An Roinn Sláinte
Eolas
Tá an Rialtas, an tAire Sláinte agus an Roinn Sláinte i gceannas ar sholáthar na seirbhísí sláinte. Is é an ról is tábhachtaí atá ag an Roinn ná tacú leis an Aire chun beartais do na seirbhísí sláinte a chruthú agus a mheasúnú. Tá ról ag an Roinn freisin i bpleanáil straitéiseach na seirbhísí sláinte i gcomhairle le Fheidhmeannacht na Seirbhíse Sláinte (FSS), leis an earnáil deonach, le ranna eile rialtais agus le leasanna eile.
Tugann an Roinn Sláinte maoiniú gach bliain don FSS. Socraíonn gach Limistéir Fheidhmeannacht na Seirbhíse Sláinte (FSS) sin conas a roinntear na hacmhainní atá ar fáil ar na háisíneachtaí ina gceantar féin. Cuireann an Roinn fachtóirí éagsúla san áireamh agus socrú á dhéanamh aici faoi cé mhéad den mhaoiniú a roinnt ar gach Limistéir FSS. Cuirtear san áireamh anseo an costas a bhain le seirbhísí a sholáthar an bhliain roimhe, chomh maith le costais phá, forbairtí seirbhíse agus an maoiniú do rudaí ar leith ar socraíodh orthu.
Eagrú na Roinne
Go bunreachtúil agus go polaitiúil is ar an Aire Sláinte atá an fhreagracht fhoriomlán as an Roinn.
Tá ceathrar Airí Stáit sannta don Roinn. Is iad a sainfhreagrachtaí siúd:
- Gnóthaí Leanaí agus Óige (áiríonn sé seo ról tras-rannach leis an Roinn Oideachais agus Scileanna agus an Roinn Dlí agus Cirt agus Comhionannais)
- Daoine bunaosta (áiríonn sé seo ról tras-rannach leis an Roinn Coimirce Sóisialaí agus an Roinn Comhshaoil, Pobal agus Rialtais Áitiúil)
- Míchumas agus Sláinte Intinne (áiríonn sé seo ról tras-rannach leis an Roinn Oideachais agus Scileanna, An Roinn Post, Fiontar agus Nuálaíochta agus an Roinn Dlí agus Cirt agus Comhionannais)
- Cur Chun Cinn na Sláinte agus Sábháilteacht Bhia
Is é an tArd-Rúnaí ceannasaí riaracháin (Státseirbhíse) na Roinne. Is é / is í an “t-oifigeach cuntasaíochta” é / í. Is é sin le rá, go bhfuil sé nó go bhfuil sí freagrach os comhair na Dála as deimhin a dhéanamh de go gcaitear a t-airgead a leithdháiltear ar an Roinn mar ba chuí.
Tugann an Príomh-Oifigeach Míochaine comhairle don Aire agus don Roinn faoi cheisteanna liachta.
Is iad seo a leanas príomhrannóga beartais na Roinne. Tá roinnt rannóg eile ann a bhíonn ag plé le cúrsaí riaracháin.
| Rannóg/oifig | Bíonn an oifig seo ag plé le: |
| Rannóg Cúraim Phríomhúil, Cuimsithe Shóisialta agus Sláinte Poiblí |
|
| Oifig Míchumais agus Sláinte Intinne |
|
| Oifig do Dhaoine Bunaosta |
|
| Ospidéil Ghéarmhíochaine, Ailse agus Seirbhísí Gaolmhara |
|
| Airgeadas, Measúnú Feidhmíochta, Faisnéis agus Taighde |
|
| AD Náisiúnta agus Pleanáil Fórsa Saothair |
|
| Cáilitheacht agus Sábháilteacht an Othair |
|
|
Oifig an Aire do Ghnóthaí Leanaí agus Óige Féach an sain-láithreán gréasáin lena aghaidh seo http://www.omc.gov.ie |
|
Cá háit a ndéanfaidh mé iarratas
An Roinn Sláinte
Teach Hawkins
Sráid Hawkins
Baile Átha Cliath 2
Éire
Teil:+353 1 635 4000
Lóghlao:1890 200 311
Facs:+353 1 635 4001
Láithreán Gréasáin: http://www.dohc.ie
Teanga
Ábhar Gaolmhar
- Gníomhaireachtaí na seirbhíse sláinte
Tá cur síos sa cháipéis seo ar roinnt de na heagraíochtaí agus údaráis a bhfuil ról acu maidir le soláthar agus rialú na seirbhísí sláinte in Éirinn. - Seirbhísí Sláinte Meabhrach
Déanann an cháipéis seo cur síos ar na seirbhísí sláinte in Éirinn atá ar fáil do dhaoine atá ag fulaingt meabhairghalair. - Cigireacht ar scoileanna
Tá Foireann Chigireachta na Scoileanna, mar chuid den Roinn Oideachais agus Scileanna, freagrach as cigireacht agus measúnú a dhéanamh ar na scoileanna Stáit go léir.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.