu mar nós caighdeánta. - Mótarthimpistí
Má bhíonn tú i mótarthimpiste tá roinnt rudaí gur gá duit a dhéanamh de réir an dlí.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.