Fógra go bhfuiltear chun an cás a Chosaint

Eolas

Nuair a fhaigheann Cosantóir toghairm shibhialta, ní mór dó roghnú cé acu an cás a chosaint nó gan é a chosaint.

Más tú an Cosantóir agus más mian leat admháil go raibh tú mícheart agus an cás a chosc sula dtéann sé chuig an chúirt, ní mór duit an méid a éilíonn an Comhghearánaí chomh maith leis na costais a íoc laistigh de 10 lá tar éis duit an toghairm shibhialta a fháil. Más mian leat admháil go raibh tú mícheart ach go dteastaíonn am uait chun méid na híocaíochta a éilíodh a bhailiú, ní mór duit teagmháil a dhéanamh le h-aturnae an Chomhghearánaí le gur féidir socrú a dhéanamh.

Má chreideann tú nach bhfuil an Comhghearánaí i dteideal na damáistí a d'éiligh sé uait agus go bhfuil fonn ort an cás a chosaint sa chúirt, ní mór duit "Fógra go bhfuiltear chun an cás a chosaint" a sheirbheáil. Ceanglaítear dhá chóip den Fhógra go bhfuiltear chun an cás a Chosaint leis an toghairm shibhialta a fuair tú. Ba chóir duit iad a scaradh, a líonadh isteach agus cóip amháin a chur sa phost chuig Oifig na Cúirte Dúiche agus cóip eile chuig an Comhghearánaí (nó aturnae an Chomhghearánaí).

Ní mór an Fógra go bhfuiltear chun an cás a Chosaint a chur chuig an Comhghearánaí ceithre lá ar a laghad roimh dháta na h-éisteachta cúirte. Mura seolann tú d'Fhógra go bhfuiltear chun an cás a Chosaint, ansin is féidir leis an gComhghearánaí iarratas ar "bhreithiúnas d'éagmais" a dhéanamh ar an gcúirt. Ciallaíonn seo go nglactar leis gur admhaigh tú an t-éileamh a rinneadh i do choinne, óir níor léirigh tú go raibh tú chun an cás a chosaint. Ní beidh aon éisteacht - is féidir leis an gcúirt breithiúnas i do choinne a ordú.