Deontas Oiriúnaithe Tithe do Dhaoine faoi Mhíchumas
Eolas
Tá deontas oiriúnaithe tithe ar fáil nuair atá athruithe riachtanacha le déanamh ar theach, chun é a oiriúnú ó thaobh cónaithe do dhuine faoi mhíchumas fisiciúil, céadfach nó meabhrach nó le fadhb sláinte intinne.Is féidir leis an deontas cabhrú leat chun athruithe agus oiriúnuithe a dhéanamh ar do theach, é a oiriúnú do chathaoir rotha mar shampla, chomh maith le síneadh a chur air chun breis spáis a chruthú, seomra folctha nó leithreas a chur isteach ar urlár na talún agus ardaitheoirí staighre. I gcásanna áirithe, bíonn soláthar teasa san áireamh faoi choinníollacha áirithe amháin, ach déan teagmháil le d'údarás áitiúil chun tuilleadh sonraí a fháil.
Is féidir leat iarratas a dhéanamh ar an Scéim Deontas Áiseanna Soghluaisteachta ina ionad mura bhfuil i gceist ach mionobair, ach caithfidh tú an tástáil mhaoine a shásamh mar sin féin. Mura sásaíonn tú na teorainneacha ioncaim don Scéim Deontas Áiseanna Soghluaisteachta, ba chóir duit iarratas a dhéanamh ar Dheontas Oiriúnaithe Tithe do Dhaoine faoi Mhíchumas.
Rialacha
Is féidir an deontas a íoc le daoine a bhfuil cónaí orthu sna cinéalacha tithe a leanas:
- Tithíocht úinéir-áitithe
- Tithe atá á gceannach ó údarás áitiúil faoin scéim cheannaigh ag tionóntaí
- Cóiríocht atá ar cíos go príobháideach (is féidir le fad do thionóntachta tionchar a bheith aige ar fhaomhadh a fháil ar an deontas)
- Cóiríocht atá curtha ar fáil faoi na scéimeanna tithíochta deonacha an Scéim Tacaíochta Caipitil agus an Scéim um Fhóirdheontais Cíosa
- Cóiríocht atá áitithe ag daoine atá ina gcónaí in árais chomhchoiteanna
Tabharfar tús áite do do iarratas bunaithe ar riachtanas leighis. Tá 3 leibhéal tosaíochta ann:
- Tosaíocht 1: Duine a bhfuil tinneas foirceanta ag dul dóibh nó atá cleithiúnach go hiomlán/príomha ar theaghlach nó cúramóir; nó sa chás go bhféadfaí duine a scaoileadh abhaile ón ospidéal nó an riachtanas maidie le hospidéalacht a mhaolú sa todhchaí.
- Tosaíocht 2: Duine atá soghluaiste ach a bhfuil cúnamh de dhíth orthu ó thaobh níocháin, áiseanna leithris, seomra leapa srl.; nó má chuireann easpa athruithe/oiriúnuithe bac ar ábaltacht an duine faoi mhíchumas maireachtáil go neamhspleách.
- Tosaíocht 3: Duine atá neamhspleách ach a bhfuil áiseanna speisialta de dhíth orthu lena c(h)aighdeán maireachtála a fheabhsú, seomra leapa nó spás maireachtála ar leith.
Nuair a fhaigheann an t-údarás áitiúil d'iarratas, is féidir go
n-iarrfadh sé measúnú ó Theiripeoir Saothair (TS). Is féidir leis an
údarás áitiúil measúnú TS a eagrú, ach faoin deontas nua is féidir leat
TS a fhostú chun measúnú a dhéanamh, agus suas le €200 forchúiteamh a
fháil mar chuid den deontas iomlán suas go dtí an uasmhéid atá tú i
dteideal a fháil.
Tástáil mhaoine
Is deontas a bhfuil tástáil mhaoine i gceist leis é an Deontas
Oiriúnaithe Tithe do Dhaoine faoi Mhíchumas. Ciallaíonn sé seo go ndéantar
measúnú ar d'ioncam teaghlaigh iomlán chun a fháil amach an bhfuil tú
incháilithe don deontas, agus má tá, ag cén leibhéal cabhrach.
Is éard is ioncam teaghlaigh ann ná:
- ollioncam bliantúil an úinéara réadmhaoine (an tionónta i gcás áitreabh príobháideach ar cíos) agus an céile/páirtí sa bhliain cíosa roimhe sin.
