Cóir don thorthúlacht

Rialacha

Níl an toirchiú in vitro ar fáil ó na seirbhísí sláinte poiblí agus níl fáil forleathan ar an tseirbhís in Éirinn. Níl aon dlí a chuireann cosc ar thoirchiú in vitro ach níl aon dlí ann leis an tseirbhís a rialú ach an oiread. Is féidir leis an LG duine a chur ar aghaidh chuig saineolaithe agus clinicí príobháideacha a sholáthraíonn an tseirbhís.

Tá treoirlínte ag Comhairle na nDochtúirí Leighis a leagann amach na coinníollacha faoina bheadh sé eiticiúil ag dochtúirí cóireáil toirchithe in vitro a chur ar fáil. Bunaíodh Coimisiún um Atáirgeadh Daonna Cuidithe i 2000 le tuarascáil a ullmhú faoin mbealach a bhféadfaí atáirgeadh daonna cuidithe a rialú. Críochnóidh an Coimisiún a chuid oibre i 2005. Is ar bhunús na moltaí seo a chuirfear daoine ar an eolas sa díospóireacht phoiblí sula nglacfar le moltaí maidir le polasaí. Tá an tuarascáil an Choimisiúin ar fáil anseo.

I mBealtaine 2005, chuir an tAire Sláinte an Tuarascáil faoi bhráid Chomhchoiste um Shláinte agus Leanaí an Oireachtais le breithniú. Beidh a mholtaí mar bhonn chun eolas a thabhairt don díospóireacht phoiblí sula gcuirfear moladh beartais ar bith i gcrích.

Faoiseamh cánach agus cóireáil toirchithe

Féadfaidh tú faoiseamh cánach a éileamh maidir leis na costais a bhaineann le cóireáil toirchithe in vitro mar chuid den scéim um fhaoiseamh cánach i leith costais leighis. Áirítear na drugaí a úsáidtear mar chuid de chóireáil torthúlachta mar drugaí atá clúdaithe ag anScéim um Íocaíochtaí Drugaí. Faoin scéim seo ní bhíonn ar dhuine aonair nó ar theaghlach níos mó ná €132 a chaitheamh mí ar bith ar dhrugaí, ar leigheasanna nó ar fhearais áirithe atá ordaithe agus formheasta d’úsáid ag an duine sin nó ag an teaghlach sin i gcaitheamh na míosa sin.