Rialacháin Torainn
Eolas
Faoi dlí na hÉireann, tá tú i dteideal gearáin faoi thorann sa chomharsan a thabhairt chomh fada leis an Cúirt Dúiche.
Cinéalacha torainn atá i gceist
Faoi dlí na hÉireann clúdaítear torainn a thagann ó thithe eile, ceardlanna nó gnónna áitiúla atá leanúnach, ard agus a tharlaíonn ag amanna agus ar feadh achair a chuireann isteach ar chaighdeán saoil an duine.
Is é Rannóg 108 den Acht um Údarás Cosanta Timpeallachta 1992 agus an tAcht um Údarás Cosanta Timpeallachta (Torann) Rialcháin 1994 (IR Uimhir 179 de 1994) an dlí in Éirinn a bhaineann leis an ábhar seo. Cé nach bhfuil leibhéal ná caighdeán cruinn torainn atá neamhdhlíthiúil leagtha síos go sonrach sa dlí tá sé soiléar go bhfuil sé de cheart agat gearán a dhéanamh má tá torann sa chomharsanacht ag cur isteach ar chaighdeán saoil saoránaigh. Tá sé de chumhacht ag an údarás áitiúil scrúdú a dhéanamh ar ghearáin maidir le torann sa chomharsanacht agus tá saintrealamh aige freisin a dhéanann leibhéil torainn a thomhas.
I mí Mheán Fómhair 2003 tháinig caighdeán Eorpach d'aláraim sheachtracha stocaire i bhfeidhm in áit na gcaighdeán náisiúnta ar fad. Tá smachta níos géire maidir le íos- agus uas-teorainn ama gur féidir le haláraim a bheith ag bualadh leagtha síos sa chaighdeán nua. 90 soicind é an íos-teorainn agus 15 nóiméad an uas-teorainn nua. Ní bhaineann na smachta nua ach le haláraim a cuireadh isteach ó Mheán Fómhair 2003.
DéileálannTreoir AE 2002/49/CE le measúnú agus bainistíocht torainn sa timpeallacht. Baineann an treoirle torann ó ghníomhaíocht thionsclaíoch agus ó thrácht bóthair, iarnróid agus aeir. Ní bhaineann sé le torann teaghlaigh. Cuirtear an treoir i ngníomh in Éirinn leis na Rialacháin um Thorann Timpeallachta 2006 (IR 140/2006).
Rialacha
Ag déanamh gearáin
Ba cheart duit dul i dteagmháil leis an duine nó an gnó atá ag déanamh torainn agus a mhínú gur núis atá ann agus iarracht a dhéanamh theacht ar réiteach frithpháirteach. Muna n-oibríonn sé seo, tá an chumhacht chéanna ag an Údarás Áitiúil agus atá ag gnáth dhaoine maidir le gearáin torainn a dhéanamh chuig an gCúirt Dúiche. Freisin, tá cumhachtaí mar a chéile ag Údaráis Áitiúla agus atá ag an eagraíocht Chosanta Timpeallachta, maidir le áitreabh, próisis agus obair eile seachas iad siúd a theastaíonn ceadúnais uatha faoin Acht atá leagtha síos ag an Údarás Cosanta Timpeallachta. Is féidir leis an Eagraíocht Chosanta Timpeallachta iachall a chur ar dhuine nó eagraíocht feidhmiú ar bhealaigh áirid le cosc nó teorainn a chur ar thorann. Má iarrann an Eagraíocht Chosanta Timpeallachta ort feidhmiú ar bhealaíáirid, tá sé de dhualgas ort é a dhéanamh nó cúiseófar thú.
Má tá tú ag iarraidh gearáin a dhéanamh chuig an gCúirt Dúiche, ní chaithfidh tú aturnae a fháil le ionadaíocht a dhéanamh ar do shon, ach mar sin féin is féidir cúnamh a fháil ó aturnae le do ghearán torainn a réitiú agus é seo a chur i láthair na cúirte. Ba cheart duit dul i dteagmháil leis an gcléireach sa chúirt dúiche maidir le coinne a dhéanamh do éisteacht chúirte agus tagairt a dhéanamh don dlí atá á bhriseadh maidir le do chás (Roinn 108 don Acht Cosanta Timpeallachta 1992 agus Acht um Údarás Cosanta Timpeallachta 1992 ( Torann ) Rialcháin 1994 (Uimhir SI 179 de 1994 ).
Ba cheart go mbeadh an éisteacht chúirte ar siúl ar a laghad 7 lá tar éis a chur in iúl don duine atá ag déanamh an núis go bhfuil tú a thabhairt chun na cúirte. Caithfidh tú foirm fhograíochta áirithe a úsaid le cur in iúl don duine nó gnó go bhfuil tú a dtabhairt chun na cúirte. Tá sé rí-thabhachtach go n-úsaideann tú an fhoirm fhógraíochta seo amháin agus go líonann tú isteach í go hiomlán agus cruinn.
Tabharfaidh an Chúirt Dúiche an dá pháirtí le chéile agus éisteóidh sí le dhá thaobh an scéil. Má tá an chúirt i do fhábhar is féidir ordú a thabhairt don duine eile nó gnó, teorainn a chur leis an torann, an torann a ísliú nó stop iomlán a chur leis an torann. Caithfear orduithe cúirte a chur i bhfeidhm agus cloí leo.
Pionóis Briseadh Dlí
Má chiontaítear tú ar briseadh dlí rialacháin torainn 'sé an t-uasmhéid gearradh fíneála ná 3,000 euro nó téarma príosúnachta 12 mí nó an péire.
Cá háit a ndéanfaidh mé iarratas
An Ghníomhaireacht um Chaomhnú Comhshaoil
Bosca Poist 3000
Eastát Chaisleán Bhaile Sheáin
Wexford
Loch Garman
Éire
Teil:053 916 0600
Lóghlao:1890 335 599
Facs:053 916 0699
Láithreán Gréasáin: http://www.epa.ie
R-phost: info@epa.ie
Teanga
Ábhar Gaolmhar
- Díospóidí a réiteach idir tiarnaí talún agus tionóntaí
Féadann díospóidí a bheith ann idir tiarnaí talún agus tionóntaí i dtaca le cóiríocht a ligtear ar cíos. Is mó cás inar féidir na díospóidí seo a réiteach ar bhonn neamhfhoirmeálta idir an dá pháirtí. Tuilleadh eolais. - Rialú madraí
Pléann an doiciméad seo na rialacha agus na rialacháin a bhaineann le h-úinéireacht madraí. - Láithreáin Dramhaíola
Tá míniú tugtha sa cháipéis seo ar an mbealach a bhfaightear réidh le dramhaíl i láthreáin dramhaíola agus na rialacha a bhaineann le láithreáin dramhaíola in Éirinn.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.