Cóireáil ospidéil in dtír eile de chuid an AE/LEE

Rialacha

Ionann duine a bhfuil "cónaí air de ghnáth" in Éirinn agus duine a bhfuil cónaí air anseo agus a bfhuil sé de rún aige leanúint ag maireachtáil anseo ar feadh bliana ar a laghad.

D'fhéadfaimís a thuiscint ó chúiseanna na Cúirte Breithiúnais Eorpaigh is déanaí go bhféadfaí rialacha níos fairsinge a chur in bhfeidhm ach níl sé sin ró-shoiléir go fóill.

Is iad na ballstáit eile den AE ná An Ostair, An Bheilg, An Danmhairg, An Ghearmáin, An Fhionlainn, An Fhrainc, An Ghréig, An Iodáil, Lucsamburg, An Isiltír, An Phortaingéil, An Spáinn, An tSualainn, An Ríocht Aontaithe, Poblacht na Seice, An Eastóin, An Laitvia, An Liotuáin, An Chipir, An Ungáir, Málta, An Pholainn, An tSlóvaic, An tSlóvéin, An Rómáin agus an Bhulgáir.

Is iad ballstáit an LEE ná An Ioslainn, Lichtinstéin agus An Ioruaidh.

Féadfaidh Feidhmeannacht na Seirbhíse Sláinte othair a sheoladh chuig tíortha eile (m.sh.lasmuigh den AE/LEE nó an Eilbhéis) agus féadfaidh sé téarmaí an tseolta úd a shocrú ach ní bhaineann sé le cuimsiú rialachán na AE.

Rialacháin an AE

Tá feidhm ag na rialacháin i ngach ballstát maidir le teideal ar chóireáil ospidéil in dtír eile an AE/LEE nó san Eilbhéis.

Ní bhaineann na rialacháin le teideal ar sheirbhísí i do thír féin agus ní chuireann siad éileamh ar aon tír eile cóireáil ar leith a sholáthar dá gcuid cónaitheach.

Forálann siad go bhféadfá a bheith seolta chuig Ballstát eile le haghaidh cóireála i gcúinsí áirithe. Níl aon reachtaíocht in Éirinn a bhaineann leis na cúinsí go bhféadfá a bheith i dteideal a bheith seolta thar lear. Tá treoracha eisithe ag an Roinn Sláinte chuig Feidhmeannacht na Seirbhíse Sláinte (FSS) ar úsáid na bhforálacha úd.

Forálann rialacháin na AE go bhfuil teideal ag an aonarán ar shochair mhíochaine ar an mbonn céanna le saoránaigh i mBallstát eile má údaraítear ag an institiúid inniúil ina stát féin. Is é an FSS an institiúid inniúil in Éirinn.

Ní foláir an t-údarú seo a dhiúltú:

• Má bhíonn an chóireáil i gceist ar cheann de na sochair a dhéantar foráil orthu i reachtaíocht an bhaill baile
• Mura bhféadfar an chóireáil seo a thabhairt don aonarán laistigh den am atá riachtanach de ghnáth chun é a fháil sa stát baile, ag cur san áireamh bail an aonaráin faoi láthair agus bealach dealraitheach na haicíde.

Ba cheart a thabhairt faoi deara go bhféadfaidh aon bhallstát údaruithe a bhronnadh i gcomhair cóireála i mballstát eile ar bhonn i bhfad níos fairsinge. Ní dhéanann an rialachán cuntar ach amhán nauir nach bhféadfar údaruithe dá sórt a dhiúltú, ní leagann sé síos teorainne maidir leis an uair a mbronnfar iad.

Is é an ballstát i dtosach a ghlanann costais chóireála dá shórt atá á soláthar aige ach déantar athchistiú ar an stat úd ag an stát baile.

Treoracha chuig Feidhmeannacht na Seirbhíse Sláinte (FSS)

Leag treoracha na Roinne Sláinte na coinníollacha i gcomhair an FSS maidir le seoladh chuig tír eile AE/LEE nó an Eilbhéis:

• Caithfidh measúnú a dhéanamh ar d'iarratas roimh duit dul thar lear cé go bhféadfar roinnt ródta a cheadú i gcásanna fíor práinneacha
• Caithfidh liachomhairleoir fianaise mhíochaine a sholáthar ar shonraí reachta leat. Caithfidh sé deimhniú a dhéanamh:
• Nach bhfuil an chóireáil i gceist ar fáil sa tír seo
• Go bhfuil riachtanas míochaine práinneach ann le haghaidh cóireála
• Go bhfuil prognóis míochaine réasúnta ann
• Gur meastar gur modh cruthaithe cóireál mhíochaine í an chóireáil
• Go bhfuil an chóireáil thar lear le fáil in ospidéal aitheanta nó institiúid eile agus go bhfuil sé faoi stiúradh lia chláraithe.

Foirm E112

Is é an gnáthnós imeachta ná go n-eisítear Foirm E112 do dhuine a bhfuil údarú faighte aige le dul chuig ballstát eile chun a t(h)eideal ar an chóireáil seo a bhunú. Impleachtaíonn eisiúnt na foirme E112 ceangal ar an FSS íoc as costas na cóireála.

Socruithe eile

Na socruithe a dhéantar lasmuigh de théarmacha Rialachán na AE, m.sh. glactar leis nach mbaineann na socruithe maidir le othar a sheoladh chuig tír, nach tír AE nó LEE í, nó socruithe príobháideacha i gcomhair cóireála le téarmaí na Rialachán agus níl ceangal ar an FSS íoc as ceann ar bith de na costais atá i gceist. Áfach, i gcúinsí maolaitheacha, féadfaidh FSS ranníocaíocht a dhéanamh i gcóir costas na seirbhíse. Féadfaidh sé, mar shampla, íoc as costais chóireála in institiúidí príobháideacha i dtíortha eile na AE ná an LEE nó san Eilbhéis a gcuirtear ar fáil do na húdaráis sna tíortha úd i gcóir cóireála othar príobháideach ar bhonn conartha. Ó tharla gurb amhlaidh atá, d'fhéadfadh sé go gcaithfeadh an FSS deimhnú go bhfuil na costais ar an gcoimhéad leis na táillí á dtobhach ar othair ón dtír baile.