Anseo atá tú: Baile > Fostaíocht > Tosú ag obair agus athrú jabanna > Oiliúint agus lorg oibre > Fostaíocht: tusa agus do phost

Fostaíocht: tusa agus do phost

Eolas

Is eachtraí móra iad i do shaol do chéad phost a fháil, nó bheith ag bogadh ó phost go post, chomh maith le post a chailleadh. Ag tréimhsí mar sin, d’fhéadfadh eolas a bheith uait chun tú a threorú tríd an bpróiseas agus chun cúnamh a thabhairt duit na roghanna cearta a dhéanamh.

Is cuma má tá tú ag cuartú poist, ag athrú poist, ag tabhairt aghaidh ar iomarcaíocht, nó má theastaíonn eolas uait faoi do chearta, gheobhaidh tú réimse leathan eolais sa rannóg seo a bhaineann le fostaíocht.

Do chearta faoin dlí

Tá do chearta mar fhostaí in Éirinn faoi chosaint ag an dlí. Léigh tuilleadh faoin dlí i Nuashonrú ar Dhlí Fostaíochta. Ba cheart duit eolas a fháil faoi do chearta agus coinníollacha oibre agus faoi do chearta a chur i bhfeidhm. Tá reachtaíocht ar leith ann chun do chearta daonna a chosaint agus chun comhionannas sa láthair oibre a chinntiú. Is féidir tuilleadh eolas a fháil faoi do cheart i gcás bulaíocht, ciapadh agus íospairt.

Má tá tú ag tosú ar an obair

Is féidir eolas a d’fhéadfadh a bheith úsáideach duit nuair a thosaíonn tú ag obair a aimsiú in Uimhir Phearsanta Sheirbhíse Poiblí, conarthaí fostaíochta, árachas sóisialta in Éirinn agus cáin agus obair a thosú. Tá dlithe fostaíochta chun dhaoine óga i bhfostaíocht a chosaint.

Pá agus fostaíocht

Ba cheart duit eolas faoin íosráta pá in Éirinn, cén eolas atá i do dhuillín pá, agus cén chaoi a ríomhtar do cháin a fháil. Tá tuilleadh eolais faoi tacaíocht do dhaoine ar ioncam íseal agus ba cheart duit a thuiscint maidir le pinsin.

Athrú poist

Má tá tú ag athrú poist nó má tá sé ar intinn agat é sin a dhéanamh, gheobhaidh tú an t-eolas a theastaíonn uait in Fógra a thabhairt nuair a athraíonn tú do phost agus in Athrú poist: cáin ioncaim agus taifid árachas sóisialta. Tá tuilleadh eolais má tá tú ag filleadh ar an obair.

Fostaíocht agus míchumas

Tá réimse tacaíochtaí fostaíochta ar fáil in Éirinn chun cabhrú le fostaithe le míchumas post a fháil agus a choinneáil. Tá tacaíocht ar fáil d’fhostóirí chomh maith feasacht faoi cheisteanna a bhaineann le míchumas a mhúscailt agus chun cabhrú leo fostaithe le míchumas a choinneáil. Soláthraíonn an Ciste Freastal Réasúnta na Roinne Coimirce Sóisialaí tacaíochtaí, mar shampla, Deontas Léitheora Phearsanta, Deontas um Ateangaire ag Agallamh Poist agus deontais chun an láthair oibre a dhéanamh oiriúnach d’fhostaithe le míchumas.

Cailliúint poist

D’fhéadfadh sé a bheith ina tréimhse fíordheacair d’fhostaí agus dá t(h)eaghlach má chailltear post, nó má táthar ag tabhairt aghaidh ar iomarcaíocht. Aimsigh an t-eolas ar fad a bheidh ag teastáil uait faoi cad ba chóir do d’fhostóir thabhairt duit tar éis do phost a chailliúint agus céard is briseadh éagórach ann. Ba chóir duit teagmháil a dhéanamh le d’ionad Intreo nó d'oifig leasa shóisialaigh chun eolas úsáideach maidir le Sochar Cuardaitheora Poist, nó Liúntas Cuardaitheora Poist. Má tá tú dífhostaithe fada go leor, d’fhéadfadh go mbeifeá i dteideal scéim fostaíochta.

Ag teacht go hÉirinn le haghaidh fostaíochta

Má tá tú ag teacht go hÉirinn chun post a fháil nó má tá sé ar intinn agat é sin a dhéanamh, is féidir eolas úsáideach a fháil in ag teacht ón AE, ceadúnais oibre agus ceadúnas carta glas.

Ag obair thar lear

Má tá tú ag bogadh thar lear le haghaidh fostaíochta nó má tá sé ar intinn agat é sin a dhéanamh, gheobhaidh tú an t-eolas a theastaíonn uait in ag obair san AE agus ag obair lasmuigh den AE.

Dáta an Leasaithe Deireanaigh: 25 May 2013

Teanga

English

Ábhar Gaolmhar

  • Oibrithe imirceacha agus dífhostaíocht
    Leagann sé seo síos na teidlíochtaí iomarcaíochta, leasa shóisialaigh agus cánach atá ag oibrithe imirceacha a chailleann a bpost.
  • Scor ón obair in Éireann
    Don fhormhór nuair a smaoiníonn siad ar scor, feiceann siad deis le treonna nua a ghlacadh agus dushláin nua a thabhairt. Faisnéis ba cheart a bheith ar eolas agat mar gheall ar dhul ar scor ó obair.
  • Ag obair faoi mhíchumas
    Tá tacaíochtaí difriúla ar fáil do dhaoine faoi mhíchumas le cabhrú leo fostaíocht a fháil agus a choimeád.

Téigh i dteagmháil linn

Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 8in) no trí bhualadh isteach san Ionad Faisnéise do Shaoránaigh is gaire duit.