Aontas na hEorpa

Eolas

Aontas polaitiúil agus eacnamaíochta tíortha faoi leith san Eoraip é Aontas na hEorpa. Tá 27 Ballstáit ann: An Bheilg, An Ghearmáin, An Fhrainc, An Iodáil, Lucsamburg, An Ísiltír, An Danmhairg, An Ghréig, An Spáinn, Éire, An Ostair, An Phortaingéil, An Fhionlainn, An tSualainn, An Ríocht Aontaithe, An Phólainn, An Ungáir, An Laitvia, An Liotuáin, An tSlóibhéin, Poblacht na Slóvaice, Poblacht na Seice, An Eastóin, An Chipir, Málta, an Bhulgáir agus an Rómáin.

D'fhás Aontas na hEorpa as trí chomhphobal a bunaíodh i ndiaidh an dara Chogaidh Domhanda le síocháin agus rathúnas a bhunú san Eoraip. Bunaíodh i 1951 Aontas Guail agus Cruach na hEorpa, i 1957 bunaíodh Coimisiún um Fhuinneamh Adamhach na hEorpa agus bunaíodh freisin i 1957 Comhphobal Eacnamaíochta na hEorpa.

Tá bundlíthe Aontas na hEorpa leagtha síos sna conarthaí éagsúla a d'aontaigh agus a dhaingnigh na Ballstáit. Tá conradh daingnithe nuair atá glactha go foirmiúil leis ag Ballstát.

Conradh na Róimhe an conradh is tábhachtaí, a cruthaigh Comhphobal Eacnamaíochta na hEorpa i 1957. Ó glacadh le Conradh na Róimhe, d'aontaigh agus daingnigh na Ballstáit cúig chonradh eile; Conradh Cumaisc i 1967, An Ionstraim Eorpach Aonair i 1986, Conradh ar an Aontas Eorpach (Conradh Maastricht) i 1992, Conradh Amstardaim i 1997, Conradh Nice i 2002 agus an Conradh Liospóin sa bhliain 2009.

Tá roinnt aidhmeanna ag Aontas na hEorpa:

• Saoránacht na hEorpa a bhunú. Cosaint a dhéanamh ar bhunchearta daonna agus saoirsí.
• Saoirse, slándáil agus ceart a chinntiú. Ciallaíonn seo comh-oibriú i réimse cearta agus gnóthaí baile.
• Dul chun cinn eacnamaíochta agus sóisialta a chothú. Aonmhargadh, an euro, cosaint timpeallachta agus forbairt sóisialta agus réigiúnda atá i gceist anseo.
• Ról na hEorpa sa domhan a bhaint amach.

Tá cúig phríomh institiúid ag riaradh Aontas na hEorpa:

• Parlaimint na hEorpa
• Comhairle Aontas na hEorpa
• Coimisiún na hEorpa
• An Chúirt Bhreithiúnais
• Cúirt na nIniúchóirí

Soláthraíonn Europe Direct seirbhís ghutháin agus ríomhphoist shaor in aisce ar féidir le saoránaigh í a úsáid le freagraí a fháil ar cheisteanna a d’fhéadfadh a bheith acu i leith an AE. Tairgeann sí eolas faoi raon leathan ábhar lena n-áirítear reachtaíocht, beartais, forais, cláir agus cearta shaoránaigh an AE. Féadann sé úsáideoirí a tharchur freisin chuig an bhfoinse is fearr comhairle ag leibhéil an AE, go náisiúnta, go réigiúnach agus go háitiúil. Tá líon ionaid faisnéise áitiúla Europe Direct in Éirinn.