Comhaltaí udaráis áitiúil in Éirinn

Eolas

'Comhairleoirí' a thugtar ar chomhaltaí gach údaráis áitiúil in Éirinn. (Mar shampla, Comhairleoir Contae, Comhairleoir Cathrach, Comhairleoir Baile, mar is cuí). Le reachtaíocht a shocraítear líon na gcomhaltaí ar gach údarás áitiúil. Sé sin le rá go bhfuil líon na gcomhaltaí ar gach Comhairle i ngach contae, cathair, buirg is baile sa tír socraithe de réir Sceideal a 7 den Acht um Rialtas Áitiúil 2001.

An pobal áitiúil a thoghann na comhaltaí díreach glan i dtoghcháin áitiúla. Braitheann líon na gComhairleoirí ar gach údarás áitiúil ar an daonra i gceantar an údaráis áitiúil.

Téarma Oifige

Téann na comhaltaí i mbun a gcuid dualgas seacht lá tar éis lá na dtoghchán. Cúig bliana a chaitheann gach comhalta in oifig, sé sin go ceann seacht lá tar éis na dtoghchán áitiúil dar gcionn - a bhíonn ann de réir dlí i mí Bealtaine nó Meitheamh ar lá a shocraíonn an tAire Comhshaoil, Pobal is Rialtais Áitiúil. Bítear ag súil leis go mbeidh gach comhalta tofa i láthair go rialta ag ollchruinnithe na comhairle agus na gcoistí rialtais áitiúil a bhfuil siad ina mbaill díobh, ach glactar leis go bhféadfadh sé tarlú nach mbeadh comhalta in ann a gcuid dualgas a chomhlíonadh de bharr tinnis, mar shampla.

Féadfaidh Comhairleoir éirí as ach fógra scríofa a thabhairt. Glactar leis go bhfuil sé éirithe as mura mbíonn sé i láthair ag cruinniú den Chomhairle ar feadh sé mhí as a chéile (ach amháin i gcás tinnis nó ar údar maith eile)

Ach sula mbíonn na sé mhí istigh d'fhéadfadh údarás áitiúil glacadh le rún ag ceadú sé mhí breise i gcás tinnis nó ar údar maith eile. Níl ach tréimhse amháin eile den chineál sin ceadaithe, gan níos mó ná ocht mí dhéag de neamhláithreacht leantach.

Má fhaigheann Comhairleoir bás, nó má éiríonn sé as, nó má dhícháiltear é mar chomhairleoir, líontar an folúntas trí "chomhthoghadh". An páirtí polaitíochta a chéad-ainmnigh an té faoi deara an fholúntais, is iad a ainmníonn an comhalta nua agus ansin ritheann an Chomhairle rún á cheapadh.