Ag clárú chun vótáil in Éirinn

Clár na dToghthóirí agus dírmhargaíocht

Foilsíonn údaráis áitiúla dhá leagan de Chlár na dToghthóirí: an clár iomlán agus an clár atheagraithe.

Liostálainn an Clár Iomlán gach duine atá i dteideal vóta a chaitheamh. Nuair a fhoilsítear Clár Iomlán, ní féidir é a úsáid ach amháin chun críche toghcháin nó reachtaíochta eile.

Is é sa Chlár atheagraithe atá ainmneacha agus seolta na vótálaí siúd a chur in iúil gur féidir a gcuid sonraí a úsáid le cuspóirí eile (mar shampla, úsáid dírmhargaíochta ag eagras tráchtála nó eagras eile).

Mura mian leat do shonraí a bheith curtha ar an gclár atheagraithe, ba chóir duit tic a chur sa bhosca rogha an diúltaithe. Más mian leat do shonraí clárúcháin a bheith curtha ar an gclár atheagraithe, is é sin le rá, go bhfuil tú sásta go mbeidh eagraíochta tráchtála agus eile i dteagmháil leat le dírmhargaíocht, ba chóir duit an bosca a fhágáil glan.

Mura gcuireann tú tic sa bhosca rogha an diúltaithe, ceaptar gur mian leat do shonraí clárúcháin a bheith curtha ar an gclár atheagraithe, mura mian leat do shonraí a bheith curtha ar an gclár atheagraithe, cuir tic sa bhosca rogha an diúltaithe.

Is coir é d’eagras / chomhlacht tráchtála dul i dteagmháil le duine ón chlár Iomlán na dtoghthóirí le haghaidh dírmhargaíochta. Leagadh é seo síos sa dlí faoi Alt 32 den Acht Toghcháin (Leasú) 2001 Léigh tuilleadh ar an dóigh chun déileáil le hábhar dírmhargaíochta gan iarraidh in Éirinn anseo.

Cé atá i dteideal vóta a chaitheamh i dtoghcháin agus reifrinn?

Tá an saghas toghcháin ar féidir leat vótáil ag brath ar do shaoránacht.: Tá na daoine mar a leanas i dteideal vótáil:

• Is féidir le saoránaigh Éireannacha vóta a chaitheamh i ngach toghchán agus reifreann.
• Is féidir le saoránaigh Briotanach vóta a chaitheamh ag toghcháin Dála, Eorpacha agus áitiúla.
• Is féidir le saoránaigh eile an AE vóta a chaitheamh ag toghcháin Eorpacha agus áitiúla.
• Ní féidir le saoránaigh neamh AE vóta a chaitheamh ach ag toghcháin áitiúla amháin.

Chun go mbeidh i dteideal bheith ar Chlár na dToghthóirí, ní mór duit:

• a bheith 18 mbliana d’aois ar a laghad ar lá a theann an Clár i bhfeidhm (15 Feabhra)
• gnáthchónaí a bheith ort sa Stáit ar 1 Meán Fómhair sa bhliain sula dtéann An Chlár i bhfeidhm.

Tá tú i dteideal bheith curtha ar fhorlíonadh do Chlár na dToghthóirí ar lá a bhaineann tú 18 mbliana d’aois amach nó ina dhiaidh. Thig leat bheith curtha má thiteann an bhreithlá seo i ndiaidh dáta deiridh na n-iarratas ach atá ar lá vótála nó lá roimhe. Má tá tú sa chatagóir seo, ní mór duit cóip do do theastas breithe a chur isteach leis an iarratas.

Tá rogha ag mic léinn a chónaíonn ar shiúil óna mbaile agus iad ar freastal ar choláiste, le bheith cláraithe ag an seoladh baile nó ag an seoladh áras cónaithe mac léinn. Níl cead agat a bheith cláraithe ach ag seoladh amháin agus ní mór duit a bheith i do chónaí ag an seoladh seo ar an 1ú Meán Fhómhair roimh theacht i bhfeidhm an chláir. Mura mbíonn cónaí ort ag an seoladh ag a bhfuil tú cláraithe ní mór duit na húdaráis cláraithe a chur ar an eolas faoi do sheoladh baile nua.

