Coistí údaráis áitiúil

Eolas

I roinnt réimse de ghníomhaíocht rialtais áitiúil in Éirinn, is féidir plé, díospóireacht agus breithniúchán níos doimhne a bheith ann ag leibhéal coiste, seachas ag cruinnithe na comhairle iomláine. I ndiaidh phlépháipéar an Rialtais Better Local Government, tugadh isteach córas coiste nua agus níos struchtúrtha le haghaidh comhairlí contae agus cathrach in Éirinn. Cuireadh an córas nua in áit cuid de na coistí ad-hoc a tháinig chun cinn thar na blianta.

Coiste údaráis áitiúil a chruthú

Chun coiste a bhunú, glacann an Chomhairle rún ag cruinniú Comhairle. Ní foláir do thriúr bhall den Chomhairle ar a laghad a bheith ar an gcoiste. Ní fhéadfá a bheith i do bhall de choiste údaráis áitiúil muna bhfuil tú i do bhall den Chomhairle ach amháin má tá eolas, cáilíochtaí, nó taithí agat a bhaineann le feidhmiú an choiste.

D'fhéadfadh an Chomhairle cuid dá dualgais a thiomnú do choiste trí rún má ghlacann ar a laghad leath de bhaill na Comhairle leis an rún. Ní fhéadfadh sí, áfach, glacadh buiséad bliantúil an údaráis áitiúil a thiomnú. Ní fhéadfadh sí, ach oiread, an chumhacht chun Plean Forbartha a chruthú, rátaí a leagann síos, nó airgead a fháil ar iasacht a thiomnú.

Ní foláir do Chomhairlí Contae agus Cathrach "Coiste Polasaí Stráitéiseach" a bhunú chun polasaithe a bhaineann le feidhmiú na Comhairle a chur in eagar, a fhorbairt agus maoirseacht agus athbhreithniú a dhéanamh orthu. Caithfidh an Coiste Polasaí Stráitéiseach comhairle pholasaí a thabhairt don údarás áitiúil.

D'fhéadfadh Comhairlí Contae agus Cathrach "Coistí Áitiúla" a bhunú chomh maith, a chlúdaíonn ar a laghad ceantar toghchánach amháin laistigh de cheantar an údaráis. Tugann coistí áitiúla deis ceisteanna áitiúla ar leith a aimsiú, a phlé agus a shocrú go háitiúil. Mar shampla, d'fhéadfadh coiste áitiúil déileáil le feabhas nó forbairt phobail ceantar contae nó cathrach áirithe.

D'fhéadfadh Comhairlí Buirge nó Baile "Coistí polasaí bardasach" a bhunú chun na dualgais céanna le Coistí Polasaí Stáitéiseach a chomhlíonadh.

D'fhéadfadh dhá údarás ar a laghad "Comhchoistí" a bhunú chun dualgais na n-údarás áitiúil a chomhlíonadh.