Duine a bhfuil amhras coire air/uirthi a aithint.

Rialacha

Méarloirg

Is féidir úsáid a bhaint as fianaise méarloirg i gcoinne duine atá cúisithe ag an triail agus ní gá don Gharda a thógann méarloirg rogha a thabhairt don duine má thug an duine sin a c(h)uid méarloirg dá d(h)eoin féin.

Griangrafanna

Má tá cur síos ar dhuine a bhfuil amhras coire air/uirthi faighte ag Garda is féidir leis/léi griangrafanna den duine sin a thaispeáint do fhinné. Ach, ní mór don Gharda an griangraf a chur ós comhair an fhinné i measc ar a laghad 12 griangrafanna gan a bheith ann ach ceann nó péire.

Má phiocann an finné sin an té atá cúisithe amach as paráid aitheantais ina dhiaidh sin, ní mór don bhreitheamh ag an triail a chur in iúl don ghiúiré go bhféadfadh sé go raibh tionchar ag an ngriangraf a bheith feicthe ag an bhfinné ar an té atá cúisithe a bheith piocaithe aige/aici as an bparáid aitheantais.

Paráidí Aitheantais

Is féidir úsáid a bhaint ag an triail as fianaise a bailíodh de bharr aitheantais neamhfhoirimiúil (mar shampla, má bhíonn finné in ann duine a aithint ar an tsráid) agus ní gá go mbeadh paráid aitheantais fhoirimiúil ann leis an té atá cúisithe a aithint. Ach, i gcásanna faoi leith, is féidir leis an mbreitheamh cinneadh a dhéanamh go raibh gá le paráid aitheantais fhoirimiúil.

Tabharfaidh breitheamh na trialach rabhadh don ghiúiré gur drochrud é a bheith ag brath ar fhianaise aitheantais súl amháin le duine a chiontú agus leagfaidh sé/sí síos don ghiúiré an difríocht ó thaobh creidiúna atá idir módhanna neamhfhoirmiúla agus foirmiúla le duine a aithint.