Biaslán - An Bord um Chur Chun Cinn na Sábháilteachta Bia
Eolas
Tá Biaslán (An Bord um Chur Chun Cinn na Sábháilteachta Bia), ar cheann de na comhlachtaí Thuaidh/Theas a bunaíodh in Éirinn mar thoradh ar Chomhaontú Aoine an Chéasta. Bunaíodh an eagraíocht seo chun sláinte phoiblí a chosaint agus a fheabhsú, trí mhuinín a chothú agus a chaomhnú sa soláthar bia ar oileán iomlán na hÉireann, i gcomhpháirt le daoine eile.
Tá Biaslán bunaithe in Éirinn, agus déanann sé a chuid oibre ar bhunús uile-oileáin. Tá an eagraíocht freagrach don Chomhairle Aireachta Thuaidh/Theas.
Cad a dhéanann Biaslán?
Tá sé d’aidhm ag Biaslán timpeallacht a chruthú inar féidir le tomhaltóirí i ngach áit in Éirinn muinín a bheith acu as an mbia a itheann siad. Cuireann siad comhairle agus treoir ar fáil don tionscal bia agus do thomhaltóirí. Tá Biaslán freagrach go sonrach astu seo a leanas:
- Cur chun cinn sábháilteachta bia
- Taighde maidir le sábháilteacht bia
- Foláirimh bia a chur in iúl
- Faireachas a dhéanamh ar ghalair a iompraítear i mbia
- Comhoibriú eolaíoch agus naisc idir saotharlanna a chur chun cinn
- Forbairt áiseanna ar chostas éifeachtach i gcomhair tástála saotharlainne speisialtóra.
Cá háit a ndéanfaidh mé iarratas
Biaslán
7 Ascaill an Gheata Thoir
An Geata Thoir
Corcaigh
Éire
Teil:+ 353 (0) 21 230 4100
Facs:+ 353 (0) 21 230 4111
Láithreán Gréasáin: http://www.safefoodonline.com/en/
R-phost: info@safefoodonline.com
Teanga
Ábhar Gaolmhar
- Sábháilteacht bia agus seirbhísí sláinte comhshaoil
Déanann an cháipéis seo cur síos ar na heagrais éagsúla a bhfuil baint acu le sábháilteach bia agus seirbhísí sláinte comhshaoil in Éirinn. - Institiúid Sláinte Poiblí
Institiúid Sláinte Poiblí na hÉireann, údarás treas-teorainn a bunaíodh faoi Chomhaontú Aoine an Chéasta le comhoibriú thuaidh/theas don tsláinte a chur chun cinn. - Gníomhaireachtaí na seirbhíse sláinte
Tá cur síos sa cháipéis seo ar roinnt de na heagraíochtaí agus údaráis a bhfuil ról acu maidir le soláthar agus rialú na seirbhísí sláinte in Éirinn.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.