Fógra Frithéilimh
Eolas
Nuair a fhaigheann tú toghairm shibhialta d'fhéadfá socrú ní hamháin nach bhfuil aon rud mícheart déanta agat agus nár chóir go ndéanfaí éileamh ort, ach gur amhlaidh go ndearna an Comhghearánaí damáiste duit. Sa chúinsí sin, b'fhéidir gur mhian leat éileamh ar dhamáistí a chur ar aghaidh i gcoinne an Chomhghearánaí.
Chun éileamh a dhéanamh i gcoinne an Chomhghearánaí (a gcuirtear "frithéileamh" air) caithfidh tú "Fógra Frithéilimh a thabhairt don Chomhghearánaí nó a chur chuige (nó chuig a aturnae). Ní mór é seo a dhéanamh ceithre lá ar a laghad roimh dháta na h-éisteachta cúirte. Ní mór duit cóip den Fhógra a fhágáil in Oifig na Cúirte Dúiche.
Rialacha
Caithfidh an Fógra Frithéilimh a chur in iúl:
- Limistéar na Cúirte Dúiche inar cuireadh an t-éileamh ar aghaidh
- Ainmneacha na bpáirtithe
- Go bhfuil sé ar intinn an Chosantóra "ag éisteacht na toghairme sibhialta frithéileamh ar éileamh an Chomhghearánaí a dhéanamh"
- Caithfidh an Fógra ansin na líomhaintí atá á déanamh ag an gCosantóir in aghaidh an Chomhghearánaí a leagadh amach go
- Caithfidh an Fógra a bheith dátaithe agus sínithe ag an gComhghearánaí nó ag a aturnae.
Rataí
Is é 9 euro an táille a chaithfear a íoc chun Fógra Frithéilimh a chur isteach in oifig na Cúirte Dúiche.
Teanga
Ábhar Gaolmhar
- Fógra go bhfuiltear chun an cás a Chosaint
Ní mór do Chosantóir i gcás sibhialta "Fógra go bhfuiltear chun an cás a chosaint" a eisiúint má tá sé chun cás a chosaint sa chúirt. - An toghairm shibhialta
Cuireann an doiciméad seo síos ar an toghairm shibhialta. - Eascairí agus pleadálacha
Tugann an doiciméad seo forbhreathnú ginearálta ar eascairí agus pleadálacha i gcásanna sibhialta.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.