Institiúid Sláinte Poiblí

Eolas

Bhunaigh an Roinn Sláinte in Éirinn agus an Roinn Sláinte, Seirbhísí Sóisialta agus Sláinte Poiblí i dTuaisceart Éireann Institiúid Sláinte Poiblí na hÉireann le comhoibriú Thuaidh/Theas don tsláinte a chothú. Tá aontaithe ag Comhairle na nAirí Thuaidh Theas comhoibriú ar mhaithe leis an tsláinte (faoi Chomhaontú Aoine an Chéasta).

Oibríonn an Institiúid le dul i ngleic le míbhuntáistí sláinte, le cur leis an taighde agus eolas maidir le sláinte phoiblí, le acmhainní a láidriú don tsláinte phoiblí agus le comhpháirtíochtaí don tsláinte a fhorbairt chomh maith le nascanna náisiúnta agus idirnáisiúnta.

Tacaíonn an Institiúid le hobair a scrúdaíonn bancanna sonraí reatha sláinte poiblí in Éirinn, le comhcheisteanna imní a aimsiú, déanann sé forbairt ar mholtaí oibre ar cheisteanna faoi leith sláinte poiblí agus breathnaíonn sé ar fhéidreachtaí tuairiscí ill-Éireannacha a fhoilsiú ar na ceisteanna seo.

Tá sé mar aidhm ag an Institiúid oibriú leis an mBord Taighde Sláinte in Éirinn agus leis an Oifig Thaighde agus Fhorbartha i dTuaisceart Éireann le riachtanais taighde sláinte poiblí a aimsiú agus le cur le tograí taighde ill-Éireannacha, go háirid iad siúd a bhaineann le míchothromaíochtaí sláinte agus na cinntithigh shóisialta a bhaineann leis an tsláinte.