Foraoiseacha Mílaoise in Éirinn

Eolas

Mar chuid de cheiliúradh bliain na Mílaoise (bliain 2000) in Éirinn, ainmníodh ós cionn 1500 acra coillearnaí dúchasaí mar "Foraoiseacha Mílaoise na nDaoine". Déarnadh an choillearnach dhúchasach (atá roinnte suas i 16 foraois ar fud na tíre) seo a thiomniú go deo do mhuintir na hÉireann. Áiritear sna foraoiseacha limistéir nua plandáilte a bhíodh ag baint úsáide as síol dúchasach Éireannach. Áiritear sna 16 foraois freisin athchóiriú a dhéanamh ar choillearnacha dúchasacha atá ann le 200 bliain nó ós a chionn.

Mar chuid den cheiliúradh, plandáileadh crann dúchasach saor in aisce thar cheann gach líon tí in Éirinn. Seoladh teastas chuig gach teaghlach ag tabhairt eolais faoin áit a bhfuil gach crann teaghlaigh plandáilte. Plandáileadh 1.2 milliún crainnte dúchasacha ar fad mar chuid den cheiliúradh.

Thar na haoiseanna tá coillearnacha na hÉireann buailte go dona ag glanadh agus dúshaothrú. Faoi láthair ní chlúdaíonn coillearnacha ach 10% de thírdhreach na hÉireann. Tá foraoiseacha an-tábhachtach ar go leor cúiseanna, san áireamh an fiadhúlra a chothaíonn siad. Méadaíonn foraoiseacha a bhfuil bainistiú agus plandáil chúramach déanta orthu bithéagsúlacht ár dtaobh tíre, ag cruthú réimse mhóir gnáthóga le haghaidh ainmhithe agus fásra fiáin. Ba chóir go ndéanadh an t-athrú i dtreo éagsúlachta speiceas agus leathanduilleog i bhforaoiseacha Éireannacha an fiadhúlra a chothú níos fearr.

Tugtar Bainistíocht Inbhuanaithe Foraoise ar bhainistiú agus úsáid foraoiseacha ar bhealach a dhéanann cothabháil ar shaibhris éagsúla a bhfoirmeacha beatha, a bhfeidhmeanna sóisialta agus eacnamaíochta agus a gcumas chun ath-fhás a dhéanamh. Plandáiltear crainnte, ligtear cead dóibh aibiú, baintear iad, ath-phlandáiltear iad agus ath-ghintear iad go nádúrtha i dtimthriall leanúnach fáis.

Tá go leor feirmeoirí in Éirinn anois ag iompú ar an bhforaoiseacht chun malairt úsáide a bhaint as a gcuid talún. Tá spreagadh dá thabhairt don chlaonadh seo trí dheontas cabhrach agus préimheanna (íocaíochtaí bliantúla) ón tSeirbhís Fhoraoise agus ón AE chun cabhrú le feirmeoirí infheistíocht fhadthéarmach a dhéanamh i gcrainnte. Cuireann foraoiseacht fheirme malairt ioncaim ar fáil a chabhraíonn chun pobail feirmeoireachta a bhuanú, ar an gcaoi sin cuirtear forbairt tuaithe chun cinn agus tugtar deis do dhaoine fanacht ar a gcuid talún.

Tá Foraoiseacha Mílaoise na nDaoine urraithe in Éirinn ag Coiste Náisiúnta na Mílaoise agus tá bainistíocht dá dhéanamh air ag Coillte, i gcomhpháirtíocht le Grúpa Coillearnach na hÉireann.