Olltoghcháin

Eolas

Ní foláir olltoghchán a bheith ann taobh istigh de 30 lá ó lánscor na Dála. Eisíonn Cléireach na Dála eascaire don cheann comhairimh i ngach dáilcheantar ag tabhairt ordaithe dó/di toghchán a reachtáil.

Ceapann an tAire Comhshaoil, Pobal agus Rialtais Áitiúil an lá vótaíochta nach mór a reáchtáil idir an 18ú agus an 25ú lá tar éis aon eascaire a eisiúint (ní bhíonn Aoine an Chéasta, Domhnaí agus Saoirí Poiblí san áireamh). Ceapann an tAire an tréimhse vótaíochta freisin a mhairfidh ar feadh 12 uair an chloig ar a laghad idir 7 r.n. agus 10.30 i.n.

Má tá suim agat léigh faoi olltoghcháin, d'fhéadhfadh a bheith suim agat sna doiciméid seo leanas:

• Cé is féidir a thoghadh don Dáil?
• Cén chaoi ar féidir leat a bheith mar iarrthóir Dála?
• Cé atá i dteideal vótála i dtoghchán Dála?
• Cén chaoi a vótáileann tú in olltoghchán?
• Cén chaoi a chomhraítear vótaí?
• Céard iad na rialacha a bhaineann le costais toghcháin?

Póstaeir agus fógraí do thoghcháin ghinearálta

Ní cheadaíonn dlí na hÉireann póstaeir/fógraí a chur ar chuaillí nó struchtúir eile in áiteanna poiblí gan cead scríofa bheith faighte ó úinéir an chuaille nó an struchtúir eile roimh ré. Níl sé ceadaithe póstaeir a chur suas ach le linn tréimhse áirithe roimh toghchán. Is féidir póstaeir a chur suas ón 30ú lá roimh lá na vótála, nó ar feadh 30 lá tar éis an data ar a eisítear an tOrdú um Lá Vótála, pé acu an tréimhse is giorra.

Tar éis toghchán ginearálta, ní mór do pháirtí/iarrthóir póstaeir a bhaint taobh istigh de thréimhse seacht lá. Tar éis na tréimhse sin, gearrfaidh an t-údarás áitiúil fíneáil láithreach de €150 i dtaca le gach póstaer nach mbaintear. Agus an fíneáil á heisiúint, bainfidh an t-údarás áitiúil an póstaer. Má dhiúltaíonn páirtí/iarrthóir fíneáil atá eisithe a íoc, is féidir leis an údarás áitiúil iad a ionchúiseamh sa Chúirt Dúiche chun an íocaíocht a fháil.