Ní thógtar an méid seo a leanas san áireamh nuair atá ioncam do theaghlaigh á ríomh:
- €5,000 do gach duine den teaghlach atá faoi 18 bliana d'aois
- €5,000 do gach duine den teaghlach atá idir 18 agus 23 bliana d'aois agus atá in oideachas lánaimseartha nó ar phrintíseacht FÁS
- €5,000 sa chás go bhfuil cúram lánaimseartha á chur ar fáil ag duine muinteartha don té atá faoi mhíchumas a bhfuil an deontas á sholáthar dó
- Sochar Leanaí
- Forlíonadh Ioncaim Teaghlaigh
- Liúntas Cúram Baile
- Deontas Cúraim Faoisimh
- Sochar Cúramóra agus Liúntas Cúramóra (má tá íocaíocht an chúramóra á dhéanamh i leith an té a bhfuil an deontas á chur ar fáil dó)
Imréiteach cánach
Má fhaigheann tú deontas níos mó ná €10,000, caithfidh
tú Deimhniú Imréiteach Cánach bailí a bheith agat. Má
tá sé i gceist agat níos mó ná €650 a íoc le conraitheoir, ní mór
dod' chonraitheoir a D(h)eimhniú Imréiteach Cánach a sheoladh isteach chuig
an údarás áitiúil.
Tús a chur leis an obair chun do theach a oiriúnú
Ní íocfar an deontas má thosaítear ar an obair sula
ndéantar an deontas a fhaomhadh. Beifear ag súil go gcuirfear tús leis an
obair taobh istigh de 6 mhí tar éis duit faomhadh a fháil don deontas.
Rataí
Tabharfar tús áite do dhaoine bunaithe ar chúiseanna leighis. Má tá
d'ioncam teaghlaigh níos lú ná €30,000, d'fhéadfá a bheith incháilithe
do 95% de chostas na n-oibreacha (suas go dtí an uasdheontas de €30,000).
Laghdófar céatadán na gcostas a fhaigheann cúnamh deontais ó 95% go 30%
nuair atá ioncam an teaghlaigh idir €54,001 agus €65,000.
Murar féidir leat iasacht a fháil ó bhanc nó cumann foirgníochta leis na
costais nach gclúdaíonn an deontas a íoc, d'fhéadfá iarratas a dhéanamh
ar iasacht
feabhsaithe tí an údaráis áitiúil. Má tá do theach tógtha le
níos lú ná bliain amháin, ní bheidh méid an deontais
níos mó ná €14,500 go ginearálta.
Más tionónta údaráis áitiúil tú, clúdóidh an t-údarás áitiúil
costas iomlán na n-oibreacha.
Deontas Oiriúnaithe Tithe do Dhaoine faoi Mhíchumas (tithe atá
tógtha le níos lú ná 12 mí):
| Ioncam bliantúil teaghlaigh uasta | % de chostais | Uasdheontas |
| Suas le €30,000 | 95% | €30,000 |
| €30,000 - €34,000 | 90% | €27,000 |
| €34,001 - €38,000 | 80% | €24,000 |
| €38,001 - €42,000 | 70% | €21,000 |
| €42,001 - €46,000 | 60% | €18,000 |
| €46,001 - €50,000 | 50% | €15,000 |
| €50,001 - €54,000 | 40% | €12,000 |
| €54,001 - €65,000 | 30% | €9,000 |
| Os cionn €65,000 | Níl deontas iníoctha |
Deontas Oiriúnaithe Tithe do Dhaoine faoi Mhíchumas (tithe atá
tógtha le níos lú ná 12 mí):
| Ioncam bliantúil teaghlaigh uasta | % de chostais | Uasdheontas |
| Suas le €30,000 | 95% | €14,500 |
| €30,000 - €34,000 | 90% | €13,050 |
| €34,001 - €38,000 | 80% | €11,600 |
| €38,001 - €42,000 | 70% | €10,150 |
| €42,001 - €46,000 | 60% | €8,700 |
| €46,001 - €50,000 | 50% | €7,250 |
| €50,001 - €54,000 | 40% | €5,800 |
| €54,001 - €65,000 | 30% | €4,350 |
| Os cionn €65,000 | Níl deontas iníoctha |
Cá háit a ndéanfaidh mé iarratas
Ba chóir duit teagmháil a dhéanamh le Rannóg Tithíochta d'údarás áitiúil chun tuilleadh eolais a fháil.
Teanga
Ábhar Gaolmhar
- An Scéim um Chúnamh Tithíochta do Dhaoine Breacaosta
Deontais atá ar fáil chun tithíocht do dhaoine breacaosta a fheabhsú, ionas gur féidir leis an áititheoir fanacht ina t(h)each féin chomh fada agus is féidir. - An Scéim Deontas Áiseanna Soghluaisteachta
Tugann an scéim seo cabhair do dhaoine níos sine leis na costais a bhaineann le deisiúcháin riachtanacha agus le cothabháil a gcuid dtithe a chlúdach. - Budget 2007
Budget 2007 was announced on 6 December 2006. Summary of the main changes.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.