An Binse Achomhairc Fostaíochta

Rialacha

Éisteann an Binse le réimse leathan díospóidí mar gheall ar chúrsaí cearta fostaíochta agus déanann sé cinntí a bhfuil ceangal dlí ag gabháil leo. Éisteann sé le héilimh nó le hachomhairc, ag brath ar an reachtaíocht. Uaireanta déantar éileamh go díreach leis an mBinse, i gcásanna eile éistear le hachomhairc i gcoinne cinntí nó moltaí Coimisinéara um Chearta amháin - tuilleadh sonraí le fáil thíos.

Bunaíodh an Binse Achomhairc Fostaíochta chun déileáil le díospóidí faoin reachtaíocht seo:

• Achtanna um Íocaíochtaí Iomarcaíochta 1967 go 2007
• Achtanna um Fhógra Íostréimhse agus Téarmaí Fostaíochta 1973 go 2005
• Achtanna um Dhífhostú Éagórach 1977 go 2007
• Achtanna um Chosaint Fostaithe (Dócmhainneacht Fostóirí) 1984 go 2004
• An tAcht um Eagrú Ama Oibre 1997
• An tAcht um Íocaíocht Pá 1991
• An tAcht um Théarmaí Fostaíochta (Faisnéis) 1994 agus 2001
• Achtanna um Chosaint Mháithreachais 1994 agus 2004
• Achtanna um Shaoire Uchtaíoch 1995 agus 2005
• An tAcht um Chosaint Dhaoine Óga (Fostaíocht) 1996
• Achtanna um Shaoire do Thuismitheoirí 1998 agus 2006
• An tAcht um Chosaintí do Dhaoine a Thuairisceoidh Drochúsáid Leanaí 1998
• Rialacháin na gComhphobal Eorpach (Cosaint Chearta Fostaithe ar Aistriú Gnóthas)(Leasú) 2003
• Rialacháin na gComhphobal Eorpach (Cosaint Fostaíochta) 2000
• An tAcht um Shaoire Cúramóra 2001
• An tAcht Iomaíochta 2002

Ionadaíocht

Ní gá go ndéanfar ionadaíocht ort ag an mBinse ach is féidir le duine ionadaíocht a dhéanamh ort más mian leat. D'fhoilsigh an Binse leabhrán in éineacht leat dár theideal P45 nó P60 agus ba chóir duit an leabhrán seo, a dhéanann cur síos mion ar na bearta, a léamh chomh maith Leabhrán Míniúcháin ar an mBinse Achomhairc Fostaíochta.

Muna bhfuil ionadaí agat chun do chás a chur i láthair, déanfaidh an Binse cinnte nach mbíonn tú faoi mhíbhuntáiste mar thoradh ar seo. Ba chóir duit a dheimhniú go bhfuil na doiciméid ábharthacha uile agat ar nós P45 nó P60 agus ba chóir duit an Leabhrán Míniúcháin ar an mBinse Achomhairc Fostaíochta (pdf) a léamh freisin chun dearbhú go bhfuil tú ar an eolas i dtaobh bhearta an Bhinse.

Ag déanamh éilimh dhírigh

Is féidir leat éileamh díreach a dhéanamh leis an mBinse le haghaidh iomarcaíochta agus ba chóir duit é seo a dhéanamh laistigh de 12 mí ó dháta fhoirceannadh d'fhostaíochta. Is féidir leat éileamh díreach a dhéanamh mar thoradh ar dhífhostú éagórach i gcás go gcuireann tusa nó d'fhostóir in aghaidh éisteacht Coimisinéara um Chearta. Ba chóir duit é seo a dhéanamh laistigh de shé mhí ó dháta do dhífhostaithe. Amharc ar ‘Conas iarratas a dhéanamh’ thíos le haghaidh tuilleadh sonraí.

Achomharc a dhéanamh leis an mBinse

Éisteann an Coimisinéir um Chearta cásanna i dtosach, de réir na reachtaíochta seo a leanas. Ansin, féadfar achomharc a dhéanamh leis an mBinse Achomhairc Fostaíochta, i gcoinne chinneadh nó mholadh an Choimisinéara um Chearta.
An tAcht um Dhífhostú Éagórach 1977 go 2001, An tAcht um Íocaíocht Pá 1991, An tAcht um Théarmaí Fostaíochta (Faisnéis) 1994 agus 2001, An tAcht um Chosaint Máithreachais 1994, An tAcht um Shaoire Uchtála 1995, An tAcht um Chosaint Dhaoine Óga (Fostaíocht) 1996, An tAcht um Shaoire do Thuismitheoirí 1998, An tAcht um Chosaintí do Dhaoine a Thuairisceoidh Drochúsáid Leanaí 1998, Rialacháin na gComhphobal Eorpach (Cosaint Chearta Fostaithe ar Aistriú Gnóthas) (Leasú) 2000, Rialacháin na gComhphobal Eorpach (Cosaint Fostaíochta) 2000 agus An tAcht um Shaoire Cúramóra, 2001.

Idir ceithre agus sé sheachtain ó chinneadh nó moladh an Choimisinéara um Chearta atá an teorainn ama le haghaidh achomharc a dhéanamh (ag brath ar an Acht faoi leith).

Má dhéantar d'éileamh faoi Scéim um Dhócmhainneacht Fostóirí a dhiúltú is féidir leat achomharc a dhéanamh leis an mBinse.

Cur i bhfeidhm chinneadh an Choimisinéara um Chearta

Má tá moladh nó cinneadh déanta ag an gCoimisinéir um Chearta nach bhfuil curtha i bhfeidhm ná curtha chun achomhairc ag d'fhostóir, is féidir leat iarratas a dhéanamh leis an mBinse ionas go gcuirfear an cinneadh nó an moladh i bhfeidhm - amharc ar 'Conas iarratas a dhéanamh' thíos.

Agaí feithimh le haghaidh éisteachtaí ag an mBinse

Tá riaráiste cásanna ag feitheamh éisteachta ón mBinse Achomhairc Fostaíochta i láthair na huaire. Beidh ort fanacht tuairim os cionn bliana sula n-éistfear do chás. Féadfar agaí feithimh beachta a fháil ón mBinse Achomhairc Fostaíochta - féach 'Cá háit a ndéanfaidh mé iarratas' thíos.

Achomharc a dhéanamh ar bhreith

Is gnách go dtugtar 'breith' ar chinneadh an Bhinse agus tá ceangail dlí ag gabháil leis. Ná déan dearmad ar na pointí seo a leanas i leith achomhairc fostaíochta;

• I bhformhór cásanna, féadfaidh ceachtar páirtí achomharc a dhéanamh i leith breithe chuig na hArd-Chúirte chomh fada agus go bhfuil sé ar phonc dlí.
• Tá cumhacht ag an Aire Post, Fiontar agus Nuálaíochta cás a tharchur chun na hArd-Chúirte ar iarratas ón mBinse, chomh maith.

Féadfaidh ceachtar páirtí achomharc a dhéanamh leis an gCúirt Chuarda laistigh de sé seachtaine ón mbreith, de réir na nAchtanna um Dhífhostú Éagórach 1977-2001 agus an Achta um Chosaint Mháithreachais d'Fhostaithe 1981 (níl an t-achomharc teoranta do phonc dlí) I gcás nach dtugtar aon achomharc chun na Cúirte Cuarda agus nach gcuireann an fostóir an bhreith i bhfeidhm, féadfaidh an tAire Post, Fiontar agus Nuálaíochta imeachtaí a thabhairt chun na Cúirte Cuarda ar son an fhostaithe.