Ceardchumainn
Eolas
Tá sé de cheart ag fostaithe in Éirinn de réir na Bunreachta dul isteach i gceardchumann. Is féidir le ceardchumann bheith ina fhoinse thábhachtach eolais agus cosanta maidir le hábhair fhostaíochta, chomh maith le idirbheartú leis an bhfostóir chun pá agus coinníollacha oibre a fheabhsú.
Níl aon oibleagáid de réir dlí ar fhostóir idirbheartú le ceardchumann ag feidhmiú ar son fostaí atá ina bhall, mura socraíodh é roimh ré. Ní choscann seo gur féidir le casaoid faoi aitheantas a thabhairt do cheardchumann bheith ina casaoid dhlíthiúil.
Is í Comhdháil Cheardchumann na hÉireann (CCE) an bhrateagraíocht do cheardchumainn in Éirinn, agus feidhmíonn sí ar son leas ilchineálach fostaithe in Éirinn agus i dTuaisceart Éireann. Coinníonn CCE an suíomh gréasáin unionconnect.ie freisin
Má íocann tú síntiús do cheardchumann in Éirinn, is féidir creidmheas cánach le haghaidh an tsíntiúis seo ar an gnáthráta a éileamh - féach 'Conas iarratas a dhéanamh' thíos.
Rialacha
Is féidir bheith ina choinníoll oibre go bhfuil ort dul isteach i gceardchumann áirithe tar éis duit tairiscint oibre a ghlacadh agus fanacht sa cheardchumann sin fad is a bhfanann tú mar fhostaí sa phost sin. Tá barúil ann nach bhfuil sé seo bunreachtúil, ach ní dhearnadh é a thriail sna cúirteanna fós. Má tá tú sa phost cheana gan bheith i do bhall den cheardchumann agus má chuireann do fhostóir d'iallach ort dul isteach i gceardchumann níos déanaí, is féidir leat diúltú dó, óir tá seo míbhunreachtúil.
Tá dífhostú de bharr gníomhaíocht cheardchumainn éagórach go huathoibríoch agus ní gá go mbeadh fad seirbhíse ar leith ag fostaí a dífhostaítear i gcúinsí mar sin chun a c(h)earta a fhorfheidhmiú.
Ráta
Is é do cheardchumann a shocraíonn ráta an tsíntiúis a íoctar leis ach is iondúil go mbíonn sé seo idir 0.5% agus 1% de do thurastal comhlán bliantúil.
I 2010 bhí liúntas cánach ar an ngnáth ráta de €350 le fáil i gcás na síntiús a íocann baill cheardchumainn. Is ionann é seo agus creidmheas cánach de €70.
Cuirtear faoiseamh cánach ar shíntiúis cheardchumainn ar ceal ó 1 Eanáir 2011.
Conas iarratas a dhéanamh
Má dífhostaíodh tú de bharr gníomhaíocht cheardchumainn, is dífhostú éagórach é seo sa ghnáthchúrsa faoi nahAchtanna um Dhífhostú Éagórach 1977-2007. Ní theastaíonn aon fhad seirbhíse ar leith mar fhostaí chun cás a thógáil sa chás seo faoin dlí. Is féidir leat do chás a thabhairt chuig Coimisinéir um Chearta nó chuig Binse Achomhairc Fhostaíochta .
Déan teagmháil le d'oifig cánach i gcomhair tuilleadh eolais faoi fhaoiseamh cánach a éileamh ar shíntiúis cheardchumainn. Déan iarratas ar chreidmheas canach um shíntiús cheardchumainn ar líne anseo.
Cá háit a ndéanfaidh mé iarratas
Seirbhísí do Chustaiméirí um Chaidreamh san Ionad Oibre
(Seirbhísí Faisnéise, Údarás Náisiúnta um Chearta Fostaíochta roimhe sin)
An Roinn Post, Fiontar agus Nuálaíochta
Bóthar Uí Bhriain
Ceatharlach
Éire
Uaireanta Oscailte:Luan go hAoine 9.30rn go 5in
Teil: (059) 917 8990
Lóghlao: 1890 80 80 90
Láithreán Gréasáin: http://www.workplacerelations.ie/en/
An Binse Achomhairc Fostaíochta
Teach Davitt
65a Bóthar Adelaide
Baile Átha Cliath 2
Éire
Teil:+353 (0)1 631 3006
Lóghlao:1890 220 222
Facs:+353 (0)1 631 3266
Láithreán Gréasáin: http://www.eatribunal.ie/
R-phost: eat@entemp.ie
Seirbhís Choimisinéir um Chearta
An Coimisiún Um Chaidreamh Oibreachais
Teach Thomáis Mac Sheáin
Bóthar Haddington
Baile Átha Cliath 4
Éire
Teil:+353 (0)1 613 6700
Lóghlao:1890 220 227 (outside 01 area)
Facs:+353 (0)1 613 6701
Láithreán Gréasáin: http://www.lrc.ie/docs/Rights_Commissioner_Service_-_Information_about_the_service/234.htm
R-phost: rightscomm@lrc.ie
Teanga
Acmhainní Úsáideacha
Ábhar Gaolmhar
- Dífhostú éagórach
Cuirtear síos conas atá fostaithe cosanta faoin reachtaíocht um dhífhostú éagórach: cé atá clúdaithe, cé atá eisiata agus conas éileamh a dhéanamh ar dhífhostú éagórach. - Cearta fostaíochta oibrithe tí in Éirinn
Cad is oibrí tí ann? Sracthuairisc ar chearta fostaíochta daoine a oibríonn i dtithe príobháideacha. - Cúiseanna maithe le dífhostú
Don chuid is mó cásanna, meastar dífhostú a bheith éagóir mura bhfuil an fostóir in ann a thaispeáint go raibh cúiseanna maithe leis an dífhostú.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.