An Coimisinéir Cosanta Sonraí

Eolas

Tá Oifig an Choimisinéara Cosanta Sonraí freagrach as seasamh le cearta príobháideachais dhaoine aonair i ndáil lena gcuid sonraí pearsanta a phróiseáil. Tá na cearta sin le fáil sna hAchtanna um Chosaint Sonraí 1988 agus 2003 (pdf, 155kb).

Deir na hAchtanna go gcaithfidh eolas fútsa a bheith cruinn, agus nach cóir é a chur ar fáil ach dóibh siúd ar chóir dóibh é a bheith acu agus nach cóir é a úsáid ach chun críocha sainiúla. Tá an ceart agatsa rochtain a fháil ar eolas pearsanta a bhaineann leatsa agus aon earráidí a fháil ceartaithe nó, i gcásanna áirithe, an t-eolas a fháil scriosta amach.

Má tá do chuid eolais á shealbhú chun críocha margaíochta dhírigh, is féidir leat do chuid sonraí a fháil glanta amach.

Baineann cearta cosanta sonraí le heolas a choinnítear ar ríomhaire nó i gcomhaid láimhe nó páipéir.

Is é an Rialtas a cheapann an Coimisinéir agus bíonn sé neamhspleách i mbun a chuid/cuid feidhmeanna. Is féidir le daoine a mheasann go bhfuil a gcuid cearta á sárú gearán a dhéanamh leis an gCoimisinéir. Tá cumhachtaí aige/aici chun forálacha an Achta a fhorfheidhmiú.

Mura nglacann an Coimisinéir Cosanta Sonraí le do ghearán, féadfaidh tú achomharc a dhéanamh in aghaidh a chinnidh/cinnidh leis an gCúirt Chuarda laistigh de 21 lá.

Má dhéantar damáiste duit mar thoradh ar do chearta cosanta sonraí a shárú, féadfaidh tú damáiste a agairt tríd na cúirteanna.

Coinníonn an Coimisinéir clár freisin, atá ar fáil chun imscrúdaithe phoiblí, a thugann sonraí ginearálta faoi na cleachtais láimhseála sonraí atá i bhfeidhm ag go leor rialtóirí sonraí tábhachtacha, mar Ranna Rialtais agus comhlachtaí earnála-Stáit, institiúidí airgeadais, agus aon duine nó eagraíocht a choinníonn sonraí pearsanta atá goilliúnach.