Intofa mar bhall de Pharlaimint na hEorpa
Eolas
Is Parlaimint na hEorpa í an institiúid a hionadaíonn na saoránaigh de bhallstát. Le bheith intofa mar bhall de Pharlaimint na hEorpa:
- Ní mór duit a bheith i do shaoránach Éireananch nó saoránach cónáitheach den AE
- Ní mór duit a bheith ós cionn 21 bliain d'aois agus
- Ní féidir leat a bheith dícháilithe le toghadh mar Theachta Dála
Le seasamh sa toghchán, ní mór duit a bheith ainmnithe.
Rialacha
Tá tú dícháilithe mar bhall de Pharlaimint na hEorpa:
- Muna bhfuil tú i do shaoránach Éireannach nó i do náisiúnach de bhallstát eile den AE
- Má tá tú faoi bliain 's fiche d'aois
- Más iarrthóir toghcháin in aon bhallstát eile thú
- Más náisiúnach de Bhallstát eile thú agus nach féidir leat seasamh sa Bhallstát sin de bharr an dlí atá i bhfeidhm sa Bhallstát sin
- Más breitheamh thú nó an tArd-Reachtaire Ciste agus Cuntas
- Más ball den Gharda Síochána thú
- Más ball lánaimseartha de na Fórsaí Cosanta thú
- Más státseirbhíseach thú, muna bhfuil sé luaite go sonrach i do chonradh fostaíochta go bhfuil cead agat seasamh mar bhall de Pharlaimint na hEorpa
- Má tá galar intinne ort
- Má tá tú sa phríosún ag cur isteach téarma níos mó ná 6 mhí
- Más clisiúnach neamhfhuascailte thú.
Más tú an tArd Aighne, Ceann Comhairle na Dála, Cathaoirleach an tSeanaid nó Aire Stáit agus má thoghtar tú mar bhall de Pharlaimint na hEorpa tiocfaidh deireadh le do thréimhse sa phost sin ar an lá a thoghtar thú mar bhall de Pharlaimint na hEorpa.
Féach liosta de na Baill atá ar Pharlaimint na hEorpa cheana féin anseo .
Teanga
Ábhar Gaolmhar
- Intofacht mar theachta i nDáil Éireann
Tá cur síos anseo ar intofacht mar theachta i nDáil Éireann. - Ainmniúchán mar theachta i nDáil Éireann
Chun a bheith ainmnithe mar theachta i nDáil Éireann, d'fhéadfá tú féin a ainmniú, nó d'fhéadfadh vótálaí Dála thú a ainmniú. - Toghcháin Eorpacha
Reáchtáiltear toghcháin dhíreacha do Pharlaimint na hEorpa gach 5 bliana ar fud an Aontais Eorpaigh.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.