Má tá do sheoladh cláraithe fágtha agat ach go bhfuil i gceist agat filleadh air taobh istigh de 18 mí ní gá duit do sheoladh a athrú ach déanamh cinnte de nach bhfuil tú cláraithe ag aon seoladh eile.

Vótálaí thar lear

Más saoránach Éireannach thú a chónaíonn thar lear ní féidir bheith ar Chlár na dToghthóirí. Ciallaíonn seo nach féidir leat vótáil i dtoghchán nó reifreann anseo in Éirinn. (Is é an t-aon eisceacht amháin ná chás oifigí Éireannacha ar dualgas thar lear (agus a gcéile) ar féidir leo clárú ar liosta na vótálaí poist).

Liosta postvótálaí

De ghnáth éilítear ort vóta a chaitheamh go pearsanta ag ionad vótála oifigiúil ach is féidir go mbeidh tú i dteideal postvóta más:

• taidhleoir Éireannach atá ag obair thar lear nó a chéile / a céile
• ball na nGardaí Síochána
• ball na bhFórsaí Cosanta thú

Is féidir leat bheith i dteideal postvóta mura bhfuil tú in ann dul go stáisiún vótála mar gheall ar:

• bhreoiteacht fhisiceach nó mhíchumas
• tá tú i mbun staidéir go lánaimseartha in institiúid oideachais in Éirinn, atá ar shiúl ó do sheoladh baile ag a bhfuil tú cláraithe
• nach bhfuil tú in ann vóta a chaitheamh ag stáisiún vótála mar gheall ar do phost
• nach bhfuil tu in ann vóta a chaitheamh ag do stáisiún vótála toisc go bhfuil tú i bpríosúin de thoradh ordú cúirte.

Ní mór d’iarratais um chuimsiúcháin ar Liosta Postvótálaí bheith faighte ag 25 Samhain ar a dhéanaí.

Má tá tú cláraithe mar phostvótálaí, ní féidir leat vóta a chaitheamh ach tríd an phoist. Ní féidir leat vóta a chaitheamh ag stáisiún vótála.

Forlíonadh don Liosta Poistvótálaí

Má tá teideal agat bheith ar liosta postvótálaí ach nach bhfuil ann, is féidir leat cur isteach bheith ar na forlíonta ábhartha do na liostaí.

Is dhá lá i ndiaidh dháta lánscor na Dála i gcás toghcháin ghinearálta nó dhá lá i ndiaidh an ordaithe chun lá vótála a cheapadh do thoghcháin nó reifrinn eile an dáta is déanaí le haghaidh fháil iarratas.

Liosta Spéisialta Vótálaí

Is féidir go gcáilíonn tú bheith ar Liosta Speisialta Vótálaí atá do dhaoine atá ina gcónaí in ospidéil, tithe altranais nó a leithid sin d’institiúidí agus ar mian leo vóta a chaitheamh ag na suímh sin. Caithfear iarratais le haghaidh cuimsiúcháin ar liosta speisialta vótálaí a dhéanamh roimh 25 Samhain agus, i gcás chéad iarratais, ní mór teastas dochtúra a chur leis.

Forlíonadh don Liosta Speisialta Vótálaí

Má tá teideal agat bheith ar liosta Speisialta Vótálaí ach nach bhfuil ann, is féidir leat cur isteach bheith ar na forlíonta ábhartha do na liostaí.

Is dhá lá i ndiaidh dháta lánscor na Dála i gcás toghcháin ghinearálta nó dhá lá i ndiaidh an ordaithe chun lá vótála a cheapadh do thoghcháin nó reifrinn eile an dáta is déanaí le haghaidh fháil iarratas.