An Bord Taighde Sláinte

Eolas

Údarás reachtúil é an Bord Taighde Sláinte a bhfuil sé mar aidhm aige taighde a chur chun cinn, cúnamh a chur ar fáil dí, taighde a choimisiniú nó a chur i gcrích i réimsí an leighis, na heipidéimeolaíochta, na sláinte agus na seirbhísí sláinte.

Tá an Bord ag tacú faoi láthair le taighde i ngach gné den tsláinte agus de na seirbhísí sláinte, san áireamh tá buneolaíochtaí bithleighis (bitheolaíocht chille, inchríneolaíocht, gineolaíocht, díonaeolaíocht micribitheolaíocht, bitheolaíocht mhóilíneach, néareolaíochtaí, paiteolaíocht, fiseolaíocht, víreolaíocht); taighde cliniciúil; seirbhísí sláinte; altranas; sláinte intinne; sláinte phoiblí; cleachtadh ginearálta agus eipidéimeolaíocht.

Tá scéim deontais taighde ag an mBord a thugann tacaíocht do thaighde sláinte in Éirinn atá d'ardchaighdeán agus iomaíoch go hidirnáisiúnta agus tacaíonn sé le pobal taighde den scoth a fhorbairt do na heolaíochtaí bithleighis, don taighde cliniciúil, don taighde sláinte agus do na seirbhísí sláinte.