Seanad - Toghcheantar na nOllscoileanna

Eolas

Ollscoil na hÉireann

Is féidir le Ollscoil na hÉireann (OÉ) triúr a thoghadh don Seanad. Seo a leanas coláistí OÉ:

• Coláiste na hOllscoile, Baile Átha Cliath
• Coláiste na hOllscoile, Corcaigh
• Coláiste na hOllscoile, Gaillimh agus
• Ollscoil Mhá Nuad.

Bronnann OÉ céimeanna i roinnt coláistí eile freisin. Is féidir le céimithe "na gcoláistí aitheanta seo" vóta a chaitheamh i dtoghcháin an tSeanaid chomh maith. Seo a leanas na coláistí aitheanta:

• Coláiste Ríoga na Máinlianna
• Coláiste Naomh Aingeal, Sligeach
• Coláiste Náisiúnta Ealaíne agus Deartha
• Coláiste Bainistíocht Óstáin na Sionainne agus
• An Fóras Riaracháin.

Tá coláistí a raibh aitheantas acu tráth ann freisin. Céimithe de na coláistí seo a bhfuil céim OÉ acu is féidir leo vóta a chaitheamh i dtoghcháin an tSeanaid. I measc na gcoláistí a raibh aitheantas acu tá:

• Coláiste Naomh Phádraig, Má Nuad (Ollscoil Mhá Nuad anois)
• Coláiste Naomh Mhuire na Trócaire
• Coláiste Naomh Mhuire Gan Smál, Luimneach (atá anois ina choláiste d'Ollscoil Luimnigh)
• Coláiste Naomh Phádraig, Drom Conrach (atá anois ina choláiste d'Ollscoil Chathair Bhaile Átha Cliath)
• INAO, Luimneach (Ollscoil Luimnigh anois) agus
• Coláiste Thuaidh Mhumhan, Luimneach (atá anois mar chuid d'Ollscoil Luimnigh).

Ollscoil Bhaile Átha Cliath (Coláiste na Tríonóide)

Is féidir le hOllscoile Bhaile Átha Cliath triúr a thoghadh don Seanad. Mar sin is féidir le céimithe de Choláiste na Tríonóide vóta a chaitheamh sa toghchán. Tá roinnt coláistí eile a bhronnann céimeanna ó Ollscoil Bhaile Átha Cliath, ina measc Institiúid Teicneolaíochta Bhaile Átha Cliath. Is féidir le céimithe na gcoláistí sin a bhfuil céim acu ó Ollscoil Bhaile Átha Cliath vóta a chaitheamh i dtoghcháin an tSeanaid.

Bunaíodh Fochoiste de Choiste um Nós Imeachta agus Pribhléidí Sheanad Éireann chun athbhreithniú agus moltaí a dhéanamh maidir le comhdhéanamh agus feidhmeanna reatha an tSeanaid agus an comhdhéanamh agus na feidhmeanna a bheidh aige amach anseo. In 2004 chuir an coiste Tuarascáil ar Leasú an tSeanaid (pdf) le chéile a chuimsigh athbhreithniú ar an gcóras ainmniúcháin agus toghcháin.