Dramhaíl ó fhearais leictreacha agus leictreonacha

Eolas

Céard é drámhaíl ó fhearas leictreach agus leictreonach?

Bíonn compháirteanna leictreacha i neart gnáthearraí tomhaltais. D'fhéadfadh gléas ar bith a úsáideann leictreachas díobháil a dhéanamh don timpeallacht muna bhfaightear réidh leis i gcaoi cheart. Tá sé ag éirí níos deacra déileáil leis an drámhaíl ón rannóg seo mar tá ré fearais leictreonach ag giorrú agus an méid fearais bhriste nó críon ag méadú. Tá na nithe leictreacha agus leictreonacha fuílleacha seo a leanas coiteanta:

• Gléasanna móra teaghlaigh (cuisneoirí/reoiteoirí, meaisíní níocháin, meaisíní níocháin soithí)
• Gléasanna beaga teaghlaigh (tostaerí, meaisíní caife, iarainn smúdála, triomadóirí gruaige)
• Teicneolaíocht an eolais agus gléasanna teileacumarsáide (ríomhairí pearsanta, fóin, fóin soghluaiste, ríomhairí soghluaiste, printeirí, scanóirí, gléasanna fotachóipeála)
• Earraí tomhaltais (teilifiseáin, gléasanna steire, scuabanna fiacla leictreacha, raidiónna trasraitheach)
• Fearais solais (lampaí sruthshoilseacha)
• Uirlisí leictreacha agus leictreonacha (druilirí láimhe, sáibh, scriúirí)
• Bréagáin (Playstation, Gameboy agus araile)
• Córais ghléasanna leighis (taobh amuigh de tháirgí ionchlannáin agus ionfhabhtaithe)
• Uirlisí smachtaithe agus fearacháin
• Dáileoirí uathoibríocha.

Céard iad na príomhcheisteanna comhshaoil?

Idiú acmhainní

Faoi láthair, cuirtear fearas leictreach agus leictreonach i láithreáin líonta talún agus cailltear na milliúin tonaí ábhar a d'fhéadfadh a athghabháil agus a athúsáid le haghaidh táirgí nua. Dá bhfaighfí na habháir seo ar ais, laghdofaí an méid amhabhár a bheadh ag teastáil i gcomhair táirgí nua. Bheadh sábháil fuinnimh mar bhuntáiste eile dá bhféadfaí amhabháir a athchúrsáil in áit é a mhianadóireacht. Úsáideann mianadóireacht alúmanaim, mar shampla, fiche uaire an méid fuinnimh a úsáidfí chun an oiread céanna a athchúrsáil.

Compháirteanna as drámhaíl ó fhearas leictreach agus leictreonach

• Losaidí coircaid priontáilte
• Feadáin ga-chatóideach
• Sreanga agus cáblaí
• Lasca bíchearb
• Batairí
• Gineadóirí solais (m.sh. lampaí)
• Gléasana acmhainne agus friotóirí
• Brathadóirí agus conaiscairí

Substaintí dainséaracha as drámhaíl ó fhearas leictreach agus leictreonach

Tá substaintí a d'fhéadfadh a bheith dainséarach don timpeallacht agus do shláinte daoine i gcuid de na comhpháirteanna seo, má chuirtear de láimh iad gan cúram. Cé nach mbíonn sna substaintí dainséaracha seo ach méid beag de ghnáth d'fhéadfadh siad díobháil mhór a dhéanamh don chomhshaoil. Mar sin, tugann dreacht-treoir um Dhrámhaíl ó fhearais Leictreach agus Leictreonach an AE ordú go gcaithfí ábhar eile a chur in ionad substaintí áirithe roimh 1ú Éanair 2008. Seo iad na substaintí:

• Bíchearb
• Caidmiam
• Luaidhe
• Cróimiam Hexavalent
• Lasairmhoillitheach Brominate

D'fhéadfadh substaintí díobhálacha eile a bheith i ndrámhaíl leictreach agus leictreonach, ar nós:

• Airsnic
• Losaidí ciorcaid priontáilte
• HCFC-anna
• Nicil
• Aispeist

Ábhair as drámhaíl ó fhearas leictreach agus leictreonach

• Miotal feiriúil
• Miotal neamhfheiriúil
• Gloine
• Plaistigh

Céard a tharlaíonn do dhrámhaíl ó fhearas leictreach agus leictreonach déanta in Éirinn?

