Scéim Deontais le Feirmeacha i gCeantracha faoi mhíbhuntáiste a Leictriú

Rialacha

Tugtar deontais le haghaidh soláthair leictreachais i gcomhair na rudaí seo a leanas:

• Seideanna/Seideanna le hUrláir Lataí
• Aonaid éanlaithe
• Caidéil uisce
• Aonaid muc
• Tithe caidéal
• Aonaid mhuisiriún
• Inneal blite agus fearas fionnuaraithe
• Tithe gloine
• Meilteoirí arbhair
• Tithe cónaithe.

Ní cheadófar deontas le haghaidh soláthair leictreachais i gcomhair na rudaí seo a leanas:

• Obair déanta nó tosaithe cheana
• Soláthar d'fhál leictreach amháin
• Soláthar do charbhán nó teach soghluaiste
• Soláthar d'áitreabh ar bith ina bhfuil an t-iarrthóir ag déanamh gnó nó obair phroifisiúnta ar bith ach amháin feirmeoireacht, nó do "theach amuigh" nach mbíonn obair shuntasach leanúnach fheirmeoireachta ar siúl ann.

Ní bheidh deontais ar fáil ach an oiread d'iarrthóirí a bhfuil ioncam eile taobh amuigh den fheirmeoireacht os cionn euro 24,800 euro in aghaidh na bliana acu.

Chun a bheith i dteideal deontais ní foláir critéir dhochta a chomhlíonadh:

• Ní foláir duit feirmeoireacht a dhéanamh ar thalamh ar leat é, nó atá agat ar léas fadthéarmach.
• Ní foláir duit cónaí a bheith ort ar fheirm de ar a laghad 3 heicteár (7.5 acra) i gceantar faoi mhíbhuntáiste agus a bheith á oibriú mar fheirm.
• Ní foláir duit a bheith ag feirmeoireacht mar do phríomh slí bheatha agus a bheith ag fáil do phríomh ioncam aisti. Glactar leis gurb é do phríomh slí bheatha é má fhaigheann tú ar a laghad 50% de d'ioncam as feirmeoireacht, agus má chaitheann tú níos mó ná 50% de do chuid ama ag feirmeoireacht.

Ioncam feirme

Déantar an méid iomlán ioncaim atá ceadaithe duit a shaothrú taobh amuigh den fheirmeoireacht a mheas bunaithe ar an ioncam tagartha bliantúil atá ag an Roinn Talmhaíochta, Iascaireachtaí agus Bia don chlár feabhsaithe feirme. Is é euro 24,800 euro an méid atá socraithe le haghaidh 2004. Má tá d'ioncam eile taobh amuigh den fheirmeoireacht os cionn an méid seo, ní bheidh tú i dteideal deontais.

D'fhéadfadh an Roinn Talmhaíochta, Iascaireachtaí agus Bia iarradh ort plean feirme a chur ar fáil, atá curtha le chéile ag comhairleoir de chuid Teagaisc nó comhairleoir talmhaíochta, chun iad a shásamh go bhfuil tú dáiríre ag obair mar fheirmeoir.

Ba cheart ioncam ó thalamh ligthe ar cíos ar bhonn leanúnach le haghaidh níos mó ná 11 mí a thaispeáint ann féin.

D'fhéadfaí na cáipéisí seo a leanas a iarraidh ort:

• Fógra measúnaithe do cháin ioncaim eisithe ag na Coimisinéirí Ioncaim nó
• Nuair nach dtaispeánann an fógra measúnaithe do cháin ioncaim an t-ioncam feirme ann féin, na cuntais fheirme a cuireadh chuig na Coimisineirí Ioncaim don bhliain chánach chéanna.

Chun cloí leis an scéim, ní foláir rialacha reatha glantúcháin chánach a shásamh.

Ní foláir an deontas a thógáil taobh istigh de mhí amháin ó dháta na tairisceana agus caithfidh na sreanga a bheith curtha isteach agus an t-áitreabh a bheith réidh le glacadh le soláthar leictreachais taobh istigh de thrí mhí ó dháta na tairisceana. Ní thosóidh Bord Soláthar an Leictreachais (BSL) an obair thógála go dtí go mbeidh an fearas, a rinneadh iarratas le haghaidh soláthair ina thaobh, curtha isteach.

An Dara Theach Cónaithe a bheith i dteideal deontais

Ní cheadaítear soláthar don dara theach cónaithe ar fheirm ach amháin sna cásanna seo a leanas:

• Nuair nach féidir an chéad teach a dheisiú;
• Sa chás go bhfuil an t-iarrthóir ag feirmeoireacht ar an talamh, go gcomhlíonann sé/sí an dá choinníolldeireanach thuas, gur mac/iníon an úinéir chláraithe é/í, agus gur féidir leis/léi fianaise shásúil a chur ar fáil a dhearbhaíonn go mbeidh sé/sí ag teacht in oidhreacht ar an bhfeirm.