Bainisteoir Contae/Cathrach
Eolas
Ceapann an tAire Comhshaoil, Pobal agus Rialtais Áitiúil Bainisteoirí Contae agus Cathrach chun na húdaráis áitiúla a bhainistiú. Roinneann cuid de na contaetha Bainisteoir Contae.
Comhlíonann an Bainisteoir Contae nó Cathrach dualgais fheidhmeannacha na Comhairle. Stiúrann, co-ordnaíonn, eagraíonn agus íocann sé/sí oibrithe agus oifigigh na Comhairle. Déanann sé/sí conarthaí ar son na Comhairle agus cuireann sé/sí séala oifigiúil na Comhairle ar cháipéisí. Sonraíonn dlí na hÉireann go soiléir in (Alt 144 den Acht Rialtais Áitiúil 2001): 'Beidh bainisteoir ag gach contae nó cathair ar a dtugtar "an ....... Bainisteoir Contae" nó "an ....... Bainisteoir Cathrach".
Rialacha
Nuair a cheaptar é/í, fanann an Bainisteoir Contae/Cathrach sa phost go dtí go bhfaigheann sé/sí bás, go n-éiríonn sé/sí as, nó go mbristear as a p(h)ost é/í. Is í 65 aois phinsin Bainisteora Contae/Cathrach.Má tá an Chomhairle ag iarraidh Bainisteoir Contae/Cathrach a chur ar fionraí nó a bhriseadh as a p(h)ost, caithfidh an Chomhairle glacadh le rún. Caithfidh ar a laghad dhá thrián de na Comhairleoirí vótáil ar son an rúin tar éis fógra 7 lá a bheith faighte acu. Ansin ceadaíonn an tAire briseadh as post an Bhainisteora Contae/Cathrach.
Bíonn Bainisteoirí Contae/Cathrach Cúnta ag Contaetha agus Cathracha áirithe chomh maith le bainisteoir Contae/Cathrach.
Cá háit a ndéanfaidh mé iarratas
Roinn Comhshaoil, Pobal agus Rialtais Áitiúil
Teach an Chustaim
Baile Átha Cliath 1
Éire
Teil:(01) 888 2000
Lóghlao:1890 202 021
Facs:(01) 888 2888
Láithreán Gréasáin: http://www.environ.ie
Teanga
Ábhar Gaolmhar
- Coistí údaráis áitiúil
Tugann an Cháipéis seo cur síos ar fheidhmeanna coistí údaráis áitiúil. - Cathaoirleach na Comhairle
Déanann an cháipéis seo cur síos ar ról agus feidhmeanna Cathaoirligh na n-údarás áitiúil. - Comhaltaí udaráis áitiúil in Éirinn
Tugann an cháipéis seo cur síos ar ról na gComhairleoirí in údaráis aitiúla.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.