Láithreáin líonta talún

Tá spás sna láithreáin líonta talún ag éirí gann, áfach, agus táthar buartha faoi dhrámhaíl ó fhearas leictreach agus leictreonach i láithreáin líonta talún mar gheall ar chuid de na hábhair dainséaracha a bhíonn insan drámhaíl seo.

Loiscneoirí

Faoi láthair, níl fearas cóireála teirmí (loiscneoir) in Éirinn. Tá an modh oibre seo faoi chaibidil, áfach, mar rogha bainistíochta drámhaíola anseo, agus má ghlactar leis, bheadh ról aige i dtaobh dramhaíola ó fhearas leictreach agus leictreonach. Tá buntáistí agus míbhuntáistí ag baint le loiscniú drámhaíola ó fhearas leictreach agus leictreonach. Ar lámh amháin athraíonn an próiseas loscaidh cuid de na hábhair orgánacha contúirteacha do ábhair nach bhfuil chomh contúirteach don timpeallacht. Chomh maith leis sin, má tá céatadán suntasach plaistigh sa dhrámhaíl ó fhearas leictreach agus leictreonach, feileann siad go mór don phróiseas loscaidh Ar an lámh eile, áfach, bíonn miotail trom agus hailigin i gcuid mhaith den dhrámhaíl seo, agus dá bhrí sin bíonn tiúchan de mhiotail trom sa slaig agus d'fhéadfadh díchearb, dé-ocsainí agus furans teacht as. Tarlódh díobháil don timpeallacht dá réir.

Athchúrsáil drámhaíola ó fhearas leictreach agus leictreonach

Deileáleann dhá rannóg den tionscal athchursála le fearas leictreach agus leictreonach - oíbritheoirí stiallairí móra agus saineolaithe athchúrsála níos lú. Tugann comhlachtaí eile cúltaca leo, a chuireann seirbhísi ar nós athchúrsáil plaistigh agus athleáite miotail lómhara ar fáil.

Saineolaithe athchúrsála

Ta dhá chineál saineolaí athchúrsála in Éirinn; iadsan a bhailíonn nithe le heaspórtáil do thíortha le córais athchúrsála níos forbartha, agus iadsan a bhaineann compháirteanna agus ábhair amach le hathchúrsáil. Is i measc na gcomhlachtaí a bhailíonn agus a easpórtálann atá an chuid is mó de chomhlachtaí Éireannacha agus is le fearas teicneolaíochta an eolais a bhíonn siad ag plé. Déanann na comhlachtaí seo meastúchán ar mheaisín chun cinneadh a dhéanamh an féidir é a athchóiriú agus a athdhíol. Glanfaidh agus cóireoidh siad an seanmheaisín agus díolfaidh siad é ar aghaidh. Easpórtáiltear an chuid is mó de na meaisíní seo d'Oirthear na hEorpa nó an Áise. Muna bhfuiltear in ann meaisín a athdhíol, baintear na comhpháirteanna de agus athdhíoltar iad, nó easpórtáiltear iad le haghaidh athchúrsála. .

Tagann an chuid is mó d'fhearas a phróiseálann saineolaithe athchúrsála na tíre seo ón rannóg tráchtála. De ghnáth is táirgtheoirí iad seo a bhfuil scéim "tóg ar ais" acu, nó atá ag iarraidh barrachas stoic a chur de láimh i mbealach cúramach. Faoi láthair, ní thagann soláthar buan do lucht athchúrsála ón margadh teaghlaigh.

Stiallairí agus saineolaithe seanmhiotal

Go traidisiúnta, dhéileáil stiallairí le gléasanna móra teaghlaigh ar nós soirn, meaisín níochain, cuisneoirí agus reoiteoirí. Próiseálann siad iad seo in éineacht le feithiclí a bhfuil a ré thart, agus iarann éadrom. Déantar athchúrsáil ar an gcineál seo drámhaíola ó fhearas leictreach agus leictreonach ós rud é go gciallaíonn a luach mar sheanmhiotal gur gnó é atá inmharthana go heacnamúil.