Tá seirbhísí vacsaínithe agus imdhíonta ar fáil saor in aisce do pháistí agus do dhaoine óga
Eolas
Tá páistí agus daoine óga i dteideal seirbhísí imdhíonta áirithe saor in aisce. Soláthraítear na seirbhísí seo i máinliachtaí Dochtúirí Ginearálta (DG), in ospidéil, i gclinicí sláinte an FSS nó i scoileanna (ag brath ar na cúinsí).
Is dóigh shlán éifeachtach é imdhíonadh le cuidiú leis an gcorp galair áirithe a chomhrac. Soláthraítear imdhíonadh trí vacsaínithe. Faoin mBunchlár um Imdhíonadh Óige soláthraítear gach vacsaíniú agus a ndáileadh saor in aisce do gach páiste.
Ní mór aontú na dtuismitheoirí a fháil chun vacsaínithe a dháileadh do pháistí agus do dhaoine óga suas le 16 bliana d’aois.
Níl vacsaíniú éigeantach, ach molann an Roinn Sláinte go
mór é. Ba chóir duit aon imní a d’fhéadfadh a bheith agat a phlé le do
DG/dhochtúir teaghlaigh sula ndéanann tú aon chinneadh faoi imdhíonadh do
pháiste.
Rialacha
Sceideal imdhíonta do pháistí
| Aois | Áit | Vacsaíniú |
| Breith | Ospidéal nó clinic FSS | Vacsaíniú BCG (vacsaíniú chun cosaint i gcoinne eitinne) |
| 2 mhí | DG | Vacsaíniú 6 in 1 (diftéire, teiteanas, triuch, polaimiailítis. HiB (Haemophilus Influenzae Cineál B agus Heipitíteas B) in aon instealladh amháin) móide vacsaíniú i gcoinne galar niúmacocúil in instealladh ar leith. |
| 4 mhí | DG | Vacsaíniú 6 in 1 (diftéire, teiteanas, triuch, polaimiailítis. HiB (Haemophilus Influenzae Cineál B agus Heipitíteas B) in aon instealladh amháin) móide vacsaíniú i gcoinne galar niúmacocúil agus Meiningíteas C in instealladh ar leith. |
| 6 mhí | DG | Vacsaíniú 6 in 1 (diftéire, teiteanas, triuch, polaimiailítis. HiB (Haemophilus Influenzae Cineál B agus Heipitíteas B) in aon instealladh amháin) móide vacsaíniú i gcoinne Meiningíteas C i ndá instealladh ar leith. |
| 12 mhí | DG | Vacsaíniú MMR (bruitíneach, leicneach agus bruitíneach dhearg) móide vacsaíniú i gcoinne galar niúmacocúil |
| 13 mhí | DG | Vacsaíniú i gcoinne Meiningíteas C agus HiB (Haemophilus Influenzae Cineál B) |
| 4-5 bliana | DG nó scoil | 4 in 1 (diftéire, teiteanas, triuch agus polaimiailítis) móide MMR (bruitíneach, leicneach agus bruitíneach dhearg) |
| 11-14 bliana | Scoil | Td (teiteanas agus dáileog íseal diftéire) |
| Cailíní sa chéad bhliain i scoileanna dara leibhéal | Scoil | HPV (vacsaín i gcoinne an víreas daonna papilloma) |
Sceideal imdhíonta sna scoileanna
Ag 4-5 bliana: Dáiltear an vacsaíniú 4 in 1 (diftéire, teiteanas, triuch agus polaimiailítis) móide MMR (bruitíneach, leicneach agus bruitíneach dhearg).
Ag 11-14 bliana: Dáiltear an vacsaíniú Td (teiteanas agus dáileog íseal diftéire).
Cailíní sa chéad bhliain i scoileanna dara leibhéal: Dáiltear an HPV (vacsaín i gcoinne an víreas daonna papilloma). Thosaigh an clár seo i Meán Fomhair 2010.
Tá na vacsaínithe seo ar fáil saor in aisce.
Conas iarratas a dhéanamh
Tá faisnéis faoi gach vacsaíniú ar fáil ó do DG, d’altra sláinte poiblí nó d’Oifig Sláinte Áitiúil. Tháirg Oifig Imdhíonta Náisiúnta Fheidhmeannacht na Seirbhíse Sláinte, an Oifig Náisiúnta Imdhíonta agus an tIonad Faireachais um Chosaint Sláinte (HPSC) bileoga eolais úsáideacha do thuismitheoirí maidir le imdhíonadh.Cá háit a dhéanfaidh mé iarratas
De ghnáth cuirtear seirbhísí imdhíonta ar fáil do thuismitheoirí san ospidéal inar rugadh an leanbh agus trí theagmháil leis an FSS, trí DG agus tríd an gclár imdhíonta ar scoileanna.
Is féidir leat teagmháil a dhéanamh go díreach le d’Oifig Sláinte
Áitiúil nó le do DG chun leas a bhaint as an tseirbhís.
Ábhar Gaolmhar
- Seirbhísí agus teidlíochtaí leighis d'iarrthóirí tearmann
Más iarrthóir tearmainn thú tá seirbhísí leighis ag súil leat. - Forbairtí i seirbhísí um chosc ailse
Cuimsíonn siad seo tabhairt isteach vacsaín HPV do chailíní scoile sa chéad bhliain den bhunscoil, agus tabhairt isteach molta scagthástáil ailse chalaireicteach. - Luathoideachais don óige
Eolas ar luathoideachais an pháiste, an ról atá ag an Roinn Oideachais agus Scileanna, polasaí an rialtais agus rialacháin cúram leanaí
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.