Gníomhaíochtaí athstiúrtha agus cláir d'ógchiontóirí

Eolas

I dteannta le Clár Athstiúrtha Ógánach an Gharda tá cláir eile ann a bhfuil sé mar aidhm acu cabhrú le páistí torthaí na coireachta a thuiscint agus iad a choinneáil amach as an gcóras ceartais.

Cláir

Tionscadail Athstiúrtha Óige an Gharda

Maoiníonn na Gardaí roinnt tionscadal faoi Thionscadail Athstiúrtha Óige an Gharda a oibríonn le pobail áitiúla. Tugann na tionscadail seans do na páistí a bheith páirteach i ngníomhaíochtaí cosúil le h-oideachas, oiliúnt fostaíochta, spórt, ealaín agus ceol. Feidhmíonn formhór na dtionscadal lasmuigh d'uaireanta scoile, cé gur féidir gníomhaíochtaí a bheith pleanáilte i gcaitheamh an lae.

Tá an tSeirbhís Chaidrimh Pobail laistigh den Gharda Siochána freagrach as na tionscadail seo agus gach tionscadal faoi stiúr choiste. Is iad a bheidh ar gach coiste ná na Gardaí áitiúla, an tSeirbhís Phromhaidh, seirbhísí don óige agus na pobail áitiúla. Léiríonn gach tionscadal riachtanais an phobail áitiúil ach i ndeireadh na dála tá sé mar aidhm ag gach tionscadal páistí a chur ón gcoireacht agus iompraíocht fhrithshóisialta Tá Treoirlínte do Thionscadal Athstiúrtha Óige an Gharda (pdf) foilsithe ag an Roinn Dlí agus Cirt agus Comhionannais a thugann treoir ar chonas ba chóir do thionscadal oibriú.

Clár Scoileanna

Ag leibhéal na scoile, oibríonn na Gardaí clár atá ceaptha chun daoine óige a athchomhairliú gan baint a bheith acu le hiompraíocht choiriúil. Tugtar an Clár Scoileanna ar an gclár seo. 'Sé atá i gceist ná go dtugann Gardaí cuairt ar na seomraí ranga agus tugann siad faoi thionscadail agus turais le daltaí i rang a 5 i mbunscoileanna. Tá clár d' iar-bhunscoileanna forbartha chun feidmhiú i deannta le siollabas an Oideachais Shóisialta, Phearsanta agus Sláinte don tSraith Shóisearach.

Chomh maith le heolas a thabhairt do dhaoine óige faoi mhíbhuntáistí a bhaineann le hiompraíocht choiriúil, taispeánann an Clár Scoileanna freisin do pháistí an taobh dearfach d'obair na nGardaí agus cuireann sé le dea-chaidreamh idir páistí agus na Gardaí.

Tionscnamh Náisiúnta um Fheasacht Choireachta

Sa bhliain 1996 bunaíodh tionscnamh náisiúnta um fheasacht choireachta dírithe ar dhaoine óige Rinneadh an tionscnamh seo, ar a dtugtar an clár Copping On, a fhorbairt ag Youthreach agus líonra de Ghardaí Idirchaidrimh don Óige.

Tá an tionscnamh dírithe ar lucht luathfhágála scoile agus déanann sé iarracht daoine óige a chur ar an eolas faoi iompraíocht choiriúil agus ciontú. Cuireann Copping On acmhainní oiliúna cuimsitheacha agus solúbtha ar fáil do ghníomhaireachtaí atá ag soláthar grúpobair um fheasacht agus cosc na coireachta. Tairgíonn sé freisin tacaíocht leanúnach agus cothaíonn sé chomhoibriú idirghníomhaireachtaí.

Soláthraíonn 'Copping On' pacaí acmhainne sóisearacha agus sinsearacha dírithe ar 8-12 agus 15-18 d'aois faoi seach agus cuairteanna chuig phríosiúin faoi stiúir.