Cártaí Cuairte LG (Liachleachtóir Ginearálta)

Eolas

Féadfaidh le daoine ar leith nach gcáilíonn do chárta leighis cur isteach ar Chárta Cuairte LG (dochtúir teaghlaigh). Ceadaíonn Cártaí Cuairte LG, do dhaoine aonair agus teaghlaigh a cháilíonn, cuairt a thabhairt ar a ndochtúir teaghlaigh saor in aisce. Tá forléargas ar sheirbhísí GP (dochtúir teaghlaigh) ar fáil anseo.

Mura bhfuil cárta leighis nó Cárta Cuairte LG agat, níl cuairteanna ar dhochtúirí teaghlaigh saor in aisce. Chun cur isteach ar Chárta Cuairte LG, ba cheart go mbeadh gnáthchónaí ort in Éirinn. Is é sin, caithfidh tú a bheith i do chónaí anseo, agus tá sé i gceist agat maireachtáil anseo ar feadh bliana. Is féidir leat níos mó a léamh faoi theidlíocht ar sheirbhísí sláinte phoiblí anseo. Caithfidh tú treoirlínte ioncaim shonracha a chomhlíonadh chomh maith chun cáiliú do Chárta.

I gcásanna ina mbíonn cóireáil leighis ar leith nó fadtéarmach ag teastáil nó cuairteanna ar dhochtúir, is féidir le Feidhmeannacht na Seirbhíse Sláinte (FSS) Cárta a thabairt do dhuine nó do chlann fiú mura gcomhlíonann siad na treoirlínte. Go hiondúil, ní chuirtear iarratais den saghas seo san áireamh ach i gcásanna ina bhféadfadh cruatan míchuí airgeadais a bheith i gceist.

Is cárta plaisteach é an Cárta Cuairte LG, ar chomhmhéid le cárta creidmheasa. Ar an gcárta bíonn d'ainm iomlán/do shloinne, d'inscne, ainm do dhochtúra agus tréimhse bailíochta an Chárta.

Athbreithnithe ar an gCárta Cuairte LG
Ós rud é go mbíonn an Cárta Cuairte bailí ar feadh tréimhse ar leith déantar chuile iarratas a athbhreithniú i gcaitheamh an ama. An bhunchúis atá leis an athbhreithniú seo ná go bhféadfaí go dtiocfadh athruithe ar leibhéal ioncaim, go bhfásfadh cleithiúnaithe suas nó go dtarlódh athruithe eile a d'fhéadfadh tionchar a bheith acu ar do theidlíocht. Go hiondúil, is ionann iad dátaí athbhreithnithe na gCártaí Cuairte LG agus na gCártaí Leighis.

An t-aon cheart a thugann Cárta Cuairte duit ná cuairt a thabhairt ar do liachleachtóir ginearálta saor in aisce. Is gá íoc as aon drugaí a ordaítear de bharr na cuairte. Nó is féidir iarratas a dhéanamh ar rannpháirtíocht sa Scéim Íocaíochta Druga, íá bhíonn Seirbhísí Ospidéil Phoiblí d'Othair Chónaitheacha nó Seirbhísí Ospidéil Phoiblí d'Othair Sheachtracha i gceist, beidh siad saor ach beidh ort roinnt táillí ospidéil a íoc.