Bulaíocht sa láthair oibre

Conas iarratas a dhéanamh

Caithfidh tú fáil amach cad atá le déanamh agat má airíonn tú go bhfuil bulaíocht á fulaingt agat. Ba chóir duit tosú trína shoiléiriú don duine lena mbaineann nach bhfuil a c(h)uid iompraíochta inghlactha. Murar leor an cur chuige neamhfhoirmiúil seo leis an gceist a réiteach agus i gcásanna nuair a leanann bulaíocht, b'fhéidir go mbeadh ort smaoineamh faoi ghearán foirmiúil a dhéanamh. Ba chóir duit an bhulaíocht a chur in iúl do bhainisteoir. Ba chóir do bheartas d'fhostóra ar bhulaíocht a sholéiriú cad atá le tarlú nuair a dhéantar gearán foirmiúil, conas gearán a fhiosrú agus cé a dhéanfaidh an fiosrúchán, saincheisteanna rúndachta agus cearta na bpáirtithe ar fad a thógáil san áireamh.

Má cheapann tú nár dhéileáil d'fhostóir leis an ngearán bulaíochta i gceart, tá sé sonraithe sa Chód Cleachtais na hÚdaráis Sláinte agus Sábháilteacht gur féidir leat do ghearán chuig an Choimisinéir um Chearta faoin na hAchtanna Caidrimh Thionscail 1969-2001 – féach ‘Gearáin’ thíos.

D'fhéadfadh ceann de na roghanna seo a leanas a bheith ar fáil duit:

Comhionannas fostaíochta: Má tá bulaíocht á dhéanamh ort ar cheann de na 9 bhforas idirdhealaithe, is féidir leat do chás a thabhairt chuig an mBinse Comhionannais. Is féidir leat gearán a dhéanamh faoi na hAchtannna um Chomhionannas Fostaíochta - féach ‘Gearáin’ thíos.

Sláinte agus sábháilteacht: Mura bhfuil beartas bulaíochta atá sásúil san ionad oibre agat, is féidir leat gearán foirmiúil a dhéanamh le hAonad Teagmhála an Ionaid Oibre san Údarás Sláinte agus Sábháilteachta (ÚSS) – féach ‘Cá háit a ndéanfaidh mé iarratas’ thíos.

Má airíonn tú go bhfuil bulaíocht á dhéanamh ort, déanann tú gearán de réir do chearta faoin Acht um Shábháilteacht, Sláinte agus Leas ag an Obair chuig Seirbhís an Choimisinéara um Chearta - féach ‘Gearáin’ thíos.

Dífhostú éagórach: Mura féidir an bhulaíocht a sheasamh agus má tá ort do phost a fhágáil dá réir, d'fhéadfá a bheith i dteideal dífhostú inchiallaithe a éileamh faoi na hAchtanna um Dhífhostú Éagórach. Ciallaíonn sé seo cé gur fhág tú do phost go deonach, b'éigean duit a leithéid a dhéanamh i bhfírinne, toisc an bealach ar déileáladh leat. Moltar duit comhairle dlí a fháil maidir le do chearta sula bhfágann tú do phost.

Má tá tú cáilithe faoin reachtaíocht um dhífhostú éagórach, is féidir leat éileamh a dhéanamh don Bhinse Achomhairc Fostaíochta – féach ‘Gearáin’ thíos. Má aontaíonn an Binse gur tharla "dífhostú inchiallaithe", d'fhéadfá a bheith i dteideal cúiteamh a fháil ó d'fhostóir.

Teorainneacha ama: caithfear gearáin faoi na hAchtanna um Chomhionannas Fostaíochta agus an tAcht um Shábháilteacht, Sláinte agus Leas ag an Obair a thabhairt laistigh de 6 mhí. Is féidir an teorainn ama a mhéadú go 12 mhí más féidir “cúis réasúnta” leis an moill a léiriú.
Caithfear éilimh faoi na hAchtanna um Dhífhostú Éagórach a dhéanamh laistigh de 6 mhí ó dháta críochnaithe na fostaíochta. D'fhéadfaí an teorainn ama a shíneadh go 12 mhí i gcásanna inar chuir cúinsí eisceachtúla cosc ar thaisceadh an éilimh laistigh de 6 mhí.

Íospairt: Má dhéanann tú éileamh faoin reachtaíocht um chomhionannas fostaíochta, sláinte agus sábháilteachta, nó dífhostú éagórach, ní féidir leat ansin a bheith faoi réir íospairt san ionad oibre.

Éileamh um Dhíobháil Phearsanta: Má tá an bhulaíocht nó ciapadh chomh dona agus go bhfuil sé díobhálach don tsláinte (fisiciúil nó síceolaíoch), d'fhéadfá a bheith i dteideal éileamh a dhéanamh chomh maith ar chúiteamh i leith díobháil phearsanta. Ní féidir leat cúiteamh a lorg trí d'fhostóir faoin reachtaíocht um shláinte agus sábháilteacht, ach caithfidh tú éileamh a dhéanamh tríd InjuriesBoard.ie.

Gearáin

Má dhéanann tú gearáin chuig Seirbhís an Choimisinéara um Chearta, chuig an mBinse Achomhairc Fostaíochta nó chuig an mBinse Comhionannais, caithfidh tú an fhoirm gearáin shingil nua a úsáid atá ar fáil ar workplacerelations.ie.