Obair Fheabhasucháin in áit Tí ón Údarás Áitiúil
Eolas
Tríd an scéim seo is féidir le hÚdaráis Áitiúla tithe príobháideacha a fheabhsú nó a mhéadú in áit tithe a chur ar fáil. Tá sé ar fáil do:
- Dhaoine atá ina gcónaí ina dtithe féin ach go bhfuil an iomarca daoine sa teach amháin nó go bhfuil caighdeán an tí faoi bhunleibhéal agus nach bhfuil sé d'acmhainn acu na feabhasucháin chuí a dhéanamh iad féin.
- Tionóntaí an údaráis nó tionóntaí atá ag ceannach a dtithe ón údarás nó tionóntaí chumainn tithíochta gur mian leo aistriú isteach i dteach gaol leo ach nach bhfuil an teach sin ag sásamh bunchaighdeáin nó go bhfuil an teach ró-bheag.
Má tá tú ina theideal, déanfaidh an t-údarás áitiúil an obair le fáil réidh le lochtanna ar an teach nó le seomraí codalta breise a chur ar fáil. Íocfaidh an tÚdarás Áitiúil costas iomlán na hoibre agus beidh táille le n-íoc agat leis an Údarás ar feadh tréimhse nach faide ná 15 bliain. Má bhíonn costas iomlán na hoibre íoctha agat leis an údarás i dtréimhse níos giorra ná 15 bliain cuirfear deireadh leis an táille.
Beidh an táille seo bunaithe ar an scéim cíos difreálaigh agus mar sin tá sé bunaithe ar d'acmhainní.
Rialacha
D'fhéadfá a bheith intofa má/s:
- tá tú cláraithe ar an liosta feithimh leis an údarás áitiúil
- tionónta nó tionónta atá ag ceannach thú ón údarás áitiúil agus go bhfuil sé i gceist agat teach príobháideach a cheannach agus do theach a thabhairt ar ais don údarás áitiúil.
- tionónta le breis is bliain thú de theach atá curtha ar fáil ag cumann tithíochta faoin scéim Fordheontas Cíosa agus go bhfuil sé i gceist agat teach príobháideach a cheannach agus do theach a thabhairt ar ais don údarás áitiúil.
Cuirfidh an tÚdarás Áitiúil an phráinn a bhaineann le do chás san áireamh agus chomh éifeachtach ó thaobh costais a bheadh sé agus iad ag déanamh cinneadh ar do theach nó teach do ghaol a fheabhsú.
Is féidir an teach a dhíol ag am ar bith. Ach, má dhéanann tú sin taobh istigh den tréimhse cúig bhliain déag nó roimh costas na hoibre a bheith íoctha ar ais agat, beidh ort aisíocaíocht a dhéanamh leis an Údarás Áitiúil.
Conas Iarratas a dhéanamh
Déan teagmháil leis an Údarás Áitiúil.
Teanga
Ábhar Gaolmhar
- Íasachtaí ón Údarás Áitiúil ar mhaithe le Feabhsucháin
Tí
Tá iasachtaí ar fáil ón údarás áitiúil d'úinéirí tí ar mhaithe le hobair riachtanach a dhéanamh leis an teach a fheabhsú, a dheisiú nó a mhéadú. - Do chearta mar thionónta chumann tithíochta
Tá cur síos ginearálta sa cháipéis seo ar do chearta mar thionónta chumann tithíochta. - Suíomhanna tithíochta ar chostas íseal
Is féidir le húdaráis áitiúla suíomhanna tithíochta a chur ar fáil ar chostas íseal, chun cabhrú le daoine a bhfuil tithíocht de dhíth orthu a gcuid tithíocht féin a chur ar fáil.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.