Seirbhísí Athchúrsála Baile in Éirinn

Rialacha

Earraí gur féidir athchúrsáil a dhéanamh orthu

• Gloine (buidéil agus crúiscíní)
• Páipéar (nuachtáin, irisí, eolaí teileafóin, paipéir oifige, dramhphost, irisí grin do ghasúir agus cairtchlár lag)
• Cannaí Alúmanaim (cannaí bí agus dí)
• Plaisteach (buidéil, malaí iompair, scannáin chumhdaithe, clúdach boilgeach, potaí iógairt agus ime)
• Batairí (aigéag luaidh, nicil caidmiam, hydríd miotain nicil, litiam/ian litiam agus gach bataire tí eile )
• Dramhaíl ghlas (Féach na hábhair gur féidir múirín a dhéanamh díobh)
• Earraí fite (éadaí do dhaoine fásta, do pháistí agus do linbh atá glan, éadaí leapan, tuaillí, cótaí agus seaicéid)
• Boinn chairr agus rl. ídithe
• Sean ola (ola mhianrach agus ola ghlasrach)
• Carranna
• Earraí Geala (maisíní níocháin, soirn, triomadóirí, maisín níocháin soithigh, ríomhairí agus rl.)

Nithe gur féidir a úsáid i ndéanamh múirín

• Málaí tae
• Caifé
• Boscaí uibheacha
• Féar gearrtha
• Fál gearrtha
• Fiailí
• Sean plandaí agus píosaí de phlandaí
• Píosaí de ghlasraí
• Duilleoga dreoite
• Píosaí torthaí
• Plaosc uibhe brúite
• Nuachtáin
• Cairtchlár lag

Earraí nach féidir athchúrsáil a dhéanamh orthu agus nach féidir a fhágáil ag ionaid bhailithe ná ag láithreacha seirbhísí pobail

• Gloine: gloine chriostal, Pyrex, plátghloine nó fuinneoga, piobáin teilifíse, gloine ópal, (mar shampla., Buidéil Malibu ar a bhfuil alán cúil greamaithe don ghloine) agus gloine ghaoithe cairr
• Créghréithe: poirceallán, cré earraí, leacáin chloch nó leacáin chriadóireacht
• Caipíní Miotail agus alúmanaim agus Cúil luaidhe (bíonn siad ar bhuidéil branda Hennessy).
• Éadaí: ceirteacha salacha, cairpéid agus rugaí, cúisíní nó tochtanna.

Siombailí Athchúrsála

Feicfidh tú siombailí athchúrsála éagsúla ar tháirgí agus ar phacáistiú. Is é an ceann is coitianta ná an lúb mobius. Ciallaíonn sé seo gur féidir an táirge a athchúrsáil nó go bhfuil cuid dá ábhar inathchúrsáilte. Ciallaíonn an siombail go hiondúil gur féidir an táirge a athchúrsáil mura ndeireann an táirge céatadán an ábhair inathchúrsáilte. Mar sin féin, ní chiallaíonn sé seo go n-athchúrsálfar é nó go bhfuil a leithéid d’áiseanna ann. Tá tusa, mar thomhaltóir, freagrach as an bpacáistiú a thabhairt isteach chuig áis athchúrsála tar éis duit a ábhar a úsáid.

Siombail choitianta eile is ea an Ponc Glas. Is siombail phan-Eorpach í a fheictear faoi cheadúnas ar phacáistiú tháirgí a cheannaíonn tú. Ciallaíonn sé go bhfuil soláthraí an phacáistiú sin tiomanta do chosaint na timpeallachta trí mhaoiniú a thabhairt d’aisghabháil agus d’athchúrsáil na dramhaíola pacáistaithe. Is féidir leat cuairt a thabhairt ar láithreán Gréasáin an phonc glas chun tuilleadh a fhoghlaim.

Cad a tharlaíonn don ábhar athchúrsáilte?

