An tArd Aighnel

Eolas

Cuireann an tArd Aighne comhairle ar an Rialtas i gcúrsaí dlí agus ábhair dá leithéid. Bhunaigh an Bunreacht oifig an Ard Aighne. De ghnáth, is dlíodóir an té a cheaptar atá bainteach leis an bpáirtí atá i réim.

Ní ball den Rialtas é/í an tArd Aighne ach déanann sé/sí freastal ar chruinnithe Rialtais. Roghnaíonn an Taoiseach an tArd Aighne agus imíonn sé/sí as oifig nuair a athraíonn an Rialtas. Tá ról tábhachtach ag an Ard-Aighne, a áiríonn:

• Comhairle a thabhairt don Rialtas faoi shaincheisteanna bunreachta nó dlí a thagann i dtreis maidir le, nó le linn, cruinnithe den Rialtas. Áiríonn sé seo comhairle faoi cé acu a dtagann nó nach dtagann an reachtaíocht atáthar a mholadh le forálacha Bhunreacht na hÉireann, Achtanna agus Chonarthaí an Aontais Eorpaigh nó conarthaí idirnáisiúnta eile atá glactha ag Éirinn.
• Seasamh ar son an phobail i ngach imeacht dlí ar mhaithe leis an dlí a fheidhmiú in Éirinn agus na cearta poiblí a dhearbhú nó a chosaint
• Feidhmiú i gcáil dlíodóra don Stát i ngach dlíthíocht shibhialta, nach mór, ina bhfuil an Stát nó a chuid oifigeach ina bpáirtithe oifigiúla.
• Comhairle dlí a thabhairt ar ábhair a chuireann an Rialtas, na Ranna agus na hOifigí Rialtais faoina bhráid agus na doiciméid dlí riachtanacha a théann leo a dhréachtú
• Seirbhís aturnae a chur ar fáil i ngach cúirt shibhialta agus binse ina bhfuil an Stát nó Údaráis ar bith de chuid an Stáit nó an tArd-Aighne i dtreis

Tá ceannasaíocht ag an Ard Aighne ar Phríomh Oifig Aturnae an Stáit agus ar Oifig Dhreachtóir na Parlaiminte.