Ag taifeadadh láithris
Eolas
Nuair a fhaigheann Cosantóir Bille Sibhialta i gcás de chuid na Cúirte Cuarda, ba chóir dó "láithreas a thaifeadadh" laistigh de 10 lá. Más Ard Chúirte atá i gceist ba chóir don Chosantóir láithreas a thaifeadadh laistigh de 8 lá i ndiaidh dó an toghairm thionscnaimh a fháil. Ní chloítear go docht leis na teorainneacha seo agus sa chuid is mó de na cásanna, is féidir cosaint a sheachadadh tar éis an tréimhse a bheith caite.
Céim an-tábhachtach í láithreas a thaifeadadh, óir léiríonn sé go bhfuil sé ar intinn an Chostantóra na himeachtaí a chosaint.
Má theipeann ar Chosantóir láithreas a thaifeadadh, is féidir leis an gComhghearánaí "Breithiúnas d'éagmais Láithris" a iarraidh ar an gCúirt. Ciallaíonn seo gur féidir leis an gComhghearánaí breithiúnas in aghaidh an Chosantóra a fháil gan an cás a thabhairt chun trialach mar gur theip ar an gCosantóir na himeachtaí a aithint nó a thabhairt le fios go bhfuil sé ar intinn aige iad a chosaint.
Rialacha
Chun láithreas a thaifeadadh, caithfidh an Cosantóir foirm ghearr a chur i dtaisce ag Oifig na Cúirte Cuarda nó ag an Lár Oifig. Caithfidh an Cosantóir a chur in iúl ansin do aturnae an Chomhghearánaí go ndearnadh láithreas a thaifeadadh. Caithfidh an t-eolas seo a leanas a bheith san fhoirm ghearr:
- An dáta
- Ainm aturnae an Chosantóra. Mura bhfuil aturnae ag an gCosantóir, caithfidh an fhoirm a rá go bhfuil an Cosantóir á chosaint go pearsanta.
- Caithfidh seoladh an dlíodóra a bheith ar an bhfoirm. Mura bhfuil aturnae ag an gCosantóir, caithfear seoladh a thabhairt arbh fhéidir doiciméid a fhágáil dó ann.
Rataí
Ní gá táille no stampdhleacht a íoc nuair atá láithreas a thaifeadadh sa Chúirt Chuarda. San Ard Chúirt tá táille 10 euro le h-íoc.
Iarrfaidh do aturnae agus d'abhcóide táillí ar a gcuid seirbhísí chomh maith.
Teanga
Ábhar Gaolmhar
- Ag seachadadh an Chosaint i gcás sibhialta
Cuireann an doiciméad seo síos ar céard a tharlaíonn nuair a dhéanann Cosantóir "Cosaint" a sheachadadh ar an gComhghearánaí le linn cáis shibhialta sa Chúirt Chuarda nó san Ard Chúirt. - Eascairí agus pleadálacha
Tugann an doiciméad seo forbhreathnú ginearálta ar eascairí agus pleadálacha i gcásanna sibhialta. - Fógra go bhfuiltear chun an cás a Chosaint
Ní mór do Chosantóir i gcás sibhialta "Fógra go bhfuiltear chun an cás a chosaint" a eisiúint má tá sé chun cás a chosaint sa chúirt.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.