Ráiteas Éilimh
Eolas
Má tá cás Ard Chúirte curtha ar aghaidh ag toghairm iomlánach agus má rinne an Cosantóir láithreas a thaifeadadh, is é an chéad rud eile a chaitheann an Comhghearánaí a dhéanamh ná "Ráiteas Éilimh" a sheirbheáil ar an gCosantóir.
Tá 21 lá ag an gComhghearánaí tar éis don Chosantóir láithreas a thaifeadadh leis an Ráiteas Éilimh a sheachadadh . Ní gá an Ráiteas Éilimh a sheirbheáil go pearsanta ar an gCosantóir - is féidir é a chur sa ghnáthphost.
Is é an cuspóir atá ag an Ráiteas Éilimh ná a chur in iúl don Chosantóir an cás atá á ullmhú ina choinne, a mbeidh air plé leis ag an triail.
Rialacha
Caithfidh an t-eolas seo a leanas a bheith sa Ráiteas Éilimh:
- Teideal agus uimhir an thaifid. Is éard atá i dteideal na nimeachtaí ainm an Chomhghearánaí agus ainm an Chosantóra.
- Cur síos ar na páirtithe. Caithfidh sloinne, ainm, teach cónaithe nó áit ghnó chomh maith le gairm an Chomhghearánaí agus an Chosantóra a bheith ar an Ráiteas Éilimh.
- Caithfidh an Bille cineál, méid agus foras éileamh an Chomhghearánaí i gcoinne an Chosantóra a chur in iúl. Ba chóir go leagfadh sé amach na líomhaintí atá á déanamh ag an gComhghearánaí agus an damáiste a d'fhulaing an Comhghearánaí. Ba chóir chomh maith go gcuirfeadh sé in iúl céard atá an Comhghearánaí ag lorg ón gCúirt.
- Caithfidh an Ráiteas Éilimh a bheith dátaithe agus sínithe ag an gComhghearánaí nó ag a aturnae.
Teanga
Ábhar Gaolmhar
- Eascairí agus pleadálacha
Tugann an doiciméad seo forbhreathnú ginearálta ar eascairí agus pleadálacha i gcásanna sibhialta. - Billí Sibhialta
Cuireann an doiciméad seo síos ar an "mBille Sibhialta", dociméad nár mhór duit a sheirbheáil ar an gCosantóir chun imeachtaí a thosú sa Chúirt Chuarda. - Ag seachadadh an Chosaint i gcás sibhialta
Cuireann an doiciméad seo síos ar céard a tharlaíonn nuair a dhéanann Cosantóir "Cosaint" a sheachadadh ar an gComhghearánaí le linn cáis shibhialta sa Chúirt Chuarda nó san Ard Chúirt.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.