Iarrthóirí Painéal an tSeanaid a Ainmniú
Eolas
Roimh gach olltoghchán déantar cúig phainéal a chruthú d'arrthóirí a bhfuil eolas agus taithí phraiticiúil acu sna réimsí seo a leanas.
- Painéal Cultúir agus Oideachais. Ina measc tá daoine a bhfuil plé acu leis an teanga náisiúnta, le cultúr, litríocht, leis na healaíona, leis an oideachas, dlí agus leigheas.
- Painéal Talmhaíochta. Ina measc tá daoine atá gníomhach i gcursaí talmhaíochta agus iascaireachta.
- Painéal Oibre. Ina measc tá daoine a bhfuil baint acu leis an lucht oibre eagraithe nó neamheagraithe.
- Painéal Tionscail agus Tráchtála. Ina measc tá daoine a bhfuil plé acu le tionscal agus tráchtáil, baincéireacht, airgeadas, cuntasaíocht, innealtóireacht agus ailtireacht san áireamh.
- Painéal Riaracháin. Ina measc tá daoine atá ag plé le riarachán poiblí agus le seirbhísí sóisialta, seirbhísí sóisialta deonacha san áireamh.
Déantar an cúig painéal sin a roinnt i ndá phainéal ansin, fo-phainéal an Oireachtais agus fo-phainéal na n-údarás ainmniúcháin.
Rialacha
Chun ainmniúchán a fháil ar phainéal iarrthóirí ní mór duit a bheith intofa mar sheanadóir. Más mian leat a bheith san áireamh ar fo-phainéal Oireachtais, ní mór duit a bheith ainmnithe ag aon cheathrar chomhalta den Dáil agus den Seanad. Ní féidir le gach TD agus Seanadóir ach duine amháin a ainmniú le fo-choiste Oireachtais.
Chun áit a fháil ar fho-phainéal na n-údarás ainmniúcháin, ní mór duit a bheith ainmnithe ag ceann de na heagrais chláraithe. Tá clár ag Cléireach an tSeanaid de na heagrais gur féidir leo iarrthóirí a ainmniú. Eagrais gan brabús iad na heagrais seo go hiondúil a dhéanann ionadaíocht ar son ceann de na hábhair spéise de cheann de na painéil. Ní féidir le heagras a bheith cláraithe ar son níos mó ná painéal amháin.
Ainmneoidh gach eagras cláraithe ainmniúcháin líon áirid iarrthóirí dá phainéal.
Déanfar athbhreithniú ar an gClár de Chomhlachtaí Ainmniúcháin i bhFeabhra 2008. Ní mór d’aon chomhlacht atá ag iarraidh clárú nó a gcuid sonraí a leasú ar an gclár nó a ainm a bhaint den chlár foirm iarratais a chomhlánú agus í a chur faoi bhráid Cheann Comhairimh an tSeanaid roimh 12 meánlae ar 14 Feabhra 2008 - féach 'Cá háit a ndéanfaidh mé iarratas' thíos.
Cá háit a ndéanfaidh mé iarratas
Ní mór iarratais chun comhlacht a chur leis an gClár de Chomhlachtaí Ainmniúcháin a sheoladh chuig:Deirdre Lane,
Oifig Chomhairimh an tSeanaid,
Teach Laighean,
Baile Átha Cliath 2.
Teanga
Ábhar Gaolmhar
- Toghcháin Phainéil don Seanad
Tá cur síos sa cháipéis seo ar na toghcháin don chúig phainéal sa Seanad (an teach uachtar na parlaiminte Éireannaigh. - Fo-Thoghcháin Phainéal an tSeanaid
Tá cur síos anseo ar an gcóras le folúntas ar fho-phainéil an tSeanaid a líonadh le fo-thoghcháin. - Seanad
Tá cur síos anseo ar Sheanad Éireann agus na daoine atá intofa le seasamh mar iarrthóirí don Seanad.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.