Seirbhísí sláinte do leanaí réamhscoile
Eolas
Cuireann FSS (Feidhmeannacht na Seirbhíse Sláinte) seirbhís scagthástála sláinte ar fáil do leanaí réamhscoile atá saor in aisce. D’fhéadfaí an tseirbhís seo a chur ar fáil ag ionaid sláinte.Rialacha
Cuireann altraí sláinte poiblí agus Dochtúirí Oifigiúla Ceantair arna bhfostú ag FSS seirbhísí ar fáil do leanaí réamhscoile. Glacann gach altra sláinte poiblí le hatreorú díreach ó thuismitheoirí.
Cuirtear altraí sláinte phoiblí ar an eolas faoi gach breith ina gceantar - tríd an ospidéal inar tharla an bhreith, nó tríd an mbean chabhrach a bhí i láthair do bhreith sa bhaile. Tar éis na breithe, tabharfaidh an t-altra sláinte poiblí cuairt ort agus ar do leanbh sa bhaile, go hiondúil taobh istigh de 48 uair an chloig ón am a scaoiltear amach as an ospidéal tú, agus de réir mar is gá ina dhiaidh sin.
Cuireann altraí sláinte poiblí comhairle ar thuismitheoirí maidir le forbairt shainiúil agus sláinte ghinearálta agus déanann siad monatóireacht ar fhorbairt an linbh.
Cuireann an Dochtúir Oifigiúil Ceantair scrúdú forbartha ar fáil do gach leanbh nuair a bhíonn siad thart ar 9 mí d’aois, le coinne, san ionad sláinte áitiúil. Clúdaíonn an scrúdú seo gach gné d’fhorbairt an linbh, lena n-áirítear éisteacht, amharc, forbairt teanga, forbairt fisiciúil, srl, agus cuirtear ar fáil é beag beann ar ioncam an teaghlaigh.
Conas iarratas a dhéanamh
Go hiondúil, ní gá iarratas a dhéanamh ar mheasúnú forbartha dod’ leanbh ag 9 mí os rud é go seolann d’Oifig Sláinte Áitiúil na coinní amach. Cuireann formhór na nOifigí Sláinte Áitiúla clinicí coinne altra sláinte poiblí agus dochtúra breise ar fáil do thuismitheoirí a bhfuil imní orthu maidir le forbairt a linbh.
Teanga
Ábhar Gaolmhar
- Seirbhísí Sláinte Scoile
Tá cur síos sa cháipéis seo ar na scagthástála sláinte áirithe atá curtha ar fáil do pháistí atá ag freastal ar bhunscoileanna poiblí. Faisnéis faoi scagthástála agus conas atá siad eagraithe. - Seirbhísí Sláinte Leanaí
Mínitear sa cháipéis seo faoi na seirbhísí sláinte ginearálta agus sonracha a bhfuil páistí ina dteideal. - Rialúchán na soláthraithe seirbhísí chúram leanaí réamhscoile
in Éirinn
Tá soláthróirí chúram páistí réamhscolaíochta in Éirinn rialaithe ag an dlí. Faigh eolas maidir le rialacha a bhaineann le naíonraí, naíolanna lae, creiseanna, feighlithe páistí agus soláthróirí seirbhíse eile.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.