Batairí

Tá batairí le haigéad luaidh (carranna, trucail, báid, tarracóirí agus rl.) déanta as plaisteach agus tá aigéad sulfarach caol agus luaidh iontu. Le linn na hathchúrsála brúitear an bataire leis an aigéad a thógáil as agus é a dhéanamh neodrach agus déantar an plaisteach agus an luaidh dlúth agus ina mbeartanna chun a bheith réidh don athchúrsáil. Is féidir na batairí beaga (ceamara, áiseanna éisteachta, uaireadóirí, ríomhairí agus áiritheoirí) a athchúrsáil ag baint úsáide as teas. Úsáidtear teas ar na batairí athchumhachtaithe tí (gutháin phóca agus soghluaiste, ríomhairí láimhe, uirlísí cumhachta agus trealaimh gan córda) chun an caidmiam, an nicil agus an t-iarann a thógáil astu. Úsáidtear an caidiam a bhíonn faighte sa bhealach seo chun batairí nua a dhéanamh agus téann an nicil agus an t-iarann chun cruach domheirgthe a dhéanamh.

Gloine

Déantar athchúrsáil ar ghloine má úsáidtear buidéil inchurtha ar ais nó má thugtar buidéil ghloine, crúiscíní, buidéil anlainn nó saléid agus rl chuig banc na mbuidéal. Ba chóir na buidéil a chuirtear sna bancanna seo a bheith roinnte de réir dath chun go mbeadh an ghloine slán chun a bheith úsáidthe arís. Bristear an ghloine go mion ar a dtugtar "cullet". I ndéanamh gloine nua is féidir suas le 40% cullet a úsáid sa bhunábhar. Cuidíonn sé seo chun costas an bhunábhair a ísliú agus chun ísliú a dhéanamh ar an méid fuinnimh a úsáidtear chun an ghloine a leá.

Feithicilí

Tógtar feithicilí (carranna, veain, trucail agus a leithéid) as a chéile agus úsáidtear aon ní fiúntach atá iontu agus brúitear a bhfuil fágtha chun é a bheith bruithnithe.

Earraí geala tí

Tógtar óna chéile fearais tithe mar maisíní níocháin, soirn, triomadóirí, maisíní níocháin soithí agus tóstaeir. Scartar na hábhair iarnúla ó na hábhair nach bhfuil iarnúil agus faightear réidh lena bhfuil fágtha. Tá saineolaithe ann go bhfuil ar a gcumas athchúrsáil a dhéanamh ar nithe níos casta ná seo mar ríomhairí agus teilifíseáin. Tógann na saineolaithe seo na hábhair luachmhara óna chéile le díol ar aghaidh nó chun athchúrsáil a dhéanamh orthu. Is féidir leo, uaireanta, córas iomlán nua a dhéanamh as na píosaí.

Alúmanam

Tá an canna alúmanaim (canna bí agus dí), cé go bhfuil sé fairsing, ar cheann de na hábhair dhramhaíola is luachmhara atá ann. Is féidir athchúrsáil a dhéanamh ar an scragall alúmanaim, go mór mhór an scragall trom a úsáidtear le haghaidh béilí beir leat, béilí réidh chun cócaireachta agus píogs úll chomh maith leis an gcinéal a úsáidtear chun cócaireacht. Bruithnítear na carnáin de channaí alúmanaim agus déantar barraí 27 tonna díobh sula n-úsáidtear iad chun cannaí nua agus nithe eile a dhéanamh.

Ola

Is féidir ola dramhaíola mianrúil (ola bhreosla agus ola bhealaithe) a ath-úsáid agus a athdhíol mar ola bhealaithe de ghrád íseal nó mar bhreosla do choire ola thionsclach chun teas nó leictreachas nó an dá rud a ghiniúint. Níor choir go gcuirfí ola ghlasrach, mar ola chócaireachta, isteach le ola mhianrach. Is féidir na holaí glasracha seo a ghlanadh agus a athúsáid i mbia ainmhithe.

