Cigirí na Seirbhísí Sláinte Mheabhrach

Rialacha

Cigire na nOspidéal Meabhrach

Tá roinnt feidhmeanna ag an gcigire. Is féidir leis nó léi cuairt a thabhairt agus cigireacht a dhéanamh ar aon institiúid shíciatrach, ag am ar bith agus cuairt agus scrúdú a chur ar aon othar ansin. Tá iallach air nó uirthi cuairt a thabhairt ar gach institiúid uair amháin sa mbliain ar a laghad.

Nuair a thugann an cigire cuairt ar an institiúidí tá dualgas air nó uirthi breathnú isteach i gcás aon duine atá faoi choinneáil:

• má tá aimhreas aige nó aici faoin gcoinneáil
• má tá iarrtha ag an othar nó duine éigin eile air nó uirthi an cás a fhiosrú.

Cigire na Seirbhísí

Nuair a thiocfaidh an tAcht Sláinte Meabhrach, 2001, i bhfeidhm roghnóidh an Coimisiún, cigire do sheirbhísí .

Is iad feidhmeanna an chigire ná:

• Cuairt agus cigireacht a dhéanamh ar gach ionad ceadaithe uair sa mbliain ar a laghad
• Athbhreithniú a dhéanamh ar sheirbhísí gach bliain agus tuairisciú don Choimisiún faoi cháilíocht na cóireála atá dá tabhairt do dhaoine atá ag fáil seirbhís agus gnéithe eile den tseirbhís.

Beidh cumhachtaí éagsúla ag na cigirí dul isteach agus cigireacht a dhéanamh ar áitrimh, taifid a fháil, doiciméadú agus eolas ar bith eile a fháil ón bhfoireann oibre agus fianaise atá bainteach leis an gcigireacht, a thogáil faoi mhionn.

D'fhéadfadh sé go n-iarradh an Coimisinéar ar an gCigire fiosrúchán a dhéanamh faoi:

• aon ionad ceadaithe nó aon áitrimh a gcuirtear seirbhís ar fáil iontu
• an cúram agus cóireáil atá dá fháil ag othar faoi leith, bíodh siad deonach nó neamhdheonach
• aon ábhar cuí eile.