Seirbhísí Sláinte Meabhrach

Eolas

Cuireann boird sláinte agus ospidéil phríobháideacha réimse leathan seirbhísí ar fáil do dhaoine le meabhairghalar. I measc na seirbhísí seo d'fhéadfaí seirbhísí do aosaigh le meabhairghalar agus daoine le néaltrú/ galar Alzheimer, chomh maith le alcólacht agus seirbhísí comhairleoireacht andúile a chur san áireamh. Cuirtear an chuid is mó de na seirbhísí seo ar fáil i gcónasc le h-eagraíochtaí sláinte meabhrach deonacha agus bíonn éagsúlacht leathan ar a infhaighteacht ó cheantar amháin go ceantar eile.

Tá rialacha sonracha faoi ligean isteach in ospidéil shíciatracha nó aonaid shíciatracha ceadaithe atá ceangailte le ospidéil ghinearálta. Murab ionann agus ospidéil ghinearálta d'fhéadfaí tú a chur isteach go i gcoinne do thola in ospidéal síciatrach nó in aonad síciatrach ceadaithe.

D'fhéadfaí géarsheirbhísí sláinte meabhrach d’othair chónaitheacha a chur ar fáil in ospidéil shíciatracha speisialta nó i ngéaraonaid shíciatracha ceadaithe in ospidéil ginearálta. Cuirtear seirbhísí sláinte meabhrach pobail ar fáil ar bhunús limistéir abhantraí. Le blianta beaga anuas, tá seirbhís do dhaoine le meabhairghalar curtha ar fáil, chomh fada agus is féidir sa phobal de réir earnálacha seachas in institiúidí móra. Baineann seirbhís earnáileach le ceantar ar leith (daonra 35,000). Tá an tseirbhís sláinte meabhrach freagrach as cúram an daonra iomlán taobh istigh dá limistéar abhantraí agus cuireann siad réimsí seirbhísí cuí ar fáil chun freastal ar riachtanais an othair.

Feidhmíonn ospidéil phríobháideacha shíciatracha go forleathan ar an mbunús céanna le ospidéil phríobháideacha eile. Baineann na rialacha maidir le ligean isteach neamhdheonach leo freisin.

Tiocfaidh athrú ar na rialacha faoi ligean isteach chuig ospidéil shíciatracha agus ar na socruithe rialacháin i gcomhair seirbhísí sláinte meabhrach nuair a chuirfear an tAcht Sláinte Meabhrach, 2001, i gcrích

Seirbhísí Pobail

D'fhéadfaí seirbhísí pobail do dhaoine le meabhairghalar a chuir ar fáil in ionad áitiúil i do cheantar. Cuirtear seirbhísí ar fáil go minic i gclinicí eisothair, ionaid cúram lae, ionaid sláinte meabhrach agus ospidéil lae. Bíonn éagsúlacht idir an réimse seirbhísí atá ar fáil ó ionad amháin go ceann eile agus is féidir cóireáil a chuir ar fáil do dhuine aonarach nó ar bhunús grúpa. Tá na réimsí seirbhísí seo a leanas le fáil:

• measúnú agus tátal;
• cogais;
• teiripe grúpa agus aonarach;
• cúram agus tacaíocht shóisialta;
• gníomhaiochtaí caitheamh aimsire.

D'fhéadfadh tú a bheith curtha ar aghaidh ag do LC nó, i roinnt cásanna d'fhéadfá féin siúl isteach chun fáil a bheith agat ar an tseirbhís. Ó cheart, ba chóir tú a bheith curtha ar aghaidh ag do LC.

Cuirtear seirbhís comhairleoireachta alcóil agus andúile ar fáil go minic sa phobal. Cuirtear na seirbhísí seo ar fáil go minic i gcónasc le heagraíochtaí deonacha. Arís is féidir leat féin dul isteach i gcomhair cóireála. Ba chóir duit teagmháil a dhéanamh le do bhord sláinte áitiúil nó bord sláinte i do cheantar le haghaidh eolas faoi sheirbhísí i do cheantar.

Tá réimse seirbhísí comhairleoireachta príobháideacha andúile agus alcóil ann freisin.

Seirbhísí do dhaoine aosta le meabhairghalar

Cuireann roinnt bord sláinte seirbhís speisialta ar fáil do dhaoine atá ag dul amach sna blianta, agus cuireann siad seirbhís phobail agus chónaitheach ar fáil do fhualaingeoirí a bhfuil néaltrú nó galar Alzheimer orthu. Is gnáthach gurbh é do liachleachtóir dhéanann tú a chur chuig na seirbhísí seo.

Cúram Cónaitheach

Tá aonaid shíciatracha in ospidéil ghinearálta agus aonaid chónaitheacha i suímh pobail ag teacht in áit na sean ospidéal síciatracha móra. Tá forbairt dá déanamh chomh maith ar sheirbhísí cóireála lae, seirbhísí measúnaithe agus saothair agus athshlánaithe sa phobal.

Tá géarsheirbhísí d'othair chónaitheacha á gcur ar fáil in aonaid shíciatracha in ospidéil ghinearálta nó in ospidéil shíciatracha. Tá na hothair a ligtear isteach chuig na háiseanna seo faoi chúram síciatrach comhairleach le tacaíocht ó bhaill eile de fhoireann idirdhisiplíneach, ina measc dochtúir, altraí, síceolaithe, oibrithe sóisialta, teiripithe saothair agus foireann fo-ghabhálach.

Cuirtear cúram fadthéarmach ar fáil go hiondúil i réimse aonaid mar seo a leanas:

Ionaid chónaitheacha ard tacaíochta, a chuireann maoirseacht leanúnach ar fáil, le lán-tacaíocht chun maireachtáil go neamhspleách a éascú.

Ionaid chónaitheacha meán tacaíochta, a cheadaíonn roinnt éigin maireachtála go neamhspleách in éineacht le maor cónaitheach.

Ionaid chónaitheacha le tacaíocht íseal, a áisíonn maireachtáil go neamhspleách ach le roinnt tacaíochta altranais, leighis agus sóisialta .

Is iad an fhoireann idirdhisiplíneach a chuireann an t-othar chuig na haonaid seo i gcomhairle leis an othar.

Grúpa Saineolaithe ar Pholasaí Sláinte Meabhrach

Bunaíodh Grúpa Saineolaithe ar Pholasaí Sláinte Meabhrach chun:

• Creatlach pholasaí sláinte meabhrach a chur le chéile le haghaidh an 10 mbliana atá amach romhainn
• Moltaí a dhéanamh ar an mbealach is fearr chun seirbhísí sláinte meabhrach a eagrú agus a chur ar fáil
• Costas féideartha moltaí an Ghrúpa Saineolaithe a chur in iúl.

Scrúdóidh an Grúpa Saineolaithe gach gné de chúram agus de chóireáil sláinte meabhrach. D'iarr an Grúpa aighneachtaí ar eagraíochtaí agus daoine leasmhara, agus ar an bpobal i gcoitinne i Deireadh Fómhair 2003 agus fuarthas breis is 140 aighneacht. Tá an grúpa ag breathnú anois ar na haighneachtaí seo. Táthar ag súil go gcríochnóidh an Grúpa Saineolaithe a chuid oibre i 2005.