Páipéar

Toisc go bhfuil contúirt ann go lasadh sé ní mór maoirseacht a dhéanamh ar ionaid athchúrsála páipéir. Is féidir athchúrsáil a dhéanamh ar nuachtáin, irisí, páipéar oifige, dramhphost, cairtchlár éadrom, eolaithe teileafóin, cartaí éagsúla, féilirí agus dialanna, malaí páipéir agus rl. Seoltar an páipéar a bhíonn bailithe ar aghaidh chuig na muillte paipéir le go ndéanfar páipéar nua as.

Earraí Plaisteacha

Tá cód ag tionscail an phlaistigh chun gur féidir na cinéalacha éagsúla plaisteacha a aithint óna chéile, rud a chabhraíonn leis an athchúrsáil ar phlaisteach. Is as HDPE, LDPE, PVC nó PET atá formhór na bplaisteach a bhíonn in úsáid timpeall an tí déanta. Is as PET (polaitéin teireatlach) atá na buidéil phlaisteacha a úsáidtear chun deocha neamh mheisciúla a choiméad. Gearrtar go mion an plaisteach seo agus úsáidtear an t-ábhar athchúrsála poileistear a thagann uaidh istigh i málaí codalta, i bpiliúir agus i seaicéid chuilteacha. Úsáidtear an plaisteach athchúrsáilte in alán bealaí, mar sconsaí, mar throscáin ghairdín, cosantóirí cairr, líneáil do bhoscaí brúscair agus piobaí PVC (clóiríd pholaivinile) agus i ndéanamh ábhair urláir.

Éarraí Glasa

Tugann an córas múirín baile deis duit formhór den dramhaíl chistine agus ghairdín a athchúrsáil agus an toradh a chuir ar an ithir mar leasú. Cuireann, nach mór, gach láthair seirbhísí deis chun múirín a dhéanamh ar fáil saor in aisce. Cuireann roinnt údaráis áitiúla seirbhís ar fáil chun athchúrsáil a dhéanamh ar Chrainn Nollag. Déantar mionghearrtha ar na crainn agus úsáidtear na scamh adhmaid i dtírdhreach agus i ngarraíodóireacht.

Dramhaíl Chontúirteach

Tá ábhair atá contúirteach don timpeallacht in alán táirgí tí. Ina measc seo bheadh ábhair leighis, aerasól, bleibíní agus solais fhluairaiseachta, snasáin, ábhar greamaitheach, ábhar glanta tí, ábhar glanta caidhséir, ábhair tuaslagadh, péint, fiailnimh agus leasú talún. Is féidir roinnt de na hábhair seo a thabhairt chuig láthair sheirbhísí agus déanfar athchúrsáil orthu nó beidh modh éigin acu chun fáil réidh leis an ábhar. Ba cheart drugaí cógaisíochta (pianmhúcháin mar shampla), brúscar leighis (steallairí nó lámhainní máinliachta mar shampla) agus soithí do dhrugaí cógaisíochta a thabhairt ar ais chuig an gcógaslann áitiúil, áit gur féidir fáil réidh leo ar an mbealach cuí. Eagraíonn údaráis áitiúla áirithe ionaid bhailiúcháin faoi leith do dhramhaíl chontúirteach ionas gur féidir leis an bpobal an t-ábhar seo a thabhairt chuig ionad amháin le go ndéanfar athchúrsáil air. Beidh níos mó eolais ag do údarás áitiúil.

Earraí Fite

Cuirtear éadaí agus earraí fite eile, atá de chaighdeán sásúil, chuig siopaí cathranachta chun díol. Na héadaí agus na hearraí fite nach bhfuil oiriúnach chun a bheith díolta úsáidtear iad mar fheilt faoi bhrat urláir, ceirteanna cuimilte nó mar snáth líonadh do throscáin.