Scéim Cosanta Timpeallachta Tuaithe

Rialacha

Clár Ginearálta REPS

Más mian leat páirt a ghlacadh sa gClár Ginearálta REPS, ní mór duit:

• Bheith ag saothrú 3 heicteár ar a laghad nó 1 heicteár i gcás táirgeoirí mionscála orgánacha nó glasraí.
• Gealltanas a dhéanamh bearta Chlár Ginearálta REPS a chur i bhfeidhm
• An talamh go léir a shaothraíonn tú a chuimsiú i bplean talmhaíochta-timpeallachta
• Iarratas a chur faoi bhráid a bhfuil plean talmhaíochta-timpeallachta leis a d’ullmhaigh pleanálaí/gníomhaireacht phleanála fhaofa ag cur síos ar na bearta go léir atá le déanamh thar thréimhse an phleana.
• Gníomhaíochtaí feirmeoireachta a dhéanamh ar feadh tréimhse cúig bliana de réir an phlean talmhaíochta-timpeallachta thuas
• Do thalamh a chur isteach ar bhunachar sonraí IACS de chuid na Roinne Talmhaíochta, Bia agus Mara trí iarratas ar Chúnamh Ceantair a dhéanamh.

Tá 11 céim nach mór duit a chur i bhfeidhm thar tréimhse 5 bliana an chláir.

Ní mór duit:

• Clár bainistiú cothaithe feirme a thagann leis na sainrialacha REPS a leanacht i gcomhair an feirm iomlán.
• Plean bainistiú talamh féarach a chur i bhfeidhm a sheachnóidh creimeadh cré, póitseáíl agus ro-innilt
• Cúrsaí uisce agus tobair a chosaint agus a chaomhnú
• Gnáthóga mar talamh coille, turlaigh agus fásra nádúrtha agus leath-nádúrtha a chaomhnú.
• Sconsaí teorann agus sconsaí le taobh bóithrí a chosaint
• Stopadh ag úsáid luibhaicíd nó lotnaidicíd agus leasú talún i nó in aice le abhainna, lochanna, locháin, srutháin agus fálanna, seachas le cead ar leith.
• Aon ghnéith le tábhacht staire nó seandálaíochta a chosaint agus a chaomhnú.
• An chuma atá ar an bhfeirm agus ar an gclós feirme a chaomhnú agus a fheabhsú.
• Barraí curaíochta a tháirgeadh ag fágáil teorainn garraí ar leith agus gan tuí nó coinleach a dhó
• A bheith eolach ar chleachtas feirmeoireachta atá neamhdhíobhálach don chomhshaol.
• An plean timpeallachta talmhaíochta a réiteach, monatóireacht a dhéanamh air agus é a choinneáil suas chun dáta, agus tuairiscí feirme agus timpeallachta ar bith a iarrtar ort a choinneáil.

Tá sé de dhualgas ort do ghníomhaíochta feirme a bheith dhá rith agat de réir na coinníollacha feirme cuí maidir le rangnú talún. Ciallaíonn sé seo go bhfuil an uasleibhéal do cheimicí éagsúla leagtha síos agus ní mór duit dul de réir na rialacha éagsúla a bhaineann le dramhaoil.

Céim A - Ceantair Cuspóireacha

Má tá tú ag glacadh páirt sa gClár Ginearálta REPs agus tá tailte cuspóireacha agat, ní mór duit Céim A a chur i bhfeidhm chomh maith. Sé aidhm an chéim seo ná bealach le raon leathan chun tabhairt faoi chaomhnú agus/ athfhás cheantair cuspóireacha.

Siad na ceantair cuspóireacha ná:

• Ceantair Oidhreacht Nádúrtha (NHAs) molta nó leagtha síos ag an Aire Comhshaoil agus Rialtais Aitiuil.
• Suíomhanna NATURA 2000 - seo Ceantair Chaomhnúcháin Speisealta (SACS) nó Ceantair Chosanta Speisealta atá bunaithe ar thailte feirme. Tá na SACs leagtha síos faoi Threoir AE 92/43/EEC ar Chaomhnú Ghnáthóga Nádúrtha agus tá na SPAs leagtha síos faoi Threoir Chomhairle 79/409/EEC ar chosaint Éanacha Fiáine
• Cimín

Má tá talamh agat sna Ceantair Cuspóireacha, ní mór duit cloí le rialacha áirithe. Ní mór duit pleananna a dhéanamh amach le pleanalaí ceadaithe agus comhshaolaí don talamh ceantar cuspóireach. Ní mór don phlean nithe ar nós caomhnú, céimeanna cosanta timpeallachta agus córais stocáil a bheith clúdaithe ann.

Ní mór duit freisin cloí leis na rialacha caomhnúcháin a bhaineann le NHAs, SACs agus SPAs. Chomh maithe leo seo, tá rialacha ar leith a bhaineann le caomhnú gnáthóga áirithe cosúil leis an Burren agus bratphortaigh.

Tailte Cuspóireacha taobh amuigh den Chlár Ghinearálta REPS

Má tá tailte cuspóireacha agat seachas cimín agus nach mian leat cur isteach ar an gclár ginearálta REPS, d'fhéadfá roinnt cabhrach a fháil i leith an talamh cuspóireach amháin.

Céimeanna Breise

Is féidir leat tabhairt faoi chuile cheann de na céimeanna breise a leanas nó aon cheann ar leith acu gur mian leat. Má tá tú sa chlár ghinearálta REPS, ní gheobhfaidh tú íocaíocht breise ach ar chéim amháin.

Siad na céimeanna ná:

• Gnáthóga traonach
• Úlloird thraidisiúnta na hÉireann
• Ag tóigeáil ainmhithe de phór áitiúil atá i mbaol dul in éag
• "Cur ar leath-taobh" fadtéarmach (20 bliain) - Zónanna Riparian
• Gnáthóga LINNET (Land Invested in Nature, Natural Eco - Tillage)
• Feirmeoireacht orgánach

Tá rialacha ar leith a bhaineann le gach ceann de na céimeanna seo.

Traenáil faoi REPS

Eagraíonn an Roinn Talmhaíochta, Bia agus Mara, i gcomhar le ranna rialtais eile, cúrsaí traenála do phleanálaithe agus feirmeoirí REPS. Ní mór do fheirmeoirí freastal a dhéanamh ar chúrsaí oideachais ceadaithe agus ní mór de na cúrsaí seo seasfadh ar feadh 20 uair ar a laghad.