Sábháilteacht agus nimhiú bia

Rialacha

Má tá tú tar éis bia a ithe nó a cheannach nach bhfuil sábháilte, nó nach sroicheann caighdeán sásúil, tá an ceart agat gearán foirmeálta a dhéanamh. Glactar leis nach bhfuil bia sábháilte má:

• fhaigheann tú pianta boilg, buinneach, nó má chuireann tú amach mar gheall air.
• tá ábhar iasachta ann, mar shampla gloine, feithid, gruaig.
• tá sé truaillithe ag ceimicí cosúil le díghalrán nó glantach
• tá an chosúlacht air go bhfuil sé truaillithe i gcaoi éigin - d'fhéadfá é seo a thabhairt faoi deara mar gheall ar dhrochbhlas nó boladh

Chomh maith leis sin, d'fhéadfá gearán a dhéanamh má tá tú míshásta leis an gcaighdeán glaineachta in áitreabh bia, mar shampla ollmhargadh, bialann agus araile.

Má cheapann tú go bhfuil rud éigin mícheart leis an mbia a tugadh duit nó a cheannaigh tú

Nuair atá tú ag ithe i mbialann

• Ná glac le béile nach bhfuil sásúil i mbialann nó caifé - tabhair ar ais é, fág an áit, nó déan iarratas ar chuid úr ar phláta glan.
• Ná déan dearmad go gcaithfidh bia te a bheith te agus é á chur chun boird.

Ó gcaifí beir leat

Coinnigh an bia truaillithe sa chuisneoir go dtí go mbeidh sé scrúdaithe ag na húdaráis

Táirgí ceannaithe

• Scríobh nóta faoi cén uair agus cén ait ar ceannaíodh an bia, cén uair ar osclaíodh é don chéad uair, agus cén uair ar tugadh faoi deara go raibh fadhb ag baint leis don chéad uair.
• Coinnigh an táirge bia sa chuisneoir nó sa reoiteoir, cuir clúdach air, agus coinnigh in áit ar leith é ionas nach mbeidh sé i dteagmháil le bia eile.
• Ná bhain aon ábhar iasachta den táirge bia.
• Coinnigh na lipéid agus an phacáistíocht ón táirge bia.