Billí Sibhialta
Eolas
Chun imeachtaí a chur ar aghaidh sa Chúirt Chuarda, caithfidh tí "Bille Sibhialta" a eisiúint. Ullmhóídh do aturnae an Bille Sibhialta agus is iondúil go dtugtar mionteagasc do abhcóide é a dhéanamh.
Tá cineálacha éagsúla Bille Sibhialta ann - déanfaidh do ionadaithe dlí an Bille Sibhialta a ullmhú a oireann don chás atá tú ag cur ar aghaidh. Mar shampla, má bhaineann an cás le díobháil phearsanta de bharr timpiste bhóthair, is é "Gnáth Bhille Sibhialta" an Bille cuí. Ach má bhaineann do chás le duine a chur amach as d'áitreabh, is é "Bille Sibhialta Eisiachtana" an Bille Sibhialta cuí.
Tar éis don abhcóide an Bille Sibhialta a ullmhú, tabharfaidh do aturnae do Oifig na Cúirte Cuarda é le go ndéanfaí é "a eisiúint" - caithfear an stampdhleacht a íoc ansin. Nuair a íoctar an stampdhleacht déantar an Bille Sibhialta a stampáil agus is féidir é a sheirbheáil ar an gCosantóir.
Tá bealaí éagsúla chun an Bille Sibhialta a sheirbheáil:
- Is féidir leat cóip den Bhille Sibhialta a thabhairt don Chosantóir go pearsanta agus an bhunchóip a thaispeáint dó
- Is féidir cóip a thabhairt do bhean nó d'fhear an Chosantóra, nó do ghaol nó do fhostaí sa teach fad is nach bhfuil an duine sin faoi 16 bliana d'aois
- Is féidir leat cóip a chur sa phost cláraithe réamhíoctha chuig an seoladh cónaithe nó oibre ba dhéanaí a raibh an Cosantóir ann.
Tar éis an Bille Sibhialta a sheirbheáil ar an gCosantóir, ní mór duit an "Bille Sibhialta" a "chur isteach". Ciallaíonn seo go gcuirfidh do aturnae an bhunchóip stampáilte den Bhille Sibhialta isteach i dtaisce ag Oifig na Cúirte Cuarda.
Rialacha
Caithfidh an t-eolas seo a leanas a bheith sa Bhille Sibhialta:
- Teideal. Is éard atá i dteideal na n-imeachtaí ainm an Chomhghearánaí agus ainm an Chosantóra.
- Ba chóir don Bhille cur síos ar chineál an Bhille Shibhialta, mar shampla "Gnáth Bhille Sibhialta".
- Cur síos ar na páirtithe. Caithfidh sloinne, ainm, teach cónaithe nó áit ghnó chomh maith le gairm an Chomhghearánaí agus an Chosantóra a bheith ar an mBille.
- Ráiteas éilimh. Caithfidh an Bille cineál, méid agus foras éileamh an Chomhghearánaí i gcoinne an Chosantóra a chur in iúl. Ba chóir go leagfadh sé amach na líomhaintí atá á déanamh ag an gComhghearánaí agus an damáiste a tharla don Comhghearánaí. Ba chóir chomh maith go gcuirfeadh sé in iúl céard atá an Comhghearánaí ag lorg ón gCúirt.
- Ba chóir don Bhille a chur in iúl an méid a bhfuil an Comhghearánaí i dteideal dó dar leis (nach féidir leis 38,092 euro a shárú) nó caithfidh sé a rá go bhfuil éileamh an Chomhghearánaí teoranta ag dlínse na Cúirte. Ní féidir leis an Comhghearánaí níos mo ná 38,092 a lorg ón gCúirt Chuarda.
- Caithfidh an Bille an Chuaird chuí ina bhfuil an t-éileamh á dhéanamh a léiriú.
- Caithfidh an Bille a bheith dátaithe agus sínithe ag an gComhghearánaí nó ag a aturnae.
Rataí
Caithfidh stampdhleacht 38 euro a íoc nuair a eisítear Bille Sibhialta.
Iarrfaidh do aturnae agus d'abhcóide táillí ar a gcuid seirbhísí chomh maith.
Teanga
Ábhar Gaolmhar
- Toghairm thionscnaimh
Toghairm a chuireann tús le himeachtaí sibhialta san Ard Chúirt is ea an toghairm thionscnaimh. - An toghairm shibhialta
Cuireann an doiciméad seo síos ar an toghairm shibhialta. - Ag seachadadh an Chosaint i gcás sibhialta
Cuireann an doiciméad seo síos ar céard a tharlaíonn nuair a dhéanann Cosantóir "Cosaint" a sheachadadh ar an gComhghearánaí le linn cáis shibhialta sa Chúirt Chuarda nó san Ard Chúirt.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.