Oifig an Ombudsman
Eolas
Is é príomh dhualgas an Ombudsman fiosrú a dhéanamh ar aon ghearán a dhéanann duine faoin tslí ar chaith eagraíocht phoiblí leis/léi. Tá sé de chead ag an Ombudsman cinneadh a cheistniú, nó fiafraí cén fáth nár déanadh aon ní faoi ghearán, nó féachaint isteach i módh riaracháin na n-eagraíochtaí poiblí.
Toghann an tUachtarán an Ombudsman i ndiaidh don Oireachtas é/í a ainmniú. Tá eolas ar an Ombudsman laithreach anseo.
Tá sé de chead ag an Ombudsman aon eolas, cáipéis nó eile a fháil ó na heagraíochtaí atá i gceist.
Ní post polaitiúil é an Ombudsman agus ní mór dó/dí déanamh cinnte de go mbíonn sé/sí neamhspléach sa bhealach a dhéanann sé/sí a c(h)uid oibre.
Bíonn tréimhse 6 bliana ag an Ombudsman sa phost. Tá sé de chead aige/aici éirigh as an bpost nó is féidir é/í a bhriseadh as an bpost ar chúiseanna mí-iompair, neamhábaltachta nó clisiúnachais. Tá air/ uirthi éirigh as an bpost ag aois a 67 bliain.
Rialacha
Is féidir gearán a dhéanamh má tá tú mí-shásta leis an tseirbhís a thugann aon cheann de na heagraíochtaí seo a leanas:
Conas a dhéanann an Ombudsman fiosrú ar ghearáin
I dtosach déanann an Ombudsman réamh-fhiosrú nuair a dhéanann tú gearán leis/léi. Sa réamh-fhiosrú faightear amach an bhfuil gá le fiosrú foirmiúil nó nach bhfuil.
Sa réamh-fhiosrú socraíonn an Ombudsman ar chuir an rud a rinneadh an t-eagraíocht phoiblí atá i gceist sa chás isteach ort i mbealach diúltach. Uaireanta, cuireann an Ombudsman agallamh ort i mbealach neamh fhoirimiúil ag an am seo.
Socraíonn an Ombudsman, ansin, an raibh an gníomh faoinar rinneadh tú an gearán:
- Déanta gan an t-udarás cuí
- Déanta ar chúiseanna fánacha
- Déanta i mbealach fánach nó fáillíoch
- Bunaithe ar eolas mícheart nó neamh chruinn
- Leatromach duit
- Bunaithe ar dhroch chleachtadh riaracháin nó
- Ag léiriú riarachán míchothromach nó fabhtach
Ní théann móran de na gearáin thar an bpointe seo fiosrúcháin.
An Fiosrú Foirmiúil
Sa chéad chéim eile den phróiséas cuireann an Ombudsman fiosrúchán foirmiúil ar bun. Déanfaidh an Ombudsman, i gcomhar leatsa, amach Ráiteas Gearáin.
Déanfar an fiosrúchán go príobháideach agus i scríbhinn, de ghnáth. Cuirfidh an Ombudsman fios ar aon eolas, cáipéis nó eile a chuideoidh leis/léi an fiosrúchán a dhéanamh.
Ag deireadh an phróiséis fhiosrúcháin nó mór don Ombudsman insint duit cén cinneadh atá tógadh aige/ aici. Níl cumhacht dlí ag an toradh seo agus ní féidir leis an Ombudsman iallach a chuir ar an eagraíocht glacadh leis nó aon rud a dhéanamh faoi.
Muna ndéanann an eagraíocht a bhí i gceist sa ghearán aon ní faoin toradh is féidir leis an Ombudsman tuairisc a chuir ós comhair Tithe an Oireachtais faoin gcás.
Gearáin nach féidir leis an Ombudsman fiosrú
Tá cásanna gearáin ann nach féidir leis an Ombudsman fiosrú ar do shon:
- Sa chás gur in aghaidh duine príobháideach, eagraíocht phríobháideach, cleachtóir príobháideach mar fhiaclóir, dochtúir súl & rl, a dhéantar an gearán.
- Má tá do ghearán faoi chinneadh gairimiúil dochtúra
- Má chuireann aon Aire Rialtais iarratas i scríbhinn chuig an Ombudsman ag iarraidh air éirigh as an bhfiosrúchán
- Má tá an gearán a rinne tú á phlé sna Cúirteanna
- Má tá cead faoin dlí agat dul chuig an gCúirt faoin ngearán in aghaidh na heagraíochta poiblí atá i gceist
- Má tá eagraíocht neamhspléach achomhairc ar fáil gur féidir an cinneadh a thóg an eagraíocht phoiblí a chur ós a chomhair
- Má bhaineann an cheist gearáin in aghaidh na heagraíochta poiblí le coinníollacha oibre nó le hearcaíocht foirne san eagraíocht úd
- Má bhaineann do ghearán le cinneadh faoi inimirce nó faoi headóirseacht
- Má bhaineann do ghearán le cinneadh faoi loghadh nó pardún ar théarma príosúin
- Má bhaineann do ghearán le cinneadh faoi na Gardaí nó faoi bhainistíocht phriosúin.
Rataí
Níl aon chostas ar ghearán a chuir chuig an Ombudsman.
Conas iarratas a dhéanamh
Ní mór an gearán a dhéanamh chomh luath agus is féidir é. Tá ort an gearán, faoi chinneadh nó faoi ghníomh éigin in aghaidh eagraíochta poiblí, a dhéanamh taobh istigh de 12 mí i ndiaidh don eachtra tarlú nó i ndiaidh an chinneadh a bheith tógtha. Is féidir go dtógfaí an dáta ón uair gur cuireadh ar an eolas tú faoin gcinneadh nó faoin eachtra.
Is féidir an gearán a dhéanamh i scríbhinn, ar teileafón nó ar ríomh-phost. Ba chóir duit aon cháipéis nó litreacha a bhaineann leis an ngearán a chuir isteach leis an ngearán .
Tá Oifig an Ombudsman oscailte ó 9.15r.n. go dtí 5.30 i.n. ó Luan go hAoine. Coinnigh an Ombudsman 12 oifige míosúil réigiúnach agus eagraítear clár bliantúíl cuairteanna réigiúnacha.
Cá háit a ndéanfaidh mé iarratas
Oifig an Ombudsman
18 Sráid Líosain Íochtarach
Baile Átha Cliath 2
Éire
Teil:+353 (0)1 639 5600
Lóghlao:1890 223 030 for outside (01) area
Facs:+353 (0)1 639 5674
Láithreán Gréasáin: http://www.ombudsman.gov.ie
R-phost: ombudsman@ombudsman.gov.ie
Teanga
Ábhar Gaolmhar
- Ombudsman Eorpach
Breathnaíonn Ombudsman na hEorpa i ndiaidh bunchearta saoránach atá ina gcónaí san Eoraip a chosaint tríd córais riaracháin oscailte agus freagrach taobh istigh d'Aontas na hEorpa a chinntiú. - Coimisiún Ombudsman an Gharda Síochána
Is iad Coimisiún Ombudsman an Gharda Síochána (COGS) nó Ombudsman na nGardaí an ghníomhaireacht neamhspleách a dhéileálann le gearáin ón bpobal mór faoi bhaill den Gharda Síochána. - Gearán a dhéanamh faoi Fheidhmeannacht na Seirbhíse Sláinte
Rialacha maidir le gearáin i gcoinne FSS agus conas gearán a dhéanamh
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.