Orduithe Rialaithe Fostaíochta agus Comhaontaithe Fostaíochta Cláraithe

Eolas

Chomh maith le comhaontaithe ar nós an íosphá náisiúnta, tá comhaontaithe eile a gcaithfidh fostóirí cloí leo. Baineann na comhaontaithe seo le coinníollacha oibre agus pá na bhfostaithe agus b’fhéidir go mbíonn siad luaite i gconradh fostaíochta an fhostaí.

• Tugtar na hOrduithe Rialaithe Fostaíochta ar na comhaontaithe uile atá déanta ar chúrsaí pá agus coinníollacha ag na Comhchoistí Oibreachais.
• Tugtar Comhaontaithe Comhchoiteann ar na comhaontaithe a eascraíonn as idirbheartaíochtaí idir ceardchumainn agus fostóirí.
• Má tá Comhaontú Comhchoiteann cláraithe leis an gCúirt Oibreachais, glaoitear An Comhaontú Fostaíochta Cláraithe air.

Cinneadh na hArd-Chúirte ar ORFanna ar an 7 Iúil 2011

Ag leanúint ó chinneadh na hArd-Chúirte, stad Orduithe Rialaithe Fostaíochta d’aon tionchar reachtúla ón 7 Iúil 2011. Tá conarthaí fostaíochta reatha ag fostaithe a bhí clúdaithe ag ORF a rialaíonn a bpá agus a gcoinníollacha oibre. Má laghdaíonn fostóir ráta pá an fhostaí is athrú ar a gconradh fostaíochta a bheadh anseo agus de ghnáth teastaíonn cead an fhostaí chun é seo a dhéanamh. Tá pá an coinníollacha fostaithe a thosaíonn ag obair tar eis an 7 Iúil 2011 rialaithe ag reachtaíocht fostaíochta cosúil leis an bpá íosta.

Is féidir leat teacht ar eolas mionsonraithe ar na himpleachtaí a bhaineann le cinneadh na hArd-Chúirte ar ORFanna (pdf) ar shuíomh gréasáin an Údaráis Náisiúnta um Fhostaíocht.

Athchóiriú beartaithe an córas CCF

An 28 Iúil 2011 d’fhógair an tAire Post, Fiontar agus Nuálaíochta go dtiocfaidh reachtaíocht a athchóiríonn na meicníochtaí cinneadh pá faoin gComhchoiste Oibreachais agus Comhaontaithe Fostaíochta Cláraithe isteach i bhfómhair 2011.

Cuimsíonn forálacha na reachtaíochta beartaithe:

• An líon CCF go dtí leath an líon roimhe seo a laghdú
• Laghdú ar an líon rátaí Ordú Rialaithe Fostaíochta (ORF); leagfaidh na CCF síos bunráta do dhuine fásta agus 2 íosráta forlíontach
• Beidh cead ag cuideachtaí díolúine a chuardaigh ón ghá rátaí ORF agus CFC a íoc de bharr deacracht airgeadais
• Deireadh a chur sna forálacha ORF le préimh Domhnach agus coinníollacha fostaíochta eile atá clúdaithe i reachtaíocht fostaíochta eile. Beidh an Coimisiún um Chaidreamh Oibreachais ag ullmhú Cód Cleachtais nua maidir le hobair Domhnach d'oibrithe sna hearnálacha ORF.
• Critéir nua a bheith úsáidte chun ORF a dhéanamh nó a athrú. D'fhéadfadh go gcuimsíonn siad tosca iomaíochais agus rátaí fostaíochta agus dífhostaíochta

Orduithe Rialaithe Fostaíochta JLC go dtí 7 Iúil 2011

Rinne an Chúirt Oibreachais Ordú Rialaithe Fostaíochta (ORF) ag dearbhú moltaí curtha isteach ag Comhchoiste Oibreachais (CCO). Bhí an tOrdú seo ina cheangal dlí. Ba é an CCO a aontaigh na rátaí pá agus na coinníollacha oibre do na hoibrithe atá ag obair san earnáil fostaíocht de chuid an CCO, mar shampla, lónadóireacht. Mar gheall ar an Ordú Rialacháin Fostaíochta déanta ag an gCúirt Oibreachais, bhí an comhaontú JLC feidhmiúil ag an dlí.

Bhí rátaí pá agus coinníollacha fostaíochta an Comhchoiste Oibreachais sna Orduithe Rialaithe Fostaíochta seo leanas:

• Uiscí aeraithe agus buidéalú mórdhíola
• Oibrithe Talmhaíochta
• Obair Scuaba
• Lónadóireacht (Baile Átha Cliath agus Dún Laoghaire)
• Lónadóireacht (Eile)
• Glanadh ar conradh (Baile Átha Cliath)
• Glanadh ar chonradh (eile)
• Gruaigeadóireacht (Corcaigh)
• Gruaigeadóireacht (Baile Átha Cliath, Dún Laoghaire agus Bré)
• Earraí Ciarsúir agus Tís
• Óstáin (Baile Átha Cliath agus Dún Laoghaire)
• Óstáin (Eile, ach ní Corcaigh)
• Cléirigh Dlí
• Muilleoireacht Próntair
• Miondíoltóireacht, Grósaeireacht & Comhcheardaithe
• An Tionscal Slándála
• Léinteoireacht
• Táilliúireacht
• Éadaí Ban agus Aitéireacht

Comhaontaithe Comhchoiteann agus Comhaontaithe Fostaíochta Cláraithe (CFC)

Is iad na Comhaontaithe Comhchoiteann na comhaontaithe a thagann as idirbheartaíocht idir fostóirí agus ionadaithe na bhfostaithe. Is féidir le fostóirí agus oibrithe in aon earnáil nó comhlacht theacht ar réiteach maidir le rátaí íosphá agus coinníollacha oibre agus is féidir, ansin, an comhréiteach sin a chlárú leis an gCúirt Oibreachais mar Comhaontú Fostaíochta Cláraithe (CFC).

Tá CFCanna infhorghníomhaithe le dlí fad is a bhaineann sé lena fostóirí agus na hoibrithe san earnáil lena bhfuil an comhaontú luaite. Tá na rátaí pá agus coinníollacha oibre sa CFCanna do na hearnálacha seo leanas:

• Éadaitheoireacht, coisbheart, & comhcheardaithe (Baile Átha Cliath & Dún Laoghaire)
  
• An Tionscal Tógála
• Clódóireacht (Baile Átha Cliath)
• Conraitheoireacht Leictreach

D'fhógair an tAire Poist, Fiontar agus Nuálaíochta athruithe beartaithe ar an gcóras CFC a thabharfar isteach i bhfómhar 2011.