Dífhostú inchiallaithe
Eolas
Tarlaíonn dífhostú nuair a chuireann tú deireadh le do chonradh fostaíochta, le nó gan fógra a thabhairt roimh ré, mar gheall ar iompar d'fhostóra. Caithfidh gur iompair d'fhostóir é/í i slí a chiallódh go mbeadh sé réasúnta duit deireadh a chur le d'fhostaíocht gan fógra a thabhairt.
Má dhífhostaítear tú, tá sé de rogha agat éileamh dífhostú éagórach a chur in aghaidh d'fhostóra, faoi réir coinníollacha áirithe. Má dhéanann tú é sin agus má ghlacann an fostóir leis go raibh dífhostú ann, beidh ar an bhfostóir a léiriú go raibh cúiseanna maithe leis an dífhostú. Go ginearálta, glactar leis go bhfuil dífhostú éagórach mura bhfuil an fostóir in ann a thaispeáint go raibh údar maith leis.
Má chuireann tusa deireadh le d'fhostaíocht agus má dhéanann tú éileamh ar dhífhostú éagórach faoi reachtaíocht na nAchtanna un Dífhostú Éagórach 1977-2007 beidh ortsa a chur in iúl go raibh údar maith le do chinneadh deireadh a chur le d'fhostaíocht.
Má shocraítear gur dífhostaíodh tú go héagórach, d'fhéadfadh go mbeadh ort filleadh ar do phost nó, níos minice, d'fhéadfá cúiteamh a fháil mar gheall ar chaillteanas tuilleamh mar thoradh ar an dífhostú.
Rialacha
Beidh ort a léiriú go gcáilíonn tú chun éileamh a dhéanamh faoi reachtaíocht
na ndífhostaithe éagóracha.
Más mian leat éileamh a dhéanamh ba chóir duit é a dhéanamh laistigh de
sé mhí ón lá a chuireadh deireadh le fostaíocht. Is féidir an teorainn
ama a leathnú go 12 mhí i gcásanna nuair nach rabhthas in ann an t-éileamh
a chur isteach mar gheall ar chúinsí eisceachtúla.
Tá an ceart agat glacadh leis go bhfuil deireadh le do chonradh fostaíochta sna cásanna seo a leanas:
Más ionann iompar an fhostóra agus sárú an chonartha fostaíochta nó cén nach raibh sé inchurtha le sárú, bhí sé dona go leor gur thug sé údar maith duit an fhostaíocht a fhágáil.
- Má léiríonn iompar an fhostóra nach bhfuil sé/sí ag cloí a thuilleadh le téarmaí riachtanacha an chonartha
- Má iompair an fostóir é/í féin i slí míréasúnta
Mura dhéileáil an fostóir le hiompar fostaithe eile, cuirfear é sin san áireamh chomh maidir le dífhostú inchiallaithe.
Ba cheart duit aird a thabhairt ar na pointí seo a leanas:
- Nuair a bhíonn dífhostú inchiallaithe i gceist, is ortsa atá an dualgas le fiainise a thabhairt go raibh cúis maith agat le éirí as an bhfostaíocht
- Ba chóir duit aon nósanna imeachta araíonachta agus casaoide atá ar fáil duit a úsáid sula n-éiríonn tú as an bhfostaíocht
- Ba chóir duit smaoineamh ar aon nósanna imeachta caidrimh thionsclaíochta atá ar fáil duit a úsáid sula n-éiríonn tú as d'fhostaíocht
- Ba chóir duit moladh mionchruinn a lorg sula bhfágann tú mar is réimse casta dlí é sin
- Níor cheart duit éirí as an bhfostaíocht ach mar dhídean deiridh amháin tar éis duit leas a bhaint as gach slí eile ar fáil duit chun an fhadhb a réiteach
Conas iarratas a dhéanamh
Má cháilíonn tú faoin reachtaíocht dífhostaithe éagóracha, is féidir leat éileamh a dhéanamh leis an mBinse Achomhairc Fostaíochta (BAF) nuair a chomhlíonann tú an fhoirm gearáin shingil nua.
Nuair a éisteann an Binse Achomhairc Fostaíochta éileamh, eiseoidh siad cinneadh. Tá ceart achomhairc ag an dá pháirtí chuig an Chúirt Chuarda tar éis don Bhinse a chinneadh a dhéanamh.
Is féidir an Leabhrán Mínithe d'Fhostóirí agus Fostaithe ar an Acht um Dhífhostú Éagórach 1977-2007 (pdf) ar workplacerelations.ie.
Le haghaidh tuilleadh eolais le cúiteamh a lorg faoin na hAchtanna téigh i dteagmháil leis na Seirbhísí do Chustaiméirí um Chaidreamh san Ionad Oibre.
Cá háit a ndéanfaidh mé iarratas
Seirbhísí do Chustaiméirí um Chaidreamh san Ionad Oibre
(Seirbhísí Faisnéise, Údarás Náisiúnta um Chearta Fostaíochta roimhe sin)
An Roinn Post, Fiontar agus Nuálaíochta
Bóthar Uí Bhriain
Ceatharlach
Éire
Uaireanta Oscailte:Luan go hAoine 9.30rn go 5in
Teil: (059) 917 8990
Lóghlao: 1890 80 80 90
Láithreán Gréasáin: http://www.workplacerelations.ie/en/
Teanga
Acmhainní Úsáideacha
Ábhar Gaolmhar
- Dífhostú éagórach
Cuirtear síos conas atá fostaithe cosanta faoin reachtaíocht um dhífhostú éagórach: cé atá clúdaithe, cé atá eisiata agus conas éileamh a dhéanamh ar dhífhostú éagórach. - Cúiseanna maithe le dífhostú
Don chuid is mó cásanna, meastar dífhostú a bheith éagóir mura bhfuil an fostóir in ann a thaispeáint go raibh cúiseanna maithe leis an dífhostú. - Íospairt ag an obair in Éirinn
Tá roinnt reachtaíochta fostaíochta ann a thugann cosaint duit ó íospairt san ionad oibre.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.