Ceadanna an Chárta Ghlais

Rialacha

Tairiscint poist

Caithfidh go bhfuil tairiscint poist agat ó chuideachta nó ó fhostaitheoir atá cláraithe leis na Coimisinéirí Ioncaim, atá ag trádáil in Éirinn agus cláraithe le hOifig Chláraithe na gCuideachtaí. Caithfidh go bhfuil tú fostaithe go díreach agus do d’íoc in Éirinn. Ní ghlactar le tairiscintí poist ó ghníomhaireachtaí earcaíochtaí ná ó idirghabhálaithe eile faoin scéim.

Tástáil riachtanas an mhargaidh shaothair

Ní bhíonn tástáil riachtanas an mhargaidh shaothair de dhíth, is é sin le rá nach gcaithfidh an fostaitheoir an post a fhógairt le FÁS/EURES nó i nuachtáin. Agus sin ráite, ní dheonfaí cead fostaíochta do chuideachtaí dá mba saoránaigh neamh-EEA iad níos mó ná 50% de na fostaithe dá thoradh sin.

Cáilíochtaí

Caithfidh na cáilíochtaí, scileanna agus taithí ábhartha atá de dhíth don phost a bheith agat.

Poist incháilithe

Tá dhá chatagóir de phoist atá i dteideal mar a leanas:

(1) Do phoist le tuarastal bliantúil os cionn €60,000 nó níos mó tá an cead Cárta Ghlais ar fáil do gach post (seachas catagóír neamh-incháilithe áirithe agus iad sin nach bhfuil ag teacht le leas an phobail)

(2) Do phoist le tuarastail bhliantúla de €30,000- €59,999 is féidir iarratais le haghaidh an Chárta Ghlais a dhéanamh do na poist ar an liosta thíos:

Poist atá incháilithe (tuarastal bliantúil idir €30,000 - €59,999)

Clárú agus cead fanachta

Mura saoránach de chuid an EEA nó saoránach de chuid na hEilvéise thú, beidh ort clárú le d'oifigeach clárúcháin áitiúil um inimirce sa cheantar ina bhfuil sé ar intinn agat bheith i do chónaí nuair a bhainfidh tú an Stát amach. I gceantar Bhaile Átha Cliath, déantar an clárú ag Biúró Náisiúnta an Gharda Síochána um Inimirce (BNGSI). Má tá tú i do chónaí lasmuigh de Bhaile Átha Cliath, ba cheart duit clárú ag Ceanncheathrú Ceantair an Gharda. Tá sé seo d’fhonn cead fanachta a fháil agus lena chinntiú go bhfuil an stádas ceart inimirce agat, is é sin, mar fhostaí. Tabharfar Deimhniú Clárúcháin duit nó cárta BNGSI mar a thugtar air freisin.

Dáta éaga an cheada don Chárta Glas

Eisítear an cead don Chárta Glais ar feadh 2 bhliain agus níl aon dualgas ort an cead a athnuachan. Ón 30 Lúnasa 2010, faoi shocruithe inimirce athbhreithnithe, d’fhéadfadh sé go dtabharfaí ceadúnas stampa 4 ar feadh dhá bhliain sa bhreis do shealbhóirí ceadúnais an Chárta Ghlais ar feadh dhá bhliain nó iarshealbhóirí an Chárta Ghlais ar tugadh stampa 4 dóibh in 2009.

Laistigh de 2 sheachtain ó dháta éaga an cheada don Chárta Glais, ba chóir duit iarratas a dhéanamh chuig an oifigeach inimirce áitiúil chun do chead cónaithe a athnuachan - féach thuas. Caithfidh na doiciméid a leanas a bheith agat:

• Pas
• Deimhniú Clárúcháin (Cárta BNIGS)
• Do chead don Chárta Glais
• An duillín pá is déanaí a fuair tú

Chomh fada agus go mbíonn tú ag obair sa ghairm chéanna, don fhostóir céanna agus ar an tuarastal céanna ar a laghad is atá luaite ar an gcead don Chárta Glais, tabharfar cead Stampa 4 duit ar feadh 2 bliana. Ceadaíonn sé seo duit oibriú in Éirinn gan chead agu is socrú eatramhach é seo. Mura bhfuil an t-oifigeach inimirce sásta go ndéanann tú na critéir incháilithe a shásamh, tabharfar cead Stampa 1 duit ar feadh 3 mhí agus déanfar tú a atreorú chuig Rannóg Ceadanna Fostaíochta na Roinne Post, Fiontar agus Nuálaíochta - féach 'Conas iarratas a dhéanamh' thíos.

Mura mbíonn ach amháin ceadanna don Chárta Glais agat, ní bheidh tú i dteideal iarratas a dhéanamh ar chónaí fadtéarmach go dtí go mbeidh an Bille um Inimirce, Cónaí agus Cosaint 2010 (pdf) curtha i bhfeidhm. Is féidir liosta de cheisteanna coitianta faoi shocruithe athnuachana do shealbhóirí ceada an Chárta Ghlais a fháil ar láithreán gréasáin an SEIÉ.

Víosaí

Má tá pas agat ó tír a bhfuil víosa de dhíth ar a bpas-shealbhóirí le teacht isteach in Éirinn ba cheart duit víosa iontrála a iarraidh ó ambasáid nó consalacht na hÉireann sa tír a bhfuil tú i do chónaí inti.

Cleithiúnaigh

Is féidir leat iarratas a dhéanamh le do chéile, do pháirtnéir sibhialta agus/nó leanaí a thabhairt amach chun cónaí leat i ndiaidh duit do chead Cárta Ghlais a fháil. Tá tuilleadh eolais ar aonaontú teaghlaigh ar an láithreán gréasáin na Seirbhíse Eadóirseachta agus Inimirce na hÉireann. Is féidir le céilí, páirtnéirí sibhialta agus cleithiúnaigh fostaithe ar cheadanna fostaíochta ceadanna oibre do chéilí/chleithiúnaigh (pdf) ar an gcuntar go bhfuil siad ina gcónaí anseo ar bhonn dleathach.

Ag athrú post

Más é seo an chéad chead fostaíochta in Éirinn glactar leis go bhfanfaidh tú le d’fhostaitheoir go ceann 12 mhí (mura bhfuil imthosca eisceachtúla i gceist). Ina dhiaidh sin is féidir leat d’fhostaitheoir a athrú ar an gcuntar go ndéantar iarratas nua ar Chárta Glas.

Ag cailleadh do phoist

Má chailleann tú do phost de bharr iomarcaíochta ba cheart duit scéal a chur chuig an Roinn Post, Fiontar agus Nuálaíochta. Ó 28 Aibreán 2009 tabharfaidh an Roinn 6 mhí duit (3 mhí a ceadaíodh roimhe sin) chun post eile a fháil. Caithfidh tú iarratas a dhéanamh ar chead nua don Chárta Glas nuair a fhaigheann tú post eile.

Ba chóir duit teagmháil a dhéanamh leis an oifigeach inimirce áitiúil atá agat chun do stádas inimirce a dhearbhú - féach 'Clárúchán' thuas. Má tá breis is 6 mhí fágtha sula n-imeoidh do chead inimirce BNGSI in éag, féadann tú cónaí in Éirinn faoi do chead stampa 1 ar feadh 6 mhí eile. Má tá níos lú ná sé mhí fágtha den chead inimirce féadann tú do chead inimirce a shíneadh go 6 mhí rud a chiallaíonn go mbeidh ort €150 a íoc as cárta BNGSI nua. Mura bhfaigheann tú post nua tar éis 6 mhí beifear ag súil go n-imeoidh tú as Éirinn. Má fhaigheann tú tairiscint fostaíochta in Éirinn ansin is féidir leat iarratas a dhéanamh ar chead fostaíochta nua. Tá tuilleadh sonraí faoi na forálacha nua do náisiúnaigh neamh-LEE a dhéantar iomarcach ar láithreán gréasáin Sheirbhís Eadóirseachta agus Inimirce na hÉireann (SEIÉ). Baineann na forálacha seo do náisiúnaigh neamh-LEE ar víosa oibre agus údarú oibre freisin.

Sealbhóirí ceada oibre

Más saoránach neamh-EEA thú atá ag obair in Éirinn cheana féin ar chead bailí oibre is féidir leat iarratas a chur isteach ar chead Cárta Ghlais más amhlaidh go gcomhlíonann tú na critéir. Caithfidh tú do chead oibre a thabhairt ar ais le d’iarratas nua le haghaidh cead Cárta Ghlais. Mura bhfuil tú incháilithe le haghaidh cead Cárta Ghlais is féidir leat iarratas a dhéanamh do chead oibre a athnuachan nuair a théann sé in éag. (Má tá do chead fostaíochta á athnuachan agat, cuirfear na socruithe nua i bhfeidhm i ndáil le táillí agus tréimhse an cheada fostaíochta. Baineann liosta na gcatagóirí neamh-incháilithe le hiarratais nua ar cheadanna fostaíochta amháin.)

Scéim aistrithe ionchuideachta

Ón 1 Feabhra 2007 tá scéim aistrithe ionchuideachta (pdf) i ndiaidh teacht isteach. Tugann an scéim seo deis do bhainisteoireacht shinsearach, phearsanra tábhachtach agus oiliúnaithe ar saoránaigh neamh-Éireannacha iad atá ag obair i mbrainse thar lear de chuideachta ilnáisiúnta aistriú chuig an mbrainse Éireannach. Caithfidh an fostaí a bheith ag tuilleamh €40,000 sa bhliain ar a laghad agus caithfidh go raibh siad ag obair leis an gcuideachta ar feadh íosmhéid de 12 mhí. Is féidir cead aistrithe inchuideachta a dheonú ar feadh uasmhéide de dhá bhliain ar dtús agus ansin is féidir síneadh a chur leis sin suas le huasmhéid de 5 bliana.

Scéim na gcéimithe

Ón 10 Aibreán 2007, is féidir cead a thabhairt do mhic léinn neamh-EEA ar bronnadh bunchéim, máistreacht nó dochtúireacht orthu ar nó i ndiaidh 1 Eanáir 2007, fanacht in Éirinn go ceann 6 mhí. Cuirfidh Scéim na gCéimithe Tríú Leibhéil ar a gcumas fostaíocht a fháil agus iarratas a chur isteach ar chead oibre nó ar chead Cárta Ghlais. Le linn na tréimhse 6 mhí seo is féidir leo a bheith ag obair go lánaimseartha. Caithfidh siad a bheith ina gcónaí go dleathach in Éirinn agus ba chóir dóibh iarratas a chur isteach ar an síneadh seo ar a gcead mac léinn (stampa 2) chuig a n-oifig áitiúil chláraithe inimirce – féach 'Clárú agus cead fanachta